Еремей 4:29 - Коми Библия 2023

²⁹ Верзьӧмаяслӧн да ньӧвйӧн лыйсьысьяслӧн горзӧмысь каръясысь пышъясны олысьяс. Найӧ дзебсясны сук вӧрӧ, мунасны изкыртаясӧ. Каръяссӧ лоӧ эновтӧма, олысьыс сэні оз коль.

Еремей 4:29 Iomraidhean Croise

2 Каднебӧг 33:11

Сэки Господь мӧдӧдіс налы паныд ассурса ӧксылӧн тышкайӧзлысь юралысьясӧс. Найӧ дорисны Манассейлысь ки-коксӧ чепъясӧн да нуӧдісны сійӧс Вавилонӧ.

Исай 30:17

Ӧти мортлӧн повзьӧдӧмысь тіян сюрс морт пышъяс, вит мортлӧн повзьӧдӧмысь ті ставныд пышъянныд. А тіян пӧвстысь колясыс лоӧ керӧс йылын сулалысь майӧг кодьӧн, мыльк йылын дӧлалысь дӧрапас кодьӧн.

Исай 6:12

Ме вӧтла татысь йӧзсӧ, и тайӧ мусӧ лоӧ дзикӧдз эновтӧма.

Еремей 16:16

Ме мӧдӧда уна чери кыйысьӧс, – висьталӧ Господь, – найӧ пондасны чериӧс моз кыйны Иуда войтырӧс. Сэсся мӧдӧда уна вӧралысьӧс, кодъяс пондасны вӧтлыны найӧс керӧсъяс да мылькъяс вылысь, тшӧтш кырта потасъясысь.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Еремей 52:7

карсӧ кытшалысь калдеяса тышкайӧз жугӧдісны карса стенсӧ. Войнас иудаса тышкайӧз петісны Ерусалим карысь дзиръяӧд, мый вӧлі кыкпӧвста стенмас ӧксылӧн сад дорын. Найӧ пышйисны Йӧрдан ковтыслань.

Еремей 6:23

Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Сион ныв.

Амос 9:1

Ме аддзылі висьпуктанін дорын сулалысь Господьӧс. Сійӧ шуис: – Кучкы вылісяньыс сюръяясӧ, медым ӧдзӧс тагӧсъяс вӧрзясны. Пӧрӧд сюръяяссӧ йӧзыслы юр выланыс. Коді ловйӧн кольӧ, сійӧс Ме шыпуртӧн виа – некод оз вермы пышйыны-мездысьны.

Лука 23:30

Сэки шуасны керӧсъяслы: ”Усьӧй миян вылӧ!” Мылькъяслы шуасны: ”Вевттьӧй миянӧс!”

Ӧксыяслӧн 1 небӧг 13:6

Кор израильсаяс казялісны, мый филистимсаяс топӧдӧны найӧс, дзебсисны кырта горсъясӧ, сёнъясӧ, изкыртаяс костӧ, важ гуасянінъясӧ да косьмӧм вайӧртӧдъясӧ.