Еремей 40:8 - Коми Библия 2023

⁸ Тайӧс кылӧм бӧрын Гедалий дінӧ Миспаӧ локтісны асланыс йӧзкӧд Нетанийлӧн Измаил пиыс, Карейлӧн Иоханан да Ионафан пияныс, Танхуметлӧн Серай пиыс, Нетофаысь Эфайлӧн пияныс да Езаний, кодлӧн батьыс вӧлі Маакаысь.

Еремей 40:8 Iomraidhean Croise

Ӧксыяслӧн 2 небӧг 10:6

Аммонсаяс казялісны, мый найӧ лоины мустӧмӧсь Давидлы. Найӧ медалісны отсӧг вылӧ Бет-Реховысь да Цоваысь кызь сюрс пода арамейӧс, Маакаысь [амаликъяслӧн] ӧксылысь – сюрс тышкамортӧс да Истовысь – дас кык сюрс тышкамортӧс.

Ӧксыяслӧн 2 небӧг 10:8

Аммон тышкайӧз сувтісны карса дзиръя дорӧ. Цоваысь да Реховысь арамейяс, Истовысь да Маакаысь медалӧм йӧз сувтісны эрд вылӧ, наысь торйӧн.

Ӧксыяслӧн 2 небӧг 23:34

Маакаысь Ахасбайлӧн Элипелет пиыс, Гилоысь Ахитофеллӧн Элиам пиыс,

Ӧксыяслӧн 4 небӧг 25:23

Кор иудаса тышкайӧзӧн веськӧдлысьяс кылісны Гедалийӧс юралысьӧ пуктӧм йылысь, найӧ локтісны асланыс йӧзкӧд Гедалий дінӧ Миспаӧ. Веськӧдлысьясыс вӧліны: Нетанийлӧн Измаил пиыс, Карейлӧн Иоханан пиыс, Нетофаысь Танхуметлӧн Серай пиыс да Язаний, кодлӧн батьыс вӧлі Маакаысь.

Ӧксыяслӧн 4 небӧг 25:25

Но сизимӧд тӧлысьӧ Миспаӧ локтіс Элишам Нетанийлӧн Измаил пиыс, коді вӧлі ӧксы рӧдысь. Сыкӧд тшӧтш локтіс дас морт. Найӧ виисны Гедалийӧс, тшӧтш иудаса да калдеяса йӧзӧс, кодъяс вӧліны сыкӧд Миспаын.

1 Каднебӧг 11:30

Нетофаысь Махрай да Баанлӧн Хелед пиыс,

1 Каднебӧг 2:48

Калевлӧн Маака нима кесйӧг-гӧтырыс чужтіс Шеверӧс, Тирханӧс,

1 Каднебӧг 2:54

Салмонлӧн чужисны Виплием да Атрот-Бет-Йоав пиян, сысянь петісны тшӧтш нетофасаяс да цораяс – манахатса джын олысьыс.

Ездра 2:2

Найӧс вайӧдісны Зоровавель, Исус, Неемий, Серай, Релай, Мардокей, Билшан, Миспар, Бигвай, Рехум да Баан. Израиль войтырлӧн айулов лыдыс:

Ездра 2:22

Нетофаысь – ветымын квайт морт,

Неемий 7:26

Виплиемысь да Нетофаысь вӧлі сё кӧкъямысдас кӧкъямыс морт,

Еремей 37:15

Найӧ скӧрмисны Еремей вылӧ, нӧйтісны сійӧс да пуксьӧдісны Ионафан гижалысьлӧн керкаӧ, мый вӧлі дзескыдін пыдди.

Еремей 37:20

Ӧні, ӧксыӧй-ыджыдӧй, кывзы менӧ, эн ӧтдорт менсьым корӧмӧс. Бӧр эн ысты менӧ Ионафан гижалысьлӧн керкаӧ, ӧд ме кула сэні».

Еремей 38:26

А тэ налы шу, мый тэ ёна корин ӧксыӧс, медым сійӧ эз бергӧд тэнӧ бӧр Ионафанлӧн керкаӧ, медым тэ сэні эн кув».

Еремей 40:11

Моав муын, аммон войтыр пӧвстын, Эдом муын да мукӧд муясын олысь иудаса йӧз кылісны, мый вавилонса ӧксы Иуда войтырысь кутшӧмкӧ юкӧн кольӧдӧма Иуда муӧ да наӧн веськӧдлыны пуктӧма Гедалийӧс, Шафан Ахикамлысь писӧ.

