Еремей 38:19 - Коми Библия 2023

¹⁹ Седекей ӧксы шуис Еремейлы: «Ме пола иудаса йӧзысь, кодъяс вуджисны калдеяса тышкайӧз дор. Калдеяса тышкайӧз кӧ сетасны менӧ налӧн киӧ, найӧ косявласны менӧ».

Еремей 38:19 Iomraidhean Croise

2 Каднебӧг 30:10

Юӧртысьяс ветлісны карысь карӧ, найӧ кытшовтісны Ефрем да Манассей чужанкотыръяслысь мусӧ Завулон чужанкотырлӧн муӧдз, но найӧс сералісны-лёкӧдісны.

Неемий 4:1

Санваллат кор тӧдмаліс, мый ми лэптам Ерусалимлысь стенсӧ, ёна скӧрмис. Сійӧ пондіс лӧгавны да лёкӧдны иудейясӧс.

Иов 31:34

сэки эськӧ ме тіралі йӧз чукӧрын, полі ас войтырлӧн увтыртӧмысь, ме эськӧ чӧв олі да керкаысь эг петавлы.

Шусьӧгъяс 29:25

Йӧзысь полӧм – лэчкӧ шедӧм кодь, а Господь вылӧ лача кутысь повтӧг олӧ.

Исай 57:11

Кодысь тэ полан, кодысь повзин сэтшӧмасӧ, мый эновтін Менӧ? Тэ вунӧдін Менӧ, он казьтывлы Ме йылысь. Ме дыр чӧв олі, гашкӧ, та понда тэ дугдін Меысь повнысӧ?

Еремей 20:7

– Господьӧй, Тэ ылӧдлін менӧ, и менӧ лои ылӧдлӧма. Тэ вермин менӧ, ӧд Тэ меысь вынаджык. Быд лун сералӧны ме вылын, ставныс лёкӧдӧны менӧ.

Еремей 38:22

став аньяссӧ, кодъяс колины иудаса ӧксылӧн керкаӧ, нуӧдасны вавилонса ӧксылӧн киподувса юралысьяс дінӧ. Тайӧ аньясыс шуасны иудаса ӧксы йылысь: – Тэнад ёртъясыд ылӧдлісны тэнӧ, найӧ вермисны тэнӧ. Кор тэнад кокыд вӧйис нюйт пытшкӧ, найӧ бергӧдісны тэлань мышнысӧ.

Еремей 38:5

Седекей ӧксы шуис: «Сійӧ тіян киын, ме нинӧм ог вермы вӧчны тіянлы паныд».

Еремей 39:9

Карсьыс коляс войтырсӧ да вавилонса ӧксы дор вуджысьясӧс Навузардан, ӧксыӧс видзысьяслӧн юралысь, нуӧдіс пленӧ Вавилонӧ.

Иоан 12:42

Юралысьяс пӧвстысь унаӧн эскисны Исуслы. Но фарисейясысь полӧмнысла найӧ эз лысьтны висьтавны та йылысь веськыда, медым эз вӧтлыны найӧс синагогаысь.

Ёрдысьяс 16:25

Войтырыс ёна гажмис. Найӧ шуисны, вайӧдӧй пӧ Самсонӧс дзескыдінысь, мед сійӧ гажӧдыштас миянӧс. Самсонӧс вайӧдісны, и йӧзыс кутісны тешитчыны сы вылын. Сійӧс сувтӧдісны кык сюръя костӧ.

Ёрдысьяс 9:54

Авимелек дзик пыр горӧдіс шыпурт новлӧдлысьсӧ да тшӧктіс сылы: «Перйы шыпурттӧ да сатшкы менӧ. Мед некод оз шу, мый менӧ виис ань». Шыпурт новлӧдлысь сатшкис Авимелекӧс, и сійӧ куліс.

Ӧксыяслӧн 1 небӧг 15:24

Саул вочавидзис Самуиллы: «Ме мыж вӧчи – торки Господьлысь тшӧктӧмсӧ да эг вӧч тэнад шуӧм серти. Ме йӧзсьыс полі, та вӧсна кывзі найӧс.

Ӧксыяслӧн 1 небӧг 31:4

Саул шуис шыпурт новлӧдлысьыслы: «Перйы шыпурттӧ да бытшкы менӧ! Тайӧ вундыштчытӧмъясыс мед оз вины менӧ да оз тешитчыны ме вылын». Но шыпурт новлӧдлысь ёна повзис да эз ви Саулӧс. Сэки Саул босьтіс ассьыс шыпуртсӧ да шыбитчис ёсьладор помас.