Еремей 40:11 - Коми Библия 2023

¹¹ Моав муын, аммон войтыр пӧвстын, Эдом муын да мукӧд муясын олысь иудаса йӧз кылісны, мый вавилонса ӧксы Иуда войтырысь кутшӧмкӧ юкӧн кольӧдӧма Иуда муӧ да наӧн веськӧдлыны пуктӧма Гедалийӧс, Шафан Ахикамлысь писӧ.

Еремей 40:11 Iomraidhean Croise

Олӧм 36:8

Исав, мӧд ногӧн кӧ, Эдом, овмӧдчис Сеир керӧсвыв муӧ.

Исай 11:14

Рытыввылын найӧ уськӧдчасны филистимсаяс вылӧ, асыввывса олысьяслысь куштасны озырлунсӧ. Эдом да Моав лоӧны налӧн кипод улынӧсь, аммон войтыр сетчас налы.

Исай 16:4

Сибӧд ас дінад моавсаясӧс, менсьым вӧтлӧм войтырӧс, дзеб найӧс мырддялысьясысь. – Дзескӧдысьяс оз нин лоны, мырддялӧмлы воас пом, керка куштысьясӧс лоӧ бырӧдӧма му вывсьыс.

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 41:10

Измаил босьтіс пленӧ Миспаысь став коляс войтырсӧ, тшӧтш ӧксылысь нывъяссӧ. Буретш тайӧ коляс войтырнас Навузардан, ӧксыӧс видзысьяслӧн юралысь, пуктіс веськӧдлыны Ахикамлысь Гедалий писӧ. Пленӧ босьтӧмаяскӧд Нетанийлӧн Измаил пиыс мӧдӧдчис аммон войтыр дінӧ.

Еремей 43:5

Карейлӧн Иоханан пиыс да тышкайӧзӧн веськӧдлысьяс босьтісны аскӧдныс Иудалысь коляс войтырсӧ, кодъяс вӧлі бӧр бергӧдчӧмаӧсь мукӧд войтыръяслӧн муясысь, кытчӧ найӧс вӧлі вӧтлӧма, да овмӧдчӧмаӧсь Иуда муӧ.

Еремей 43:6

Босьтісны аскӧдныс айуловӧс, аньясӧс, челядьӧс, ӧксылысь нывъяссӧ да став йӧзсӧ, кодъясӧс Навузардан, ӧксыӧс видзысьяслӧн юралысь, колис Шафан Ахикамлӧн Гедалий пикӧд. Босьтісны тшӧтш Еремей пророкӧс да Нирийлысь Барук писӧ.

Еремей 9:26

Ме мыжда Египетын, Иудаын да Эдомын олысьясӧс, мыжда аммон войтырӧс, моав войтырӧс да овтӧминын олысьясӧс, кодъяс шырӧны юрсинысӧ пель боксьыныс. Тайӧ войтыръясыс – вундыштчытӧм войтыръяс, а израильсаяс – сьӧлӧмнаныс вундыштчытӧмӧсь.

Езекиль 25:12

«Господь Ыджыдыс тадзи висьталӧ: эдом войтыр ёна мыжмис, ӧд чорыда водзӧс перйис Иуда войтырлысь.

Езекиль 25:2

«Морт пиӧй, бергӧд чужӧмтӧ аммон войтырлань да пророкав налы паныд.

Езекиль 25:6

Господь Ыджыдыс тадзи висьталӧ: ті клопайтӧмӧн, чеччалӧмӧн да лёкӧдӧмӧн нимкодясинныд сыысь, мый суис Израиль муӧс.

Езекиль 25:8

Господь Ыджыдыс тадзи висьталӧ: моавсаяс да Сеир керӧсвыв муын олысьяс шуӧны, Иуда войтыр пӧ оз торъяв мукӧд войтыръясысь.

Езекиль 34:6

Менам ыжъясӧй вошӧмаӧсь, шӧйтӧны керӧсъяс да джуджыд ыбъяс вывті. Менам ыжъясӧй став му пасьталаыс разалӧмаӧсь, и найӧс корсьысьыс абу.

Езекиль 35:15

Тэ нимкодясин, кор Израиль войтырлӧн муыс овтӧммис. Но Ме тадзи жӧ вӧча тэныд. Тэ, эдомсаяслӧн Сеир керӧсвыв му, лоан овтӧминӧн. Сэки ставныс тӧдмаласны, мый Ме – Господь».

Езекиль 35:5

Тэ важысянь мустӧмтан Израиль войтырӧс. Налӧн шог дырйиныс, найӧс мыждан кадӧ, тэ лэптін на вылӧ шыпурттӧ.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Езекиль 5:3

Шыбитӧм юрсисьыд босьт неуна да кӧртав паськӧм дорышад.

Лыд 22:1

Израиль пиян мунісны водзӧ да сувтісны Моав ласта вылӧ Йӧрдан ю бокӧ, Ерикон карлы воча.

Лыд 25:1

Ситтим ковтысын олігӧн израильсаяс кутісны кырсавны моавса нывъяскӧд.

Лыд 25:2

Моавса нывъяс корлывлісны израильса айуловӧс сёйны асланыс енъяслы вайӧм висьяс. Найӧ сёйлісны да юрбитлісны моавсаяслӧн енъяслы.

Ӧксыяслӧн 1 небӧг 11:1

[Тӧлысь мысти] локтіс аммон войтырысь Нахаш да кытшаліс Галаад муын Явис кар. Явис карын олысьяс шуисны Нахашлы: «Кӧртав миянкӧд бурасян йитӧд, и ми пондам кесъявны тэныд».

Ӧксыяслӧн 1 небӧг 12:12

Ӧксынас тіян вӧлі Господь, тіян Енныд. Но кор ті аддзинныд, мый аммон войтырлӧн Нахаш ӧксы уськӧдчӧ тіян вылӧ, ті шуинныд меным: ”Миянлы колӧ ӧксы, сійӧ мед ыджыдалас миян вылын”.