Еремей 41:10 - Коми Библия 2023

¹⁰ Измаил босьтіс пленӧ Миспаысь став коляс войтырсӧ, тшӧтш ӧксылысь нывъяссӧ. Буретш тайӧ коляс войтырнас Навузардан, ӧксыӧс видзысьяслӧн юралысь, пуктіс веськӧдлыны Ахикамлысь Гедалий писӧ. Пленӧ босьтӧмаяскӧд Нетанийлӧн Измаил пиыс мӧдӧдчис аммон войтыр дінӧ.

Еремей 41:10 Iomraidhean Croise

Неемий 2:10

Хоронса Санваллат да аммон войтырысь Тови чина морт кор кылісны, мый кодкӧ локтӧма тӧждысьны Израиль войтыр вӧсна, ёна дӧзмисны таысь.

Неемий 2:19

Кор та йылысь кылісны хоронса Санваллат, аммон войтырысь Тови чина морт да Гешем араб, серамвыв лэптісны миянӧс. Найӧ увтыртӧмӧн шуалісны: «Мыйсяма уджӧ ті босьтчинныд? Он-ӧ ӧксылы паныд кыпӧдчӧй?»

Еремей 22:30

Господь тадзи висьталӧ: Еконей йылысь гижӧй, мый сылӧн ныв-пиыс эз вӧв, став олӧм чӧжыс сылӧн нинӧм эз артмы, ӧд сысянь чужысь оз пуксьы Давидлӧн юралан пуклӧсӧ, оз кут юравны Иуда муын.

Еремей 38:23

Став тэнсьыд гӧтыръястӧ да челядьтӧ нуӧдасны калдея войтыр дінӧ, и ачыд тэ он жӧ мездмы налӧн киысь. Тэ шедан вавилонса ӧксы киӧ, а тайӧ карсӧ сотасны биӧн».

Еремей 39:6

Ривлаын Седекейлӧн син водзын вавилонса ӧксы виис сылысь пиянсӧ. Виис тшӧтш иудаса став тӧдчана йӧзсӧ.

Еремей 40:14

Найӧ шуисны сылы: «Тэ ӧмӧй он тӧд, мый Ваалис, аммон войтырлӧн ӧксы, мӧдӧдіс Нетанийлысь Измаил писӧ, медым вины тэнӧ?» Но Гедалий, Ахикамлӧн пиыс, эз эскы налы.

Еремей 40:7

Иудаса тышкайӧзӧн веськӧдлысьяс, кодъяс асланыс йӧзкӧд дзебсясисны кар сайын, кылісны, мый вавилонса ӧксы пуктӧма Ахикамлысь Гедалий писӧ веськӧдлыны Иуда муӧн да сетӧма сылӧн кипод улӧ медся гӧль айуловӧс, аньясӧс да челядьӧс, кодъясӧс эз нуӧдны Вавилонӧ.