Еремей 33:12 - Коми Библия 2023

¹² Господь Саваоф тадзи висьталӧ: тайӧ овтӧминас, кӧні абу морт ни ыж-мӧс, тайӧ каръяс гӧгӧрыс бара лоӧны йирсянінъяс, кӧні ыж видзысьяс кутасны йирсьӧдны ассьыныс ыжъяссӧ.

Еремей 33:12 Iomraidhean Croise

Сьылан 1:7

– Он кӧ тӧд, медмича аньӧй, мун ыжъяслӧн кок туйӧд, видз ассьыд кӧзапиянтӧ ыж видзысьяслӧн чом дорын.

Исай 65:10

Менам войтырлы, коді корсьысьӧ Менӧ, Шарон ласта лоӧ ыжъяслы йирсянінӧн, Акор ковтыс – мӧсъяслы шойччанінӧн.

Еремей 17:26

Иудаса каръясысь, Ерусалим гӧгӧрысь, Венямин муысь, Негев муысь, керӧсбердса да керӧсвыв муясысь локтасны йӧз да ваясны Господьлӧн керкаӧ сотан да мукӧд висьяс, нянь висьяс, чӧскыд ӧвтанторъяс да Господьӧс аттьӧалӧм могысь вайӧмторъяс.

Еремей 31:12

Найӧ локтасны, кутасны долыда сьывны Сион керӧс вылын, кутасны нимкодясьны, ӧд Господь сетіс налы бур козинъяс: шобді, вина да вый, ыжъясӧс да ӧшъясӧс. Налӧн олӧмыс лоас ваӧн киськалӧм сад кодь, найӧ оз нин вынтӧммыны.

Еремей 31:24

Иуда муын да иудаса каръясын кутасны овны му вӧдитысьяс да ыж-мӧс видзысьяс.

Еремей 32:15

Ӧд Господь Саваоф, Израильлӧн Ен, тадзи висьталӧ: ”Тайӧ муас коркӧ бара кутасны ньӧбавны керкаяс, видз-му да виноград йӧръяс”.

Еремей 36:29

А иудаса Ехояким ӧксылы висьтав, мый Господь тадзи висьталӧ: тэ сотін гижӧд тубрассӧ да юалін Еремейлысь, мыйла сійӧ гижӧма, мый локтас вавилонса ӧксы да пазӧдас тайӧ мусӧ, бырӧдас тайӧ муас олысь йӧзсӧ да ыж-мӧссӧ.

Еремей 50:6

Менам войтырӧй вӧлі вошӧм ыж чукӧр кодь, видзысьясныс кежӧдісны найӧс туйсьыс, разӧдісны керӧсвыв му пасьтала. Найӧ шӧйтісны-ветлӧдлісны керӧсъяс да ыбъяс вывті, вунӧдісны ассьыныс оланінсӧ.

Еремей 51:62

да шу: Господьӧй, Тэ шуин тайӧ муыс йылысь, мый татчӧ оз коль морт ни ыж-мӧс, и сійӧ пыр кежлӧ лоӧ овтӧминӧн.

Езекиль 36:35

Сэки шуасны, тайӧ овтӧм муыс пӧ Эдэм сад кодь лоӧма, тайӧ кушмӧм-киссьӧм каръяссӧ пӧ зумыдмӧдӧма да овмӧдӧма.

Аггей 1:4

– Тіянлы ӧмӧй кад овны мичмӧдӧм керкаясын, кор тайӧ крамсӧ пазӧдӧма?