Еремей 34:13 - Коми Библия 2023

¹³ «Господь, Израильлӧн Ен, тадзи висьталӧ: кор Ме петкӧді тіянлысь батьяснытӧ Египет муысь, кӧні вӧліны найӧ кесйӧг туйынӧсь, Ме кӧрталі накӧд йитӧд. Ме тшӧкті налы

Еремей 34:13 Iomraidhean Croise

Петӧм 13:14

Тэнад пиыд кӧ юалас, мыйла тэ тадзи вӧчан, висьтав сылы: ”Аслас вына кинас Господь петкӧдіс миянӧс Египет муысь нартитӧм улысь.

Петӧм 13:3

Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Петӧм 24:3

Мӧисей локтіс войтырыс дінӧ да висьталіс налы Господьлысь кывъяссӧ да тшӧктӧмъяссӧ. Войтырыс ӧти вомӧн шуис: «Ми вӧчам ставсӧ, мый тшӧктіс Господь. [Кутам кывзысьны.]»

Еремей 11:4

Тайӧ тшӧктӧмъяссӧ Ме сеті тіян батьяслы, кор петкӧді найӧс Египетысь, кӧрт сывдан пачысь. Ме тшӧкті налы кывзыны Менӧ да ставсӧ вӧчны Менам тшӧктӧм серти, медым найӧ вӧліны Менам войтырӧн, а Ме – налӧн Енмӧн.

Еремей 11:7

Сійӧ лунсяньыс, кор Ме петкӧді тіянлысь батьяснытӧ Египетысь, Ме тшӧкті налы кывзыны Менӧ. Ӧнія лунӧдз Ме выльысь и выльысь тадзи жӧ вӧча.

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Еремей 34:12

Сэки Еремейлы вӧлі Господьсянь кыв:

Еремей 7:22

Кор Ме петкӧді тіянлысь батьяснытӧ Египетысь, Ме эг тшӧктывлы вайны сотан висьяс да мукӧд висьяс.

Индӧд 13:10

Сійӧ кежӧдӧ тіянӧс Господьысь, тіян Енмысь, коді петкӧдіс тіянӧс Египетысь нартитӧм улысь. Таысь сійӧс колӧ изъявны кувтӧдзыс.

Индӧд 15:15

Тӧд, мый тэ [тшӧтш] вӧлін кесйӧг туйын Египет муын, и Господь, тэнад Енмыд, мездіс тэнӧ нартитӧм улысь. Та вӧсна талун ме тшӧкта тэныд тадзисӧ вӧчны.

Индӧд 16:12

Энӧ вунӧдӧй, мый ті асьныд вӧлінныд Египетын кесйӧг туйынӧсь. Кывзысьӧмӧн олӧй тайӧ тшӧктӧмъясыс серти».

Индӧд 24:18

Энӧ вунӧдӧй, мый ті асьныд вӧлінныд кесйӧг туйынӧсь Египетын, и Господь, тіян Енныд, мездіс тіянӧс сэтысь. Та вӧсна тшӧкта тіянлы тадзи вӧчны.

Индӧд 29:1

Моав муын Господь тшӧктіс Мӧисейлы содтыны тайӧ кывъяссӧ сійӧ йитӧд дорас, мый Господь кӧрталіс Израиль пиянкӧд Хорив керӧсын.

Индӧд 5:27

Тэ мун да кывзы, мый шуас тэныд Господь, миян Енным, сэсся висьтав миянлы, мый йылысь Сійӧ висьталас тэныд. Ми кутам кывзыны да Сылӧн тшӧктӧм-шуӧм серти овны”.

Индӧд 5:6

”Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Индӧд 6:12

видзчысьӧй, медым [сьӧлӧмныд эз ылав да] ті энӧ вунӧдӧй Господьӧс, коді петкӧдіс тіянӧс Египет муысь нартитӧм улысь.

Индӧд 7:8

Господь бӧрйис тіянӧс сы вӧсна, мый радейтӧ тіянӧс да вӧчӧ тіян батьяслы кыв сетӧмыс серти. Та вӧсна Господь вына кинас [да ён сойнас] мездіс тіянӧс фараонлӧн, египетса ӧксылӧн, нартитӧм улысь.

Индӧд 8:14

видзчысьӧй, медым асьнытӧ вылӧ энӧ пуктӧй да энӧ вунӧдӧй Господьӧс, ассьыныд Ентӧ, ӧд Сійӧ петкӧдіс тіянӧс Египет муысь нартитӧм улысь.

Нав Исус 24:17

Ӧд Господь – миян Ен. Сійӧ петкӧдіс миянӧс да батьяснымӧс Египет муысь нартитӧм улысь. Миян син водзын Сійӧ вӧчис ыджыд индысьпасъяс, видзис миянӧс ветлан туйясын, дорйис войтыръясысь, кодъяслысь мусӧ ми вуджим.

Ёрдысьяс 6:8

Господь мӧдӧдіс налы пророкӧс. Пророк шуис: «Господь, Израильлӧн Ен, тадзи висьталӧ: ”Ме петкӧді тіянӧс Египетысь нартитӧм улысь.