Еремей 40:13

Карейлӧн Иоханан пиыс да тышкайӧзӧн веськӧдлысьяс, кодъяс дзебсясисны кар сайын, локтісны Миспаӧ Гедалий дінӧ.

Еремей 40:14

Найӧ шуисны сылы: «Тэ ӧмӧй он тӧд, мый Ваалис, аммон войтырлӧн ӧксы, мӧдӧдіс Нетанийлысь Измаил писӧ, медым вины тэнӧ?» Но Гедалий, Ахикамлӧн пиыс, эз эскы налы.

Еремей 40:15

Сэки Карейлӧн Иоханан пиыс гусьӧн шуис Гедалийлы: «Лэдз менӧ мунны да вины Нетанийлысь Измаил писӧ. Та йылысь некод оз тӧдлы. Оз позь лэдзны, медым сійӧ виис тэнӧ. Сэки вавилонсаяс разӧдасны Иуда войтырысь тэ дінӧ чукӧртчӧмаясӧс да бырӧдасны коляс войтырсӧ».

Еремей 40:6

Еремей локтіс Ахикамлӧн Гедалий пи дінӧ Миспаӧ да овмӧдчис Иуда муын кольӧм войтыр пӧвстӧ.

Еремей 41:1

Сизимӧд тӧлысьӧ Миспаӧ Ахикамлӧн Гедалий пи дінӧ локтіс Элишам Нетанийлӧн Измаил пиыс. Сійӧ вӧлі ӧксы рӧдысь да ӧксылӧн киподувса юралысьяс пӧвстысь. Сыкӧд тшӧтш локтіс дас морт. Кор найӧ ӧтвылысь сёйисны-юисны,

Еремей 41:11

Карейлӧн Иоханан пиыс да тышкайӧзӧн веськӧдлысьяс, кодъяс вӧліны сыкӧд, кылісны став лёктор йывсьыс, мый вӧчис Нетанийлӧн Измаил пиыс.

Еремей 41:2

Нетанийлӧн Измаил пиыс да сыкӧд локтӧм дас мортыс чеччисны да шыпуртӧн виисны Гедалийӧс, Шафан Ахикамлысь писӧ, кодӧс вавилонса ӧксы пуктіс веськӧдлыны Иуда муӧн.

Еремей 42:1

Карейлӧн Иоханан пиыс да Хошайлӧн Езаний пиыс, тшӧтш тышкайӧзӧн веськӧдлысьяс да став войтырыс ичӧтсянь гырысьӧдз локтісны

Еремей 42:8

Еремей корис ас дінас Карейлысь Иоханан писӧ, тышкайӧзӧн веськӧдлысьясӧс, кодъяс вӧліны сыкӧд, да став войтырсӧ ичӧтсянь гырысьӧдз.

Еремей 43:2

сэки Хошайлӧн Азарий пиыс, Карейлӧн Иоханан пиыс да мукӧд кывзысьтӧм йӧз шуисны Еремейлы: «Тэ ылӧдчан! Господь, миян Ен, эз мӧдӧдлы тэнӧ ӧлӧдны миянӧс Египетӧ мунӧмысь да сэтчӧ овмӧдчӧмысь.

Еремей 43:5

Карейлӧн Иоханан пиыс да тышкайӧзӧн веськӧдлысьяс босьтісны аскӧдныс Иудалысь коляс войтырсӧ, кодъяс вӧлі бӧр бергӧдчӧмаӧсь мукӧд войтыръяслӧн муясысь, кытчӧ найӧс вӧлі вӧтлӧма, да овмӧдчӧмаӧсь Иуда муӧ.

Индӧд 3:14

Манассей чужанкотырысь Яир босьтіс Аргов му Гешур да Маака муяс дорӧдз да сетіс Васан мулы ассьыс нимсӧ. Ӧнӧдз сэтчӧс сиктъяссӧ шуӧны Яирлӧн сиктъясӧн.

Нав Исус 12:5

Сылӧн кипод улын вӧліны Ермон керӧс, Салка кар, ставнас Васан му гешурсаяслӧн да маакасаяслӧн оланінӧдз, тшӧтш Галаад мулӧн джыныс хешбонса Сигон ӧксылӧн муӧдз.