Еремей 38:9 - Коми Библия 2023

⁹ «Ӧксыӧй-ыджыдӧй, тайӧ йӧзыс лёктор вӧчисны Еремей пророклы, шыбитісны сійӧс юкмӧсӧ. Сійӧ кулас сэні тшыгйысла, ӧд карас няньыс абу нин».

Еремей 38:9 Iomraidhean Croise

Иов 31:34

сэки эськӧ ме тіралі йӧз чукӧрын, полі ас войтырлӧн увтыртӧмысь, ме эськӧ чӧв олі да керкаысь эг петавлы.

Еремей 19:9

Ме вӧча сідзи, мый тайӧ карас олысьяс пондасны сёйны асланыс ныв-пилысь яйсӧ. Ыджыд шог дырйи, кор вӧрӧг кытшалас да дзескӧдас найӧс, и кӧсъяс босьтны налысь олӧмсӧ, найӧ пондасны сёйны ӧта-мӧдныслысь яйсӧ.

Еремей 37:21

Седекей ӧксылӧн тшӧктӧм серти Еремейӧс йӧртісны ӧксы керка видзысьяслӧн йӧрӧ. Нянь пӧжалысьяслӧн улич вылысь ӧтчыдысь луннас вайлісны сылы ӧти кӧрыш нянь, кытчӧдз карас эз помась няньыс. Тадзи Еремей колис ӧксы керка видзысьяслӧн йӧрӧ.

Еремей 38:10

Ӧксы шуис эфиопияса Эведмелеклы: «Босьт аскӧдыд комын мортӧс да лэпты Еремей пророкӧс юкмӧсысь, медым эз кув сэні».

Еремей 38:8

Эведмелек петіс ӧксы керкаысь. Сійӧ локтіс ӧксы дінӧ да шуис:

Еремей 39:17

Но сійӧ лунӧ Ме мезда тэнӧ, – висьталӧ Господь, – тэнӧ оз ло сетӧма сійӧ йӧзыслӧн киӧ, кодъясысь тэ полан.

Еремей 52:6

Нёльӧд тӧлысьлӧн ӧкмысӧд лунӧ, кор карас войтырыс ёна тшыгъяліс, и налы нинӧм вӧлі сёйнысӧ,

Бӧрданкыв 1:11

Ерусалимын олысьяс ойзӧны, корсьӧны нянь, став озырлунсӧ найӧ вежӧны сёян вылӧ, медым ловйӧн кольны. – Видзӧдлы, Господьӧй! Тэ аддзан, кутшӧма менӧ мустӧмтӧны.

Бӧрданкыв 3:53

Найӧ ловйӧн шыбитісны менӧ гуӧ, изъялісны менӧ.