Еремей 39:18 - Коми Библия 2023

¹⁸ Ме мезда тэнӧ. Тэ он кув шыпуртысь, но видзан ассьыд олӧмтӧ, ӧд Ме вылӧ тэ лача кутан, – висьталӧ Господь».

Еремей 39:18 Iomraidhean Croise

1 Каднебӧг 5:20

Енмыс отсаліс налы да сетіс налӧн киӧ Агарсянь чужысьясӧс да на дор сулалысьясӧс. Енмыс кыліс Сы вылӧ лача кутысьяслысь кевмӧмсӧ, кор найӧ тыш дырйи шыасисны Сы дінӧ.

Иов 5:20

Тшыгъялігад мездас тэнӧ кулӧмысь, тышын – шыпуртысь.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 33:18

Кор веськыда олысьяс шыасьӧны Господь дінӧ, Сійӧ кылӧ найӧс да мездӧ став налӧн шогсьыс.

Псалтыр 34:22

Господьӧй, эн чӧв ов, Тэ ӧд аддзылін тайӧс, Ыджыдӧй, эн ылыстчы меысь.

Псалтыр 37:3

Тэнад ньӧвъясыд сатшисны меӧ, Тэнад киыд личкӧ менӧ.

Псалтыр 84:12

Збыльыс кыпӧдчӧ мусянь, веськыдлуныс видзӧдӧ енэжсянь.

Псалтыр 91:7

Вежӧртӧм морт оз тӧд, мывкыдтӧм морт оз гӧгӧрво тайӧс.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Еремей 21:9

Коді кольччас тайӧ карас, сійӧ кулас шыпуртысь, тшыгъялӧмысь да пӧрӧс висьӧмысь. Коді петас карсьыс да сетчас калдеяса тышкайӧзлӧн киӧ, кодъяс кытшалӧмаӧсь тіянӧс, сійӧ ловйӧн коляс да видзас ассьыс олӧмсӧ.

Еремей 38:2

«Господь тадзи висьталӧ: ”Коді кольччас тайӧ карас, сійӧ кулас шыпуртысь, тшыглунысь да пӧрӧс висьӧмысь. А коді сетчас калдеяса тышкайӧзлӧн киӧ, сійӧ ловйӧн коляс да видзас ассьыс олӧмсӧ”.

Римӧ 2:12

Мыжсӧ кӧ вӧчӧма Индӧдсӧ тӧдтӧг, Индӧдтӧгыс и бырӧдасны. Вӧчӧма кӧ мыжсӧ Индӧдсӧ тӧдӧмӧн, Индӧд сертиыс и мыждасны.

Ефесӧ 1:12

Енмыс бӧрйис миянӧс, Кристос вылӧ медводдзаясӧн лача кутысьясӧс, медым миян пыр лоӧ ошкӧма Сылысь дзирдлунсӧ.

1 Петыр 1:21

Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.