Еремей 44:12 - Коми Библия 2023

¹² Ме бырӧда Иудалысь коляс войтырсӧ, кодъяс шуисны мунны Египет муӧ да овмӧдчисны сэтчӧ. Найӧ ставныс ичӧтсянь гырысьӧдз куласны сэні шыпуртысь да тшыглунысь. Найӧс пондасны ёрны да лёкӧдны-омӧльтны, найӧ лоӧны повзьӧдчанторйӧн.

Еремей 44:12 Iomraidhean Croise

Исай 1:28

Паныд кыпӧдчысьясӧс да мыж вӧчысьясӧс виччысьӧ кулӧм, Господьӧс эновтысьясӧс – бырӧдӧм.

Исай 65:15

Тіян нимныд лоас ёран кывйӧн Менам кесйӧгъяс пӧвстын, найӧ шуасны: «Господь Ыджыдыс мед на моз виас тэнӧ». Но Ассьым кесйӧгъясӧс Ме нимта мӧд нимӧн.

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Еремей 18:16

Ассьыныс мусӧ найӧ вӧчисны овтӧминӧн, сійӧ пыр кежлӧ лои повзьӧдчанторйӧн. Сы дорті мунысьяс пондасны юрнас довкйӧдлыны, найӧс полӧм босьтас.

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 29:22

Иудаысь Вавилонӧ пленӧ нуӧдӧмаяс пондасны ӧта-мӧднысӧ ёрны тадзи: Господь мед вӧчас тэкӧд сійӧ жӧ, мый вӧчис Седекейкӧд да Ахавкӧд, кодъясӧс вавилонса ӧксы сотіс бипур вылын.

Еремей 42:1

Карейлӧн Иоханан пиыс да Хошайлӧн Езаний пиыс, тшӧтш тышкайӧзӧн веськӧдлысьяс да став войтырыс ичӧтсянь гырысьӧдз локтісны

Еремей 42:22

Сідзкӧ, тӧдӧй, ті куланныд шыпуртысь, тшыглунысь да пӧрӧс висьӧмысь сійӧ муас, кытчӧ ті кӧсъянныд мунны да овмӧдчыны».

Еремей 43:11

Сійӧ локтас да пазӧдас Египет му. Кодлы шуӧма кувны, сійӧ кулас. Кодлы шуӧма пленӧ мунны, сійӧ пленӧ мунас. Кодлы шуӧма шыпуртысь кувны, сійӧ шыпуртысь кулас.

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Осий 9:6

Ті пышйинныд бырӧдӧмысь, но Египет чукӧртас тіянӧс, Мемфис кар гуалас тіянӧс. Тіянлысь эзысьнытӧ пӧдтас петшӧр, чомъяснытӧ кытшалас лежнӧг.

Закар 8:13

Иуда войтыр да Израиль войтыр, ті вӧлінныд мукӧд войтыръяс пӧвстын ёрӧмӧн, но Ме мезда тіянӧс, и ті лоанныд бурсиӧмӧн. Энӧ полӧй, лоӧй зумыдӧсь!

Лыд 5:27

Ань кӧ пежаліс асьсӧ да пӧръяліс верӧссӧ, сэки ёрӧмсӧ вайысь курыд ваыс кутас сьӧкыда мучитны сійӧс. Аньлӧн кынӧмыс пыктас да гырк пытшкӧсыс нёпмунас. Аслас войтыр пӧвстын аньыс лоӧ ёрӧмаӧн.