Еремей 37:10 - Коми Библия 2023

¹⁰ Ті кӧ весиг пасьвартінныд калдеяса став тышкайӧзсӧ, кодъяс тышкасьӧны тіянлы паныд, и налӧн ловйӧн колины сӧмын доймӧмаяс, найӧ эськӧ чеччисны, петісны асланыс чомъясысь да тайӧ карсӧ сотісны биӧн».

Еремей 37:10 Iomraidhean Croise

Исай 10:4

Пленӧ босьтӧмаяс пӧвстын ті сувтанныд пидзӧс выланыд, кулӧмаяс моз усянныд. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 13:15

Кодӧс суӧдасны – сійӧс бытшкасны, кодӧс вӧтӧдасны – сійӧс шыпуртӧн виасны.

Исай 14:19

Сӧмын тэ колин гуавтӧг, тэнӧ шыбитісны ковтӧм увйӧс моз. Тэ куйлан виӧмаяс пӧвстын, шыпуртӧн бытшкӧмаяс пӧвстын, тэнӧ шыбитӧма косьмӧм вайӧртӧдӧ, тэнсьыд шойтӧ талялӧны.

Исай 30:17

Ӧти мортлӧн повзьӧдӧмысь тіян сюрс морт пышъяс, вит мортлӧн повзьӧдӧмысь ті ставныд пышъянныд. А тіян пӧвстысь колясыс лоӧ керӧс йылын сулалысь майӧг кодьӧн, мыльк йылын дӧлалысь дӧрапас кодьӧн.

Еремей 21:10

Ме шуи вӧчны тайӧ карыслы лёксӧ, а эг бурсӧ, – висьталӧ Господь. – Тайӧ карсӧ лоӧ сетӧма вавилонса ӧксы киӧ, и сійӧ сотас тайӧ карсӧ».

Еремей 32:29

Тайӧ карсӧ кытшалысь калдеяса тышкайӧз пырасны татчӧ. Найӧ сотасны карсӧ керкаяснас, кӧні вевт вылас тшынӧдчисны Ваал идоллы да вайисны вина вись мукӧд енъяслы, и тадзи дӧзмӧдісны Менӧ.

Еремей 37:11

Калдеяса тышкайӧз вешйисны Ерусалим дорысь, ӧд фараонлӧн тышкайӧзыс петісны иудаса тышкайӧзлы отсӧг вылӧ.

Еремей 37:8

А калдеяса тышкайӧз бӧр локтасны татчӧ, кытшаласны тайӧ карсӧ, босьтасны сійӧс да сотасны.

Еремей 49:20

Кывзӧй, мый Господь шуис Эдом йылысь, мый шуис вӧчны Теманын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Еремей 50:45

Кывзӧй, мый Господь шуис Вавилон йылысь, мый шуис вӧчны Калдея муын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Еремей 51:4

Калдея муын кутасны куйлыны виӧмаяс, уличьяс вылын – шыпуртӧн бытшкӧмаяс.

Бӧрданкыв 1:15

Господь ӧтдортіс менсьым ён йӧзӧс, индіс-юӧртіс кад, медым бырӧдны менсьым зонъясӧс. Пычкан гуын виноградӧс моз Господь таляліс Иудалысь нывсӧ!

Йоиль 2:11

Гораа чуксалӧмӧн Господь веськӧдлӧ тышкайӧзнас, Сылӧн тышкайӧзыс лыдтӧм-тшӧттӧм, Сылӧн тшӧктӧм серти вӧчысь вына. Господьлӧн луныс ыджыд да повзьӧдана, вермас-ӧ кодкӧ ловйӧн кольны?