Еремей 4:23 - Коми Библия 2023

²³ – Ме видзӧдлі му вылас, а сійӧ вӧлі мыгӧртӧм да куш. Видзӧдлі енэжас, а сэні югыдыс эз вӧв.

Еремей 4:23 Iomraidhean Croise

Олӧм 1:2

Муыс вӧлі мыгӧртӧм да куш, пыдӧстӧм йир весьтын вӧлі пемыд, и Енлӧн Лов шлывъяліс ва весьтын.

Исай 13:10

Енэжвыв кодзувъяс оз кутны дзирдавны, шондіыс петігас на пемдас, и тӧлысьыс оз сет югыдсӧ.

Исай 5:30

Сійӧ лунӧ найӧ уськӧдчасны тайӧ му вылас, налӧн равзӧмыс лоӧ гызьӧм саридзлӧн шы кодь. Сэки видзӧдлан му вылас, аддзан сап пемыд да шогсьӧм, и кымӧръяс вевттясны югыдсӧ.

Еремей 2:12

Весьӧпӧрӧй таысь, енэжъяс, ёна дзӧрӧй-тіралӧй, – висьталӧ Господь. –

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Бӧрданкыв 3:2

Сійӧ вӧтліс менӧ, нуӧдіс пемыдас, эз югыдас.

Йоиль 2:10

На водзын муыс дзӧрӧ, енэжыс сыркакылӧ. Шондіыс да тӧлысьыс пемдасны, кодзувъяс югӧрсӧ воштасны.

Амос 8:9

Сійӧ лунӧ, – висьталӧ Господь Ыджыдыс, – Ме тшӧкта шонділы пуксьыны луншӧр кадӧ, лунъюгыднас вевття мусӧ пемыдӧн.

Закар 14:6

Сійӧ лунӧ оз югды, кодзувъяс оз тыдовтчыны.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Матвей 24:35

Енэжыс да муыс бырас, а Менам кывъясӧй оз бырны.

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.