Еремей 46:20 - Коми Библия 2023

²⁰ Египет – мичасьыс-мича кукань, войвывсянь лэбзьӧ сыланьӧ лӧдз чукӧр.

Еремей 46:20 Iomraidhean Croise

Еремей 1:14

Господь шуис меным: «Тайӧ муас олысьяс вылӧ шогыс воас войвывсянь.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 46:10

Тайӧ луныс – Господьлӧн лун, Господь Саваофлӧн водзӧс перъян лун. Сійӧ мынтысяс Аслас вӧрӧглы, Сылӧн шыпуртыс пондас виавны – пӧттӧдзыс юас налысь вирсӧ. Ӧд войвыв муын, Ефрат ю дорын, тайӧ вир кисьтӧмыс лоӧ вись вайӧм Ыджыдыслы, Господь Саваофлы.

Еремей 46:24

Египет нылӧс лоӧ янӧдӧма, сійӧс лоӧ сетӧма войвывса войтырлӧн киӧ.

Еремей 46:6

Тэрыб кока оз вермы пышйыны, вына морт оз мездмы. Войвылын, Ефрат ю дорын, найӧ крукасясны да усясны.

Еремей 47:2

– Господь тадзи висьталӧ: Войвывсянь бузгӧ-кыпӧдчӧ ва, сійӧ лоӧ ытва кодь, сійӧ ойдӧдас мусӧ да ставсӧ, мый сэні эм, ойдӧдас каръяс да сэні олысьяссӧ. Филистим муын олысьяс кутасны горзыны, ставныс кутасны сыркъявны-бӧрдны.

Еремей 50:11

Ті, Менсьым войтырӧс куштысьяс, гажӧдчинныд-нимкодясинныд, видз вылӧ лэдзӧм кукань моз ризъялінныд, тышӧ петысь вӧв моз корскинныд.

Осий 10:11

Ефрем – велӧдӧм кукань, окотапырысь вартӧ. Ме Ачым пукті сийӧссӧ сылӧн вына сьылі вылӧ. Ефремӧс Ме доддяла, Иуда пондас гӧрны, Яков – агсасьны.