Еремей 45:5 - Коми Библия 2023

⁵ Тэ коран аслыд унатор. Дугды корнытӧ, ӧд Ме мӧдӧда шог став йӧзыслы, – висьталӧ Господь, – но тэнсьыд олӧмтӧ Ме видза быдлаын, кытчӧ тэ мунан”».

Еремей 45:5 Iomraidhean Croise

Олӧм 6:12

[Господь] Ен видзӧдліс му вылӧ да аддзис, мый муыс тшыкӧма, быдӧн пежалӧма ассьыс олӧмсӧ.

Ӧксыяслӧн 3 небӧг 3:11

Ен шуис сылы: «Тэ эн кор аслыд кузь нэм, озырлун да вӧрӧгыдлы кулӧм, а корин сюсь вежӧр, медым веськыда мыждыны. Сыысь, мый тэнад вӧлі татшӧм кӧсйӧм,

Ӧксыяслӧн 3 небӧг 3:9

Сідзкӧ, сет меным сюсь вежӧр, медым ме веськыда мыжді Тэнсьыд войтыртӧ да кужи торйӧдны бурсӧ лёксьыс. Ӧд вермас-ӧ кодкӧ веськӧдлыны Тэнад уна лыда войтырӧн?»

Ӧксыяслӧн 4 небӧг 5:26

Елисей шуис сылы: «Ме ӧд ловнам вӧлі тэкӧд, кор Нееман чеччис тарантассьыс да петіс тэныд воча. Ӧні абу сійӧ кадыс, мед босьтны эзысь, паськӧм, олив пуяс да виноград йӧръяс, ыж-мӧскӧс да кесйӧг пыдди йӧзӧс.

Псалтыр 131:1

Крамӧ мунігӧн сьылӧм. Господьӧй, эн вунӧд Давидӧс, эн вунӧд сылысь сьӧкыд нуӧмсӧ.

Исай 66:16

Став ловъя олысьсӧ Господь мыждас биӧн, быд мортӧс – Аслас шыпуртӧн, и унаӧс лоӧ бырӧдӧма Господьлӧн ки помысь.

Еремей 21:9

Коді кольччас тайӧ карас, сійӧ кулас шыпуртысь, тшыгъялӧмысь да пӧрӧс висьӧмысь. Коді петас карсьыс да сетчас калдеяса тышкайӧзлӧн киӧ, кодъяс кытшалӧмаӧсь тіянӧс, сійӧ ловйӧн коляс да видзас ассьыс олӧмсӧ.

Еремей 25:15

Господь, Израильлӧн Ен, меным тадзи висьталіс: «Босьт Менам киысь вина чашасӧ, коді тырӧма Менам скӧрлунӧн, да юктӧд сэтысь став войтыръяссӧ, кодъяс дінӧ Ме мӧдӧда тэнӧ.

Еремей 25:16

Найӧ юасны да пондасны шатлавны, найӧ повзясны шыпуртысь, кодӧс Ме мӧдӧда на вылӧ, да повзьӧмнысла садьсӧ воштасны».

Еремей 25:26

тшӧтш войвылысь став ӧксысӧ, ӧта-мӧдсьыныс матын и ылын олысьясӧс, да став мувывса войтыръяссӧ. Шешакысь ӧксы юас медбӧръяӧн.

Еремей 25:31

Му помӧдзыс кылас Господьлӧн горзӧмыс, ӧд Сійӧ пондас мыждыны войтыръясӧс. Сійӧ вайӧдас став йӧзсӧ ёрд водзӧ, сетас лёк вӧчысьясӧс шыпурт улӧ, – висьталӧ Господь.

Еремей 38:2

«Господь тадзи висьталӧ: ”Коді кольччас тайӧ карас, сійӧ кулас шыпуртысь, тшыглунысь да пӧрӧс висьӧмысь. А коді сетчас калдеяса тышкайӧзлӧн киӧ, сійӧ ловйӧн коляс да видзас ассьыс олӧмсӧ”.

Еремей 39:18

Ме мезда тэнӧ. Тэ он кув шыпуртысь, но видзан ассьыд олӧмтӧ, ӧд Ме вылӧ тэ лача кутан, – висьталӧ Господь».

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Римӧ 12:16

Ас костаныд лоӧй ӧти сьӧлӧмаӧсь, энӧ лыддьӧй асьнытӧ бурджыкӧн, коньӧръясӧс энӧ ӧтдортӧй да сюсьӧ энӧ пуксьӧй.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.