Еремей 38:2 - Коми Библия 2023

² «Господь тадзи висьталӧ: ”Коді кольччас тайӧ карас, сійӧ кулас шыпуртысь, тшыглунысь да пӧрӧс висьӧмысь. А коді сетчас калдеяса тышкайӧзлӧн киӧ, сійӧ ловйӧн коляс да видзас ассьыс олӧмсӧ”.

Еремей 38:2 Iomraidhean Croise

Еремей 21:4

мый Господь, Израильлӧн Ен, тадзи висьталӧ: тіянлы аслыныд паныд Ме бергӧда шыпуртъяснытӧ, мыйӧн ті тышкасянныд вавилонса ӧксылы паныд да калдеяса тышкайӧзлы паныд, кодъяс кытшалӧмаӧсь тіянӧс. Ме чукӧрта шыпуртъяснытӧ тайӧ кар шӧрас.

Еремей 24:8

Господь тадзи висьталӧ: лёк инжир вотӧслы моз, мый оз позь сёйны, Ме вӧча иудаса Седекей ӧксылы, иудаса юралысьяслы да ерусалимса коляс йӧзлы, кодъяс колясны тайӧ муас либӧ овмӧдчасны Египет муӧ.

Еремей 27:11

Сійӧ войтырыслы, коді лэдзас аслас сьылі вылӧ пуктыны вавилонса ӧксылысь сийӧссӧ да пондас кесъявны сылы, Ме лэдза кольччыны аслас муӧ, – висьталӧ Господь. – Найӧ пондасны вӧдитны видз-му да овны сэні».

Еремей 27:13

Мыйла тэныд да тэнад войтырыдлы кувны шыпуртысь, тшыгъялӧмысь да пӧрӧс висьӧмысь? Ӧд Господь висьталіс, мый тадзи лоӧ быд войтыркӧд, коді оз кут кесъявны вавилонса ӧксылы.

Еремей 29:16

Ӧксы йылысь, коді пукалӧ Давидлӧн юралан пуклӧсын, да тайӧ карас олысь войтыр йылысь, тіян вокъясныд йылысь, кодъясӧс эз нуӧдны пленӧ тіянкӧд, Господь Саваоф тадзи висьталӧ: Ме мӧдӧда на пӧвстӧ шыпурт, тшыглун да пӧрӧс висьӧм. Ме вӧча найӧс тшыксьӧм инжир кодьӧн, мый оз позь сёйны.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 34:17

Та вӧсна Господь тадзи висьталӧ: сыысь, мый ті энӧ кывзӧй Менӧ, энӧ лэдзӧй вӧля вылӧ вокъяснытӧ да матыссаяснытӧ, Ме лэдза тіянӧс вӧля вылӧ, – висьталӧ Господь, – ті куланныд шыпуртысь, пӧрӧс висьӧмысь да тшыглунысь. Став мувывса войтыръяслы Ме вӧча тіянӧс повзьӧдчанторйӧн.

Еремей 39:18

Ме мезда тэнӧ. Тэ он кув шыпуртысь, но видзан ассьыд олӧмтӧ, ӧд Ме вылӧ тэ лача кутан, – висьталӧ Господь».

Еремей 42:17

Став йӧзыс, кодъяс мунасны да овмӧдчасны Египетӧ, куласны шыпуртысь, тшыглунысь да пӧрӧс висьӧмысь. Некод на пӧвстысь ловйӧн оз коль, некод оз пышйы шогысь, мый Ме мӧдӧда на вылӧ”.

Еремей 42:22

Сідзкӧ, тӧдӧй, ті куланныд шыпуртысь, тшыглунысь да пӧрӧс висьӧмысь сійӧ муас, кытчӧ ті кӧсъянныд мунны да овмӧдчыны».

Еремей 44:13

Кыдзи шыпуртӧн, тшыглунӧн да пӧрӧс висьӧмӧн Ме мыжді Ерусалимын олысьясӧс, тадзи жӧ Ме мыжда найӧс, кодъяс овмӧдчисны Египет муӧ.

Еремей 45:5

Тэ коран аслыд унатор. Дугды корнытӧ, ӧд Ме мӧдӧда шог став йӧзыслы, – висьталӧ Господь, – но тэнсьыд олӧмтӧ Ме видза быдлаын, кытчӧ тэ мунан”».

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Езекиль 6:11

Господь Ыджыдыс тадзи висьталӧ: зымӧд кинад-кокнад да горзы: ”Курыд шог Израильлы сылӧн став пеж вӧчӧмсьыс”. Израиль войтыр кулас шыпурт помысь, тшыгъялӧмысь да пӧрӧс висьӧмысь.

Езекиль 7:15

Ывлаын – шыпурт, керкаын – пӧрӧс висьӧм да тшыгъялӧм. Видз-му вылын шыпурт виӧ, карын тшыгъялӧм да пӧрӧс висьӧм шырӧ.