Еремей 32:32 - Коми Библия 2023

³² став лёк вӧчӧмсьыныс, мый вӧчисны Израиль войтыр, Иуда войтыр, налӧн ӧксыясныс, юралысьясныс, попъясныс, пророкъясныс, Иуда муын да Ерусалим карын олысьяс.

Еремей 32:32 Iomraidhean Croise

Ездра 9:7

Батьяслӧн кадсянь и ӧнӧдз миян вылын куйлӧ ыджыд мыж. Асланым мыжъяс вӧсна ми асьным, миян ӧксыяс и попъяс шедім мукӧд войтырлӧн ӧксыяс киӧ да шыпурт улӧ. Найӧ нуӧдісны миянӧс пленӧ, мырддялісны эмбурнымӧс да янӧдісны миянӧс. Тадзи найӧ вӧчӧны весиг талун.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Исай 22:1

Ковтыс йылысь водзвыв висьталӧм. Тайӧ ковтыссӧ Исай аддзыліс Енсянь восьтӧмын. Мый тэ вӧчан? Мыйла тэнад олысьясыд кайӧмаӧсь керка вевт вылӧ?

Еремей 2:26

Кыдзи гусясьысьӧс кутӧны да янӧдӧны, тадзи юръяндзим лои Израиль войтырлы, сылӧн ӧксыяслы да веськӧдлысьяслы, попъяслы да пророкъяслы.

Еремей 44:17

Ми водзӧ кутам вӧчны ставсӧ, мый кӧсйысим енэжвывса ӧксы-аньлы. Ми кутам тшынӧдчыны да вайны сылы вина вись, кыдзи ми, миян батьясным, ӧксыясным да юралысьясным вӧчлім иудаса каръясын да ерусалимса уличьяс вылын. Сэки ми пӧттӧдз сёйим-юим, бура олім да шогсӧ эгӧ тӧдлӧй.

Еремей 44:21

«Эз-ӧ тіянӧс шогыс су сы вӧсна, мый ті, тіян батьясныд, ӧксыясныд, юралысьясныд да став войтырыс вайинныд висьяс иудаса каръясын да ерусалимса уличьяс вылын? Господь тӧдӧ, мый ті вӧчинныд, и оз вунӧд.

Еремей 7:17

Тэ ӧмӧй он аддзы, мый найӧ вӧчӧны иудаса каръясын да ерусалимса уличьяс вылын?

Езекиль 22:6

Израильса юралысьяс вир кисьтісны Ерусалимын – быдӧн кисьтіс, мыйта вермис.

Даниил 9:16

Господьӧй, Аслад веськыдлуныд ради вешты Ассьыд скӧрлунтӧ да ярлунтӧ Аслад Ерусалим кар дорысь да Тэнад вежа керӧс дорысь. Миян мыжъяс вӧсна да батьяснымлӧн лёк вӧчӧм вӧсна орччӧн олысь войтыръяс лёкӧдӧны Ерусалим карӧс да Тэнсьыд войтыртӧ.

Даниил 9:6

Ми эгӧ кывзӧй Тэныд кесъялысь пророкъясӧс, кодъяс шыасьлісны Тэнад нимӧн миян ӧксыяс дінӧ, юралысь-веськӧдлысьяс дінӧ, миян батьяс дінӧ да миян муын олысь став войтырыс дінӧ.

Даниил 9:7

Господьӧй, Тэ веськыда вӧчан, а миянлы ставнымлы ӧні юръяндзим. Ми эновтім Тэнӧ, та вӧсна Тэ вӧтлін миянӧс Иуда муысь, Ерусалимысь да став Израиль муысь ылі да маті муясӧ.

Даниил 9:8

Господьӧй, миянлы, миян ӧксыяслы, юралысь-веськӧдлысьяслы да миян батьяслы юръяндзим, ӧд ми мыж вӧчим Тэныд паныд.