Еремей 40:10 - Коми Библия 2023

¹⁰ Ачым ме кольчча Миспаӧ да кута висьтавлыны тіян йылысь бурсӧ Калдея муысь миян дінӧ волысьяслы. А ті чукӧртӧй виноград, яблӧг-груша да олив, заптӧй найӧс асланыд дозъясӧ. Олӧй сійӧ каръясас, кодъясӧс ті босьтінныд аслыныд».

Еремей 40:10 Iomraidhean Croise

Ӧксыяслӧн 2 небӧг 16:1

Олив керӧсысь лэччигӧн Давидлы паныдасис Сивей, Мепибошетлӧн кесйӧгыс. Кык осёл вылын сійӧ нуис кыксё тупӧсь нянь, сё ёкмыль изюм да сё ёкмыль косьтӧм инжир, нӧшта кучик дозйын вина.

Ӧксыяслӧн 3 небӧг 10:8

Шудаӧсь тэнад йӧзыд да тэнад кесйӧгъясыд, кодъяс век тэкӧд орччӧнӧсь да кылӧны тэнсьыд мывкыд сёрнитӧ.

Шусьӧгъяс 22:29

Сяммысь-кужысь морт вылӧ видзӧд – сійӧ кутас кесъявны ӧксыяслы, оз прӧстӧй йӧзлы.

Шусьӧгъяс 27:25

Кор турун заптӧм бӧрын выль турун петӧ, кор ыбвывса турун ытшкӧма,

Исай 16:9

Та вӧсна Язеркӧд ӧтвыв ме бӧрда сивмаса виноград вӧсна. Кисьта синваӧс тіян вӧсна, Хешбон да Эляле, ӧд вотӧс чукӧртан кадӧ да вундан кадӧ оз пет тіянсянь нимкодясьӧм шы.

Еремей 35:19

та вӧсна Ионадавлӧн, Рекав пилӧн, рӧдысь петысь кутас пыр кесъявны Меным”. Тадзи висьталӧ Господь Саваоф, Израильлӧн Ен».

Еремей 39:10

Сӧмын войтыр пӧвстысь медся гӧльяссӧ, кодъяслӧн нинӧм эз вӧв, Навузардан, ӧксыӧс видзысьяслӧн юралысь, кольӧдіс овны Иуда муӧ да сетіс налы виноград йӧръяс да видз-муяс.

Еремей 40:12

Та йылысь кылӧм бӧрын иудаса йӧз бергӧдчисны Иуда муӧ быдлаысь, кытчӧ найӧ пышйылісны. Найӧ локтісны Миспаӧ Гедалий дінӧ. Сійӧ вонас найӧ чукӧртісны зэв уна виноград да яблӧг-груша.

Еремей 40:6

Еремей локтіс Ахикамлӧн Гедалий пи дінӧ Миспаӧ да овмӧдчис Иуда муын кольӧм войтыр пӧвстӧ.

Еремей 43:5

Карейлӧн Иоханан пиыс да тышкайӧзӧн веськӧдлысьяс босьтісны аскӧдныс Иудалысь коляс войтырсӧ, кодъяс вӧлі бӧр бергӧдчӧмаӧсь мукӧд войтыръяслӧн муясысь, кытчӧ найӧс вӧлі вӧтлӧма, да овмӧдчӧмаӧсь Иуда муӧ.

Еремей 48:32

Сивмаса виноград, Ме бӧрда тэ вӧсна, кыдзи Ме бӧрді Язер кар вӧсна. Тэнад вожъясыд нюжалісны саридз сайӧдз, паськалісны Язер саридзӧдз. Но бырӧдысь уськӧдчис, нетшкис тэнсьыд яблӧг-грушатӧ да виноградтӧ.

Микей 7:1

Курыд шог меным! Воис кад – вотӧс чукӧртӧм бӧрын кодь, виноград ӧктӧм бӧрын кодь: сёйыштны виноградыс абу, корся инжир вотӧс, а сійӧ абу.

Лука 21:36

Лоӧй дасьӧсь да пыр кевмысьӧй, медым верминныд мынны ставсьыс, мый виччысьӧ тіянӧс, да сувтны Морт Пи водзӧ».

Индӧд 1:38

но Навлӧн Исус пиыс, коді отсасьӧ тэныд, пырас сэтчӧ. Ышӧд сійӧс, ӧд сылы ковмас пыртны Израиль войтырӧс налы сетӧм муӧ.

Индӧд 16:13

«Сизим лун чӧж пасйӧй Чом вӧчан лунъяс, кор помаланныд гумлавыв уджъястӧ да виноград пычкӧмтӧ.