Еремей 34:10 - Коми Библия 2023

¹⁰ Став юралысьясыс да став войтырыс, кодъяс сёрнитчисны ӧксыкӧд, мый лэдзасны кесйӧгъяснысӧ вӧля вылӧ да оз кутны уджӧдны найӧс кесйӧгӧс моз, кывзысисны да лэдзисны ассьыныс кесйӧгъяснысӧ.

Еремей 34:10 Iomraidhean Croise

Петӧм 21:2

Ньӧбан кӧ тэ еврей кесйӧгӧс, сійӧ мед уджалас тэныд квайт во чӧж, а сизимӧд вонас лэдз сійӧс вӧля вылӧ дон босьттӧг.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Еремей 26:10

Кор иудаса юралысьяс кылісны та йылысь, найӧ локтісны ӧксы керкаысь Господьлӧн крам йӧрӧ да пуксисны Выль дзиръя дорӧ.

Еремей 26:16

Юралысьяс да став войтырыс шуисны попъяслы да пророкъяслы: «Тайӧ мортсӧ оз ков мыждыны да вины, ӧд сійӧ пророкаліс миян Господь Енлӧн нимсянь».

Еремей 34:11

Но бӧрынджык найӧ вежисны шуӧмнысӧ, бӧр бергӧдісны ассьыныс кесйӧгъяснысӧ, кодъясӧс водзынджык лэдзисны вӧля вылӧ, да уджӧдісны найӧс кесйӧгӧс моз.

Еремей 36:12

да муніс ӧксы керкаӧ, гижалысьлӧн вежӧсӧ. Сэні пукалісны юралысьяс: ӧксылӧн гижалысь Элишам, Шемайлӧн Делай пиыс, Акборлӧн Элнатан пиыс, Шафанлӧн Гемарий пиыс, Хананейлӧн Седекей пиыс, тшӧтш мукӧд юралысьяс.

Еремей 38:4

Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

Левит 25:10

Ветымынӧд воыс мед лоӧ тіянлы вежа, сійӧ тшупӧда во. Сэки тіян муын став олысьыслы юӧртӧй мездлун йылысь. Быдӧн мед бӧр босьтӧ ассьыс мусӧ, бӧр локтӧ аслас чужанкотырыс дінӧ.

Марк 6:20

Ирӧд поліс Иоанысь, ӧд тӧдіс, мый Иоан веськыда олысь да вежа морт. Ирӧд дорйис Иоанӧс, унатор вӧчис сылысь кывзысьӧмӧн да окотапырысь кывзіс сійӧс.