Еремей 4:24 - Коми Библия 2023

²⁴ Видзӧдлі керӧсъяс вылӧ, а найӧ сыркакылісны, став керӧсъясыс дзӧрисны-тіралісны.

Еремей 4:24 Iomraidhean Croise

Ӧксыяслӧн 3 небӧг 19:11

Господь шуис: «Пет да сувт керӧс вылӧ Господь водзӧ. Господь мунас тэ дінті». Кыпӧдчис ыджыд тӧвныр, сійӧ поткӧдліс керӧсъяс да жугліс изкыртаяс. Тӧвнырыс муніс Господь водзвылын, но Господь эз вӧв тӧвнырын. Тӧвныр бӧрти заводитчис му вӧрӧм, но Господь эз вӧв му вӧрӧмын.

Псалтыр 18:7

Сійӧ кытшовтӧ енэжсӧ помсянь помӧдзыс, и сылӧн шоныдыс быдӧнӧдз воӧ.

Псалтыр 77:18

Найӧ тӧдӧмӧн дӧзмӧдісны Енсӧ, корисны Сылысь сёян сьӧлӧм сертиныс.

Псалтыр 97:4

Му вылын олысьяс, гораа ошкӧй Господьӧс, сьылӧй-гажӧдчӧй да нимкодясьӧй!

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Исай 13:13

Енэжсӧ Ме вӧрзьӧда, и муыс вешъяс аслас местаысь. Тадзи лоӧ Господь Саваофлӧн ярлуныс вӧсна Сылӧн скӧралан лунӧ.

Исай 24:20

Муыс катласьӧ код юра моз, лайкъялӧ тӧлӧн вӧрӧдӧм чом моз. Мусӧ личкӧ мувывса олысьяслӧн мыжыс, сійӧ усяс, и сэсся оз нин чеччы.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Еремей 8:16

Дан чужанкотырлӧн мусянь кылӧ вӧвъяслӧн корскӧмыс, ужъяслӧн гӧрдлӧмысь муыс тіралӧ. Вӧрӧг локтіс бырӧдны тайӧ мусӧ да ставсӧ, мый тані быдмӧ, сійӧ бырӧдӧ Ерусалим кар да сэні олысьясӧс.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Езекиль 38:20

Саридзса черияс, енэжвыв лэбачьяс, мувыв пемӧсъяс да гаг-веглясьысьяс да му вылын олысь став йӧзыс Ме водзын кутасны тіравны. Керӧсъяс усясны, кыртаяс зымгысясны, стенъяс киссясны.

Микей 1:4

Сы кок улын керӧсъяс сыласны ӧзъялысь сись моз, ковтысъяс воссясны кыркӧтшсянь визувтысь ва моз.

Аввакум 3:10

Тэнӧ аддзӧмысь керӧсъяс вӧрзьӧны, сувтса зэр енэжсянь ыльӧбтӧ, пыдӧстӧм ваыс равӧстӧ, ассьыс ыджыд гыяссӧ кыпӧдӧ.

Аввакум 3:6

Кор Сійӧ сувтӧ, муыс вӧрзьылӧ. Кор Сійӧ видзӧдлӧ, войтыръясӧс дзӧрӧм босьтӧ. Нэмӧвӧйся керӧсъяс потласьӧны-киссьӧны, важдырся мылькъяс муас пырӧны, а Господьлӧн туйясыс – бырлытӧмӧсь.

Восьтӧм 6:14

Енэжыс гартыштчис тубрасӧ да саяліс, а керӧсъяс да діяс вешйисны асланыс местаысь.