Еремей 40:15 - Коми Библия 2023

¹⁵ Сэки Карейлӧн Иоханан пиыс гусьӧн шуис Гедалийлы: «Лэдз менӧ мунны да вины Нетанийлысь Измаил писӧ. Та йылысь некод оз тӧдлы. Оз позь лэдзны, медым сійӧ виис тэнӧ. Сэки вавилонсаяс разӧдасны Иуда войтырысь тэ дінӧ чукӧртчӧмаясӧс да бырӧдасны коляс войтырсӧ».

Еремей 40:15 Iomraidhean Croise

Ӧксыяслӧн 2 небӧг 18:3

Но найӧ воча шуисны: «Эн мун. Миянлы кӧ ковмас пышйыны, вӧрӧглы тайӧ веськодь. Весиг кӧ миян йӧзысь джынйыс кулас, и тайӧ веськодь налы. Но тэ ӧтнадӧн дас сюрс тышкаморт дон сулалан. Бурджык, тэ кӧ кольччан карас. Ковмас кӧ, сэтысянь отсалан миянлы».

Ӧксыяслӧн 2 небӧг 21:17

Но Давидлы отсӧг вылӧ локтіс Саруялӧн Авишай пиыс [да мездіс сійӧс]. Авишай виис тайӧ филистимсасӧ. Та бӧрын Давидлӧн йӧзыс шуисны Давидлы: «Водзӧ миянкӧд он пет тышӧ, медым Израильлӧн биыс эз кус».

Иов 31:31

Менам керкаын олысьяслӧн эз вӧв помка шуасьны, мый ме эг лэдз налы пӧттӧдз яй сёйны.

Еремей 40:8

Тайӧс кылӧм бӧрын Гедалий дінӧ Миспаӧ локтісны асланыс йӧзкӧд Нетанийлӧн Измаил пиыс, Карейлӧн Иоханан да Ионафан пияныс, Танхуметлӧн Серай пиыс, Нетофаысь Эфайлӧн пияныс да Езаний, кодлӧн батьыс вӧлі Маакаысь.

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.

Иоан 11:50

Ті ӧмӧй онӧ гӧгӧрвоӧй, мый миянлы бурджык лоӧ, кулас кӧ ӧти морт войтыр вӧсна, дзоньнас войтырыс бырӧм дорысь».

Ӧксыяслӧн 1 небӧг 24:4

Туй вывті муніганыс найӧ воисны ыж йӧр дінӧ. Сэні Саул пырис кырта горсйӧ асмогасьны. Буретш тайӧ кырта горсъяс, пыді пельӧсас, дзебсясис Давид аслас йӧзкӧд.

Ӧксыяслӧн 1 небӧг 26:8

Авишай шуис Давидлы: «Ӧні Ен сетіс тэнад киӧ мустӧмтысьтӧ. Лэдз, ме ӧтчыдысь бытшкӧмӧн сатшка сійӧс му бердас. Мӧдысь бытшкӧмыс оз ковмы!»