Еремей 43:2 - Коми Библия 2023

² сэки Хошайлӧн Азарий пиыс, Карейлӧн Иоханан пиыс да мукӧд кывзысьтӧм йӧз шуисны Еремейлы: «Тэ ылӧдчан! Господь, миян Ен, эз мӧдӧдлы тэнӧ ӧлӧдны миянӧс Египетӧ мунӧмысь да сэтчӧ овмӧдчӧмысь.

Еремей 43:2 Iomraidhean Croise

Олӧм 19:14

Лот петіс да шуис аслас зятьпуяслы: «Петӧй тайӧ карсьыс, ӧд Господь бырӧдас сійӧс». Но найӧ эз эскыны сылы.

2 Каднебӧг 36:13

Седекей кыпӧдчис Навукодоносор ӧксылы паныд, кодлы Ен водзын кыв сетіс, мый лоас ӧксылӧн кипод улын. Седекей пыксис да чорзьӧдіс сьӧлӧмсӧ, эз кӧсйы бергӧдчыны Израильлӧн Господь Ен дінӧ.

Псалтыр 12:3

Дыр-ӧ меным майшасьны да дугдывтӧг шогсьыны? Дыр-ӧ мустӧмтысь кутас паныд сувтны меным?

Псалтыр 123:4

ыджыд ваыс эськӧ пӧдтіс миянӧс, визув ваыс кылӧдіс миянӧс,

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Петӧм 9:17

Тэ век на паныд кыпӧдчан Менам войтырлы, он лэдз сійӧс.

Шусьӧгъяс 16:5

Господь зывӧктӧ ыкша мортӧс, мыждытӧг сійӧс оз коль. [Бур туйыд веськыда вӧчӧмсянь заводитчӧ, вись вайӧм дорысь Енмыслы тайӧ шогманаджык. Господьӧс корсьысь аддзас тӧдӧмлун да веськыдлун, сьӧлӧмсяньыс Господьӧс корсьысь аддзас лӧньлун.]

Шусьӧгъяс 30:9

Коланасьыс унджык мед оз ло менам, ӧд сэки ме верма бергӧдчыны Тэысь, верма шуны: «Ог тӧд Господьӧс». А гӧльма кӧ, пета гусясьны да Тэнсьыд нимтӧ, Енмӧй, янӧда.

Шусьӧгъяс 6:17

ыкша син, пӧръясьысь кыв, мыжтӧмлысь вир кисьтысь ки,

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Исай 7:9

Самарияыс сӧмын Ефремлӧн юркар, и Ремальлӧн пиыс сӧмын Самарияын юралӧ. Онӧ кӧ зумыда эскӧй, онӧ вермӧй зумыда сулавны».

Исай 9:8

Господь мӧдӧдіс Ассьыс мыждана кывсӧ Яковлы, Сылӧн мыждӧмыс суис Израильӧс.

Еремей 13:15

– Кывзӧй, энӧ ышнясьӧй, сюся кывзӧй, ӧд Господь сёрнитӧ.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 40:8

Тайӧс кылӧм бӧрын Гедалий дінӧ Миспаӧ локтісны асланыс йӧзкӧд Нетанийлӧн Измаил пиыс, Карейлӧн Иоханан да Ионафан пияныс, Танхуметлӧн Серай пиыс, Нетофаысь Эфайлӧн пияныс да Езаний, кодлӧн батьыс вӧлі Маакаысь.

Еремей 41:16

Сы бӧрти, кор Миспаын Нетанийлӧн Измаил пиыс виис Ахикамлысь Гедалий писӧ, Карейлӧн Иоханан пиыс мездіс Измаиллӧн киысь айуловӧс, тышкайӧзӧс, аньясӧс, челядьӧс да ыджыд чина йӧзӧс. Иоханан да тышкайӧзӧн веськӧдлысьяс босьтісны аскӧдныс тайӧ йӧзсӧ да петкӧдісны найӧс Гаваонысь.

Еремей 41:18

калдеяса тышкайӧзысь, кодъясысь найӧ полісны. Ӧд Нетанийлӧн Измаил пиыс виис Ахикамлысь Гедалий писӧ, кодӧс ачыс вавилонса ӧксы пуктіс веськӧдлыны Иуда муӧн.

Еремей 42:1

Карейлӧн Иоханан пиыс да Хошайлӧн Езаний пиыс, тшӧтш тышкайӧзӧн веськӧдлысьяс да став войтырыс ичӧтсянь гырысьӧдз локтісны

Еремей 42:20

Ті ылӧдлінныд асьнытӧ. Ті мӧдӧдінныд менӧ Господь Енныд дінӧ да коринныд кевмысьны ас вӧснаныд. Ті шуинныд, юӧрт пӧ миянлы ставсӧ, мый висьталас Господь, миян Ен, и ми пӧ сідзи вӧчам.

Еремей 42:5

Найӧ шуисны Еремейлы: «Господь мед лоӧ эскана да збыль аддзылысь-висьталысьӧн. Сійӧ мед висьталас миянлы паныд, ми кӧ огӧ вӧчӧй ставсӧ сідзи, кыдзи тшӧктӧ Господь, тэнад Енмыд.

Еремей 43:1

Кор Еремей висьталіс войтырыслы ставсӧ, мый тшӧктіс Господь, налӧн Ен,

Еремей 44:16

«Ми огӧ кывзӧй тэнсьыд кывъястӧ, мый тэ юӧртін миянлы Господь нимсянь.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.