Еремей 46:10 - Коми Библия 2023

¹⁰ Тайӧ луныс – Господьлӧн лун, Господь Саваофлӧн водзӧс перъян лун. Сійӧ мынтысяс Аслас вӧрӧглы, Сылӧн шыпуртыс пондас виавны – пӧттӧдзыс юас налысь вирсӧ. Ӧд войвыв муын, Ефрат ю дорын, тайӧ вир кисьтӧмыс лоӧ вись вайӧм Ыджыдыслы, Господь Саваофлы.

Еремей 46:10 Iomraidhean Croise

Ӧксыяслӧн 4 небӧг 24:7

Египетса ӧксы эз нин петавлы тышӧ аслас муысь, ӧд вавилонса ӧксы босьтіс Египет кипод улысь став мусӧ Египет мудорса шорсянь Ефрат ю дорӧдз.

Иов 24:1

Мыйла Ставсӧвермысь абу индӧма мыждан кадъяссӧ, мыйла Сійӧс тӧдысьяс оз аддзыны Сылысь мыждан лунъяссӧ?

Исай 13:6

Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Исай 2:12

Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма.

Исай 31:8

Ассур войтыр шыпуртысь кулас, но оз мортлӧн шыпуртысь. Шыпурт бырӧдас найӧс, но оз мортлӧн шыпуртыс. Найӧ пышъясны шыпуртысь, но налысь зонъяссӧ уджӧдасны вот мынтӧм могысь.

Исай 61:2

юӧртны Господьлӧн буралан во йылысь, миян Енлӧн водзӧс перъян лун йылысь. Господь мӧдӧдіс Менӧ бурӧдны шогсьысьясӧс,

Исай 63:4

Ме инді водзӧс перъян лун, матыстчис Менсьым войтырӧс мездан воыс.

Еремей 12:12

Овтӧминса керӧсъяс вывті локтісны бырӧдысьяс. Господьлӧн шыпуртыс бырӧдӧ мусӧ помсяньыс помӧдзыс, некод оз мездмы сыысь.

Еремей 46:14

– Висьталӧй Египетын, юӧртӧй Мигдолын, Мемфисын и Тафнисын, тшӧктӧй египетсаяслы чеччыны да дасьтысьны, ӧд шыпурт бырӧдӧ на гӧгӧрысь ставсӧ.

Еремей 46:2

Иудаса Ехояким ӧксылӧн, Иосей пилӧн, нёльӧд веськӧдлан воӧ, кор вавилонса Навукодоносор ӧксы пасьвартіс египетса Неко фараонлысь тышкайӧзсӧ Каркемисын, Ефрат ю дорын, Еремейлы вӧлі Египет йылысь да египетса тышкайӧз йылысь Господьсянь кыв:

Еремей 46:6

Тэрыб кока оз вермы пышйыны, вына морт оз мездмы. Войвылын, Ефрат ю дорын, найӧ крукасясны да усясны.

Еремей 50:15

Быд боксянь горзӧмӧн уськӧдчӧй Вавилон вылӧ! Вавилон сетчӧ, башняясыс усьӧны, стенъяссӧ жуглӧны, ӧд Господь водзӧс перйӧ сылысь. Водзӧс перйӧй! Вӧчӧй сылы сійӧ жӧ, мый сійӧ вӧчис.

Еремей 50:18

Та вӧсна Господь Саваоф, Израильлӧн Ен, тадзи висьталӧ: Ассурса ӧксыӧс моз Ме мыжда вавилонса ӧксыӧс да сылысь мусӧ.

Еремей 51:6

Пышйӧй Вавилонысь, видзӧй ассьыныд олӧмнытӧ, медым Вавилонлӧн мыжъяс вӧсна энӧ кулӧй, ӧд воис кад, кор Господь мынтысьӧ Вавилонлы, водзӧс перйӧ сылысь.

Езекиль 21:28

Морт пиӧй, пророкав. Аммон войтыр йылысь да сылӧн Израильӧс омӧльтӧм йылысь Господь Ыджыдыс тадзи висьталӧ: перйӧма шыпурт, медым унаӧс начкыны-виавны. Сійӧс весалӧма, медым чардби моз югъялас.

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.

Йоиль 2:1

– Буксӧй буксанӧн Сионын, гораа горзӧй Менам вежа керӧс вылын! Тіралӧй-дзӧрӧй, тайӧ муас олысьяс, ӧд Господьлӧн луныс локтӧ, сійӧ матын нин.

Закар 6:6

Сьӧд вӧвъяс мунасны войвыв муӧ, еджыдъяс – на бӧрся, пегана вӧвъяс – лунвыв муӧ.

Лука 21:22

Тайӧ мынтысян лунъяс, сэки став гижӧмаыс инас.

Индӧд 32:42

Ньӧвъясӧс вирӧн юктӧда, виӧмаяслӧн да пленӧ босьтӧмаяслӧн вирнас. Шыпуртӧй яй ньылыштас, сёяс вӧрӧг юралысьяслысь юрнысӧ.