Еремей 38:4 - Коми Библия 2023

⁴ Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

Еремей 38:4 Iomraidhean Croise

Ӧксыяслӧн 3 небӧг 21:20

Ахав шуис Иллялы: «Мустӧмтысьӧй, тэ бара аддзин менӧ». Илля шуис: «Аддзи. Тэ ачыд сетчин, мед вӧчны Господь водзын шогмытӧмсӧ [да скӧрмӧдны Сійӧс].

2 Каднебӧг 24:21

Войтырыс сувтіс Закарлы паныд. Йоас ӧксылӧн тшӧктӧм серти Господьлӧн крам йӧрын сійӧс кувтӧдзыс изъялісны.

Ездра 4:12

Юӧртам тэныд, ӧксыӧй, мый иудейяс, кодъяс мунісны тэ дорысь, локтісны миян дінӧ Ерусалимӧ. Ӧні найӧ лэптӧны лёкнас да шызьӧмнас тырӧм тайӧ карсӧ, кыпӧдӧны карса стенсӧ да дзоньталӧны подувсӧ.

Неемий 6:9

Татшӧм ногӧн найӧ повзьӧдлісны миянӧс. Чайтісны, мый ми кияснымӧс лэдзам да дугдам уджавны. Но ме зільджыка на босьтчи уджас.

Петӧм 5:4

Египетса ӧксы шуис налы: «Мӧисей да Аарон, мыйла ті падмӧданныд войтырӧс уджысь? Мунӧй [ставныд], уджалӧй!»

Еремей 11:21

Господь тадзи висьталӧ: «Анатот карын олысьяс корсьысьӧны босьтны тэнсьыд олӧмтӧ. Найӧ шуалӧны: ”Эн пророкав Господь нимсянь! Кутан кӧ пророкавны, кулан миян ки помысь”.

Еремей 18:23

Но, Тэ, Господьӧй, тӧдан, мый найӧ кӧсйӧны вины менӧ. Эн прӧстит налысь лёк вӧчӧмсӧ, эн вешты налысь мыжсӧ Аслад син водзысь. Найӧс мед лоӧ шыбитӧма Тэ водзӧ, вӧч накӧд Аслад скӧрлуныд серти.

Еремей 26:11

Попъяс да пророкъяс шуисны юралысьяслы да став войтырыслы: «Тайӧ мортсӧ колӧ мыждыны да вины. Ті ӧд асьныд кывлінныд, мый сійӧ пророкаліс тайӧ карыс йылысь».

Еремей 29:7

Сійӧ карыслы, кытчӧ Ме мӧдӧді тіянӧс пленӧ, сиӧй бурсӧ. Кевмысьӧй Господьлы сійӧ карыс вӧсна, ӧд сэні кӧ лоӧ бур олӧм, сэки и тіянлы бур лоӧ.

Еремей 38:16

Седекей ӧксы гусьӧн кыв сетіс Еремейлы: «Ловъя Господь водзын, коді сетіс миянлы олӧм, ме кыв сета, мый ог лэдз тэнӧ вины, ог сет тэнӧ налы, кодъяс кӧсйӧны босьтны тэнсьыд олӧмтӧ».

Еремей 38:25

Юралысьяс кӧ кывласны, мый ме сёрниті тэкӧд, найӧ локтасны тэ дінӧ да шуасны, висьтав пӧ миянлы, мый тэ шуин ӧксылы, и мый тэныд вочавидзис ӧксы. Миянысь пӧ нинӧм эн дзеб, сэки ми огӧ виӧй тэнӧ.

Еремей 43:3

Нирийлӧн Барук пиыс усйӧдлӧ тэнӧ миян вылӧ. Сійӧ кӧсйӧ сетны миянӧс калдеяса тышкайӧзлӧн киӧ, медым найӧ виасны миянӧс либӧ нуӧдасны пленӧ Вавилонӧ».

Езекиль 22:27

Ерусалимса юралысьяс кыйдӧс чашйысь кӧинъяс кодьӧсь. Озырмӧдчӧм могысь найӧ вир кисьтӧны да йӧзӧс виалӧны.

Амос 7:10

Вефильса Амасей поп мӧдӧдіс мортӧс израильса Еровам ӧксы дорӧ висьтавны: «Амос кыпӧдӧ Израиль войтырӧс тэныд паныд. Сылӧн сёрниыс бырӧдас мутӧ.

Лука 23:2

Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

Ап. уджъяс 16:20

Вайӧдісны юралысьяс дінӧ да пондісны мыжавны: «Тайӧ иудей йӧзыс шызьӧдӧны карнымӧс,

Ап. уджъяс 17:6

но эз аддзыны. Сэки босьтісны Ясонӧс, нӧшта кодсюрӧ вокъясӧс да вайӧдісны карӧн веськӧдлысьяс дінӧ. Налы горзігтыр висьталісны: «Тайӧ йӧзыс, став муюгыдсӧ гудыртысьясыс, миянӧдз воисны.

Ап. уджъяс 24:5

Ми аддзылім: тайӧ мортыс пежалӧ гӧгӧр да став му пасьтала шызьӧдӧ иудей войтырӧс. Сійӧ назаретса велӧдӧмӧ кутчысьысьяслӧн веськӧдлысь.

Ап. уджъяс 28:22

Ми кӧсъям кывны, мый тэ ачыд мӧвпалан. Ми тӧдам, мый тайӧ велӧдӧмыслы быдлаын паныд сувтӧны».