Еремей 46:12 - Коми Библия 2023

¹² Тэнӧ янӧдӧм йылысь кылісны войтыръяс, тэнад горзӧмыд тыртіс ставнас мусӧ. Тэнад вына тышкайӧзыд крукасисны ӧта-мӧдас, ставныс ӧтлаын усисны.

Еремей 46:12 Iomraidhean Croise

Исай 10:4

Пленӧ босьтӧмаяс пӧвстын ті сувтанныд пидзӧс выланыд, кулӧмаяс моз усянныд. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 19:2

Ме кыпӧда египетсаясӧс ӧта-мӧдныслы паныд: вокыс уськӧдчас вокыс вылӧ, орччӧн олысьыс – орччаыс вылӧ, ӧти карын олысьяс – мӧд карын олысьяс вылӧ, тайӧ муас олысьяс – мӧд муын олысьяс вылӧ.

Исай 24:11

Вина абутӧм вӧсна карса туйяс вылын кылӧ бӧрдӧм, гажӧдчӧмыс кусіс, нимкодьлуныс эновтіс муюгыдсӧ.

Еремей 14:2

– Иуда му бӧрдӧ, каръяслӧн дзиръяясыс вежыньтчисны, шогсьӧны муыс вӧсна, Ерусалимысь кыптӧ бӧрдӧм шы.

Еремей 2:36

Мыйла тэ дугдывтӧг шӧйтан, ӧтарӧ-мӧдарӧ вежлалан ассьыд туйтӧ? Ассур моз Египет янӧдас тэнӧ.

Еремей 46:6

Тэрыб кока оз вермы пышйыны, вына морт оз мездмы. Войвылын, Ефрат ю дорын, найӧ крукасясны да усясны.

Еремей 47:2

– Господь тадзи висьталӧ: Войвывсянь бузгӧ-кыпӧдчӧ ва, сійӧ лоӧ ытва кодь, сійӧ ойдӧдас мусӧ да ставсӧ, мый сэні эм, ойдӧдас каръяс да сэні олысьяссӧ. Филистим муын олысьяс кутасны горзыны, ставныс кутасны сыркъявны-бӧрдны.

Еремей 48:34

Хешбонсянь Элялеӧдз бӧрдӧны моавсаяс, бӧрдӧм шыыс кылӧ Яхацӧдз, Цоарсянь Хоронаимӧдз да Эглат-Шелишияӧдз кылӧ горзӧм шы, ӧд весиг Нимрим юысь ваыс бырас.

Еремей 49:21

Эдомӧс лоӧ путкыльтӧма, сылӧн усьӧмысь муыс сыркмунлас, Гӧрд саридзӧдз воас эдомсаяслӧн горзӧм шыныс.

Еремей 50:46

Вавилон кар босьтӧм шыысь муыс сыркмунлас, войтыръяс кыласны вавилонсаяслысь горзӧмсӧ.

Еремей 51:54

Вавилонысь кылӧ горзӧм шы, Калдея муын ставсӧ кисьтӧма-пазӧдӧма.

Наум 2:5

Ӧксылы тӧд вылас усьӧны тышкайӧзӧн веськӧдлысьяс. Найӧ котӧртӧны, крукасьлӧны, тэрмасьӧмӧн кайӧны карса стен вылӧ, но вӧрӧг дась нин жугӧдны карса дзиръяяс.

Софоний 1:10

Сійӧ лунӧ, – висьталӧ Господь, – Чери дзиръя дорсянь кутас кывны ойзӧм, мукӧд дзиръя дорсянь – ырзӧм-бӧрдӧм, а керӧсъяс вывсянь – грыма-грамакылӧм.

Ӧксыяслӧн 1 небӧг 5:12

Унаӧн кулісны. А ловйӧн кольысьяс ставныс ёна мылльӧссисны. Карса олысьяслӧн ойзӧмыс кыптіс енэжӧдз.