Еремей 34:9 - Коми Библия 2023

⁹ Ставныслы колӧ вӧлі лэдзны вӧля вылӧ ассьыныс еврей кесйӧгъяснысӧ, тшӧтш кесйӧг аньяснысӧ. Некодлы оз позь вӧлі уджӧдны иудей воксӧ кесйӧгӧс моз.

Еремей 34:9 Iomraidhean Croise

Олӧм 14:13

Пышйӧмаяс пӧвстысь ӧти морт локтіс еврей Ӧврам дінӧ. Ӧврам сэки оліс Мамре нима аморейлӧн тупу раскын. Мамре вӧлі Эшколлӧн да Анерлӧн вокыс. Найӧ вӧлі кӧрталӧмаӧсь йитӧд Ӧврамкӧд.

Олӧм 40:15

Менӧ ӧд гусялісны еврейяслӧн муысь. Тані олігӧн ме эг вӧч сэтшӧм лёксӧ, мыйысь колӧ йӧршитны дзескыдінӧ».

Петӧм 2:6

Кудсӧ восьтӧм бӧрас аддзис сэтысь кагаӧс. Кагаыс бӧрдіс. Фараон нывлӧн нормис сьӧлӧмыс, и сійӧ шуис: «Тайӧ кагаыс еврейяслӧн».

Петӧм 3:18

Израильса юрнуӧдысьяс кывзасны тэнӧ да мунасны тэкӧд [фараон дінӧ]. Кор локтанныд египетса ӧксы дінӧ, шуӧй сылы: ”Господь, еврейяслӧн Ен, корис миянӧс. Лэдз миянӧс овтӧминӧ куим лун мунан ылнаӧ. Сэні ми вись ваям Господьлы, асланым Енлы”.

Еремей 25:14

Вавилонсаяслы ковмас кесъявны вына войтыръяслы да ыджыд ӧксыяслы. Тадзи Ме мынтыся налы лёк вӧчӧмсьыныс».

Еремей 27:7

Став войтыръясыс пондасны кесъявны сылы, сылӧн пиыслы да пиыслӧн пиыслы, кытчӧдз оз во кад, кор сійӧ аслас войтырыскӧд кутас кесъявны мукӧд войтыръяслы да вына ӧксыяслы.

Еремей 30:8

Сійӧ лунӧ, – висьталӧ Господь Саваоф, – Ме жугӧда налӧн сьылі вылысь сийӧссӧ, орӧда налысь кӧртӧдъяссӧ. Найӧ оз нин кутны кесъявны мукӧд войтырлы,

Еремей 34:10

Став юралысьясыс да став войтырыс, кодъяс сёрнитчисны ӧксыкӧд, мый лэдзасны кесйӧгъяснысӧ вӧля вылӧ да оз кутны уджӧдны найӧс кесйӧгӧс моз, кывзысисны да лэдзисны ассьыныс кесйӧгъяснысӧ.

1 Коринфӧ 6:8

Но ті асьныд лёка вӧчанныд да мырддяланныд мукӧдлысь, весиг эскысьяслысь.

2 Коринфӧ 11:22

Найӧ иудейяс? Ме тшӧтш. Израиль войтыр? Ме тшӧтш. Ӧвраамсянь чужысьяс? Ме тшӧтш.

Индӧд 15:12

«Тэнад еврей войтырысь кӧ айлов либӧ ань вузалас асьсӧ тэныд кесйӧг туйӧ, сійӧ мед уджалас тэ ордын квайт во чӧж, а сизимӧд вонас лэдз сійӧс вӧля вылӧ.

Филипӧ 3:5

Ӧд менӧ вундыштӧма вӧлі кӧкъямысӧд лунӧ, петі Израиль войтырысь, Венямин чужанкотырысь, бать-мамӧй – иудейяс, Индӧд серти ме – фарисей.

Ӧксыяслӧн 1 небӧг 14:11

Кор Ионафан аслас кесйӧгкӧд петкӧдчис филистимса тышкакотырлы, филистимсаяс пондісны шуасьны, видзӧдлӧй пӧ, еврейяс петалӧны сайӧдчанінсьыныс.

Ӧксыяслӧн 1 небӧг 4:6

Филистимсаяс кылісны горзӧмсӧ да шуисны: «Мыйла еврейяс татшӧма горзӧны?» Кор филистимсаяс тӧдмалісны Господьлӧн куд йылысь,

Ӧксыяслӧн 1 небӧг 4:9

Филистимсаяс, энӧ полӧй! Вермасьӧй повтӧг, медым ми эгӧ шедӧй еврейяслӧн кипод улӧ, кыдзи найӧ вӧліны миян кипод улынӧсь».