Еремей 37:3 - Коми Библия 2023

³ Седекей ӧксы мӧдӧдіс Еремей пророк дінӧ Шелемейлысь Ехукал писӧ да Софоний попӧс, Маасейлысь писӧ, медым найӧ шуисны пророклы: «Кевмысь миян вӧсна Господьлы, миян Енлы!»

Еремей 37:3 Iomraidhean Croise

Ӧксыяслӧн 3 небӧг 13:6

Еровам ӧксы шыасис Енлӧн морт дінӧ: «Кевмысь ме вӧсна аслад Господь Енлы, медым Сійӧ бурсьӧлӧмтчас ме дінӧ да бурдӧдас менсьым киӧс». Енлӧн морт кевмысис Господьлы, и ӧксылӧн киыс бурдіс да пондіс важ мозыс куснясьны.

Петӧм 10:17

Бара на прӧститӧй менсьым мыжӧс да кевмысьӧй Господьлы, асланыд Енлы, медым Сійӧ вештас ме дінысь тайӧ курыд шогсӧ».

Петӧм 8:28

Фараон шуис: «Ме лэдза тіянӧс овтӧминӧ вись вайны Господьлы, тіян Енлы, сӧмын ылӧ энӧ мунӧй. Кевмысьӧй ме вӧсна [Господьлы]».

Петӧм 8:8

Фараон корис Мӧисейӧс Ааронкӧд да шуис налы: «Кевмысьӧй Господьлы, мед Сійӧ вештас ме дінысь да менам войтыр дінысь жабаясӧс. Сэсся ме лэдза Израиль войтырӧс мунны, медым Господьлы вайны вись».

Петӧм 9:28

Кевмысьӧй [ме вӧсна] Господьлы, мед дугӧдас гымсӧ да шерсӧ [да чардбисӧ му вылын]. Сэсся ме лэдза тіянӧс, водзӧ ог нин кут».

Еремей 15:11

Господь шуис: – Тэнад ставыс лоӧ бур. Ме вӧча сідзи, мый шог дырйи да сьӧкыд кадӧ мустӧмтысьясыд корасны тэнсьыд отсӧг.

Еремей 2:27

Пулы войтырыс шуӧ, тэ пӧ менам батьӧй, излы шуӧ, тэ пӧ чужтін менӧ. Найӧ бергӧдісны Меланьӧ мышнысӧ, а эз чужӧмнысӧ. Но кор шогыс суӧ найӧс, найӧ шуалӧны: «Лок да отсав миянлы!»

Еремей 29:21

Колайлӧн Ахав пи йылысь да Маасейлӧн Седекей пи йылысь, кодъяс ылӧгсӧ юӧртӧны Менам нимсянь, Ме, Господь Саваоф, Израильлӧн Ен, тадзи висьтала: Ме сета найӧс вавилонса Навукодоносор ӧксы киӧ, и сійӧ виас найӧс тіян син водзын.

Еремей 29:25

«Господь Саваоф, Израильлӧн Ен, тадзи висьталӧ: аслад нимсянь тэ мӧдӧдлін гижӧдъяс ерусалимса став войтырыслы, Софоний поплы, Маасейлӧн пиыслы, да мукӧд попъяслы. Тэ вӧлі гижӧмыд:

Еремей 37:17

Седекей ӧксы тшӧктіс вайӧдны Еремейӧс. Сійӧс вайӧдісны ӧксы керкаӧ, и ӧксы гусьӧн юаліс сылысь: «Вӧлі-ӧ Господьсянь кыв?» «Вӧлі, – вочавидзис Еремей. – Тэнӧ лоӧ сетӧма вавилонса ӧксы киӧ».

Еремей 37:7

«Господь, Израильлӧн Ен, тадзи висьталӧ: иудаса ӧксылы, коді мӧдӧдіс юавны Менсьым, висьталӧй, мый фараонлӧн тышкайӧзыс, кодъяс вӧлі локтӧны тіянлы отсӧг вылӧ, бӧр бергӧдчасны асланыс муӧ, Египетӧ.

Еремей 38:1

Маттанлӧн Шефатай пиыс, Пашхурлӧн Гедалий пиыс, Шелемейлӧн Ехукал пиыс да Малкийлӧн Пашхур пиыс кывлісны, мый висьталіс Еремей став войтырыслы:

Еремей 42:1

Карейлӧн Иоханан пиыс да Хошайлӧн Езаний пиыс, тшӧтш тышкайӧзӧн веськӧдлысьяс да став войтырыс ичӧтсянь гырысьӧдз локтісны

Еремей 42:20

Ті ылӧдлінныд асьнытӧ. Ті мӧдӧдінныд менӧ Господь Енныд дінӧ да коринныд кевмысьны ас вӧснаныд. Ті шуинныд, юӧрт пӧ миянлы ставсӧ, мый висьталас Господь, миян Ен, и ми пӧ сідзи вӧчам.

Еремей 52:24

Навузардан, ӧксыӧс видзысьяслӧн юралысь, босьтіс Серай аркирейӧс да сылы отсасьысь Софоний попӧс, тшӧтш крам пыранін видзысь куим попӧс.

Лыд 21:7

Сэки войтырыс локтіс Мӧисей дінӧ да шуис: «Ми мыжмим, кор шуасим Господь вылӧ да тэ вылӧ. Кевмысь Господьлы, медым Сійӧ ылыстас миян дінысь змейяссӧ». Мӧисей кевмысис Господьлы войтырыс вӧсна.

Ап. уджъяс 8:24

Симон воча шуис: «Кевмысьӧй ме вӧсна Господьлы, медым эз су менӧ тіян шуӧмныд».

Ӧксыяслӧн 1 небӧг 12:19

Йӧзыс шуисны Самуиллы: «Кевмысь миян вӧсна Господьлы, аслад Енлы, медым ми, тэнад кесйӧгъяс, эгӧ кулӧй. Ми корим ӧксыӧс, тадзи асланым мыжъяс дінӧ содтім нӧшта ӧти мыж».