Еремей 4:6 - Коми Библия 2023

⁶ Лэптӧй дӧрапас Сион керӧс вылын, пышйӧй-котӧртӧй тэрмасьӧмӧн, ӧд войвывсянь Ме вайӧда ыджыд шог да бырӧдӧм.

Еремей 4:6 Iomraidhean Croise

Исай 62:10

Петӧй, петӧй дзиръяясӧд, шыльӧдӧй туйсӧ войтырлы! Дасьтӧй, дасьтӧй туйсӧ, весалӧй изъясысь, кыпӧдӧй дӧрапас войтыръяслы!

Еремей 10:22

Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.

Еремей 18:11

Ӧні висьтав Иуда войтырлы да Ерусалимын олысьяслы, мый Господь тадзи висьталӧ: Ме дасьта тіянлы лёксӧ, Ме мӧдӧда тіянлы шог. Бергӧдчӧй асланыд лёк туйясысь, бӧрйӧй бур туйсӧ да вӧчӧй бурсӧ.

Еремей 21:7

Та бӧрти, – висьталӧ Господь, – иудаса Седекей ӧксыӧс, сылысь кесъялысьяссӧ да став войтырсӧ, кодъяс тайӧ карас оз кувны пӧрӧс висьӧмысь, шыпуртысь да тшыгъялӧмысь, Ме сета вавилонса Навукодоносор ӧксылӧн киӧ да вӧрӧглӧн киӧ, коді кӧсйӧ босьтны налысь олӧмсӧ. Вавилонса ӧксы виас найӧс шыпуртӧн, оз жалит найӧс, оз бурсьӧлӧмтчы на дінӧ».

Еремей 22:7

Ме мӧдӧда тэ дінӧ шыпурта бырӧдысьясӧс, найӧ кераласны тэнсьыд медбур сус пуястӧ да шыбитасны биӧ.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 4:21

Дыр-ӧ на меным видзӧдны дӧрапас вылӧ, кывны буксан шы?

Еремей 50:2

– Юӧртӧй войтыръяслы, кыпӧдӧй дӧрапас, юӧртӧй, энӧ дзебӧй, висьталӧй тадзи: Вавилон карӧс босьтӧма, Вил идолӧс янӧдӧма, Мардук идолӧс пасьвартӧма, вавилонса идолъясӧс янӧдӧма, сылысь бӧлбанъяссӧ жугӧдӧма.

Еремей 50:22

Тайӧ муас кылӧ тышлӧн шы, ставсӧ жуглӧны-пазйӧны.

Еремей 51:12

Вавилонса стенъяслы паныд кыпӧдӧй дӧрапас, сувтӧдӧй видзӧдысьясӧс, мӧдӧдӧй кыйӧдчысьясӧс. Господь мый мӧвпыштіс, сійӧс и вӧчас. Мый шуис вӧчны вавилонса олысьяслы, сійӧс и збыльмӧдас.

Еремей 51:27

Лэптӧй дӧрапасъяс му пасьталаыс, буксӧй буксанӧн войтыръяс пӧвстын, дасьтӧй войтыръясӧс уськӧдчыны Вавилон вылӧ, чуксалӧй сылы паныд Арарат муын олысьясӧс, чуксалӧй Минни да Аскеназ муясын олысьясӧс, индӧй сылы паныд тышкайӧзӧн веськӧдлысьӧс, чукӧртӧй вӧвъясӧс повзьӧдчана саранча мында.

Еремей 51:54

Вавилонысь кылӧ горзӧм шы, Калдея муын ставсӧ кисьтӧма-пазӧдӧма.

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

Еремей 6:22

Господь тадзи висьталӧ: – Войвыв муысь локтӧны тышкайӧз, му помсянь локтӧ уна лыда войтыр.

Езекиль 9:1

Та бӧрын ме кылі, кыдзи Господь гораа горӧдіс: «Локтӧй, Ерусалим карӧс мыждысьяс! Босьтӧй кианыд тышкасянторнытӧ!»

Езекиль 9:2

Сэки квайт морт локтісны войвывлань видзӧдысь вылыс дзиръя дорсянь. Быдӧнлӧн киас вӧлі виалӧм могысь тышкасянтор. Накӧд тшӧтш локтіс шабді паськӧма морт, кодлӧн вӧнь бердас вӧлі гижасянтор. Локтысьяс сувтісны ыргӧн висьпуктанін дорӧ.

Софоний 1:10

Сійӧ лунӧ, – висьталӧ Господь, – Чери дзиръя дорсянь кутас кывны ойзӧм, мукӧд дзиръя дорсянь – ырзӧм-бӧрдӧм, а керӧсъяс вывсянь – грыма-грамакылӧм.

Закар 6:6

Сьӧд вӧвъяс мунасны войвыв муӧ, еджыдъяс – на бӧрся, пегана вӧвъяс – лунвыв муӧ.