Еремей 32:30 - Коми Библия 2023

³⁰ Ӧд Израиль войтыр да Иуда войтыр том кадсяньыс вӧчисны сӧмын лёксӧ, вӧчисны Менам син водзын шогмытӧмсӧ. Израиль войтыр сӧмын дӧзмӧдіс Менӧ аслас уджъясӧн, – висьталӧ Господь. –

Еремей 32:30 Iomraidhean Croise

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Еремей 11:17

Господь Саваоф, коді пуктіс да быдтіс Израиль да Иуда войтыръясӧс, шуис мӧдӧдны на вылӧ шог налӧн лёк уджъясныс понда. Зывӧк Вааллы вись сотӧмнас найӧ скӧрмӧдісны Господьӧс. Тадзи аслыныс вӧчисны лёксӧ.

Еремей 2:7

Ме вайӧді тіянӧс муӧ, кӧні быдмӧны сад йӧръяс, медым ті пӧткӧдчинныд вотӧснас да бурторъяснас. Но ті локтінныд да пежалінныд Менсьым муӧс, вӧчинныд сійӧс зывӧкторйӧн.

Еремей 22:21

Бур кадӧ Ме ӧлӧдлі тэнӧ, но тэ шулін, ог пӧ кывзы. Томдырсяньыд тэ тадзи вӧчин, эн кывзы Менӧ.

Еремей 25:6

Энӧ юрбитӧй мукӧд енъяслы, энӧ кесъялӧй да энӧ копрасьӧй налы, энӧ скӧрмӧдӧй Господьӧс асланыд киӧн вӧчӧмторъясӧн, сэки Сійӧ оз вӧч тіянлы лёксӧ”.

Еремей 25:7

Но ті энӧ кывзӧй Менӧ! – висьталӧ Господь. – Асланыд киӧн вӧчӧмторъясӧн ті скӧрмӧдінныд Менӧ аслыныд жӧ лёк вылӧ.

Еремей 3:25

Яналӧмӧн уськӧдчамӧй муас, юръяндзим мед вевттяс миянӧс, ӧд томдырсянь да ӧніӧдз ми да миян батьясным мыж вӧчим асланым Господь Енлы паныд. Ми эгӧ кывзӧй Господьӧс, ассьыным Енмӧс.

Еремей 30:14

Став тэнад ёртъясыд вунӧдісны тэнӧ, найӧ оз тӧждысьны тэ вӧсна. Вӧрӧг моз Ме пасьварті тэнӧ, чорыда мыжді тэнӧ уна лёк вӧчӧмсьыд, лыдтӧм-тшӧттӧм мыжъяссьыд.

Еремей 36:2

«Босьт гижӧд тубрас да гиж сэтчӧ ставсӧ, мый Ме висьтавлі тэныд Израиль войтыр йылысь, Иуда войтыр йылысь да став войтыръяс йылысь сійӧ лунсяньыс, кор Ме шыасьлі тэ дінӧ Иосейлӧн веськӧдлан кадӧ да ӧніӧдз.

Еремей 44:3

Тайӧ каръясас олысьясыс кесъялісны да сотісны висьяс мукӧд енъяслы. Татшӧм лёк вӧчӧмнаныс найӧ скӧрмӧдісны Менӧ. Тайӧ енъяссӧ найӧ эз тӧдлыны, энӧ тӧдлӧй ни ті ни тіян батьясныд.

Еремей 44:8

Ті дӧзмӧданныд Менӧ асланыд киӧн вӧчӧмторъясӧн. Ті сотанныд висьяс мукӧд енъяслы Египет муын, кытчӧ ті овмӧдчинныд. Тадзи ті асьнытӧ бырӧданныд. Мувывса став войтыръяс кутасны ёрны да лёкӧдны тіянӧс.

Еремей 8:19

– Ылі муысь Ме кыла Аслам войтырлысь отсӧг йылысь горзӧмсӧ: «Сионын ӧмӧй абу Господьыс, сэні ӧмӧй абу ӧксыыс?» Мыйла найӧ скӧрмӧдісны Менӧ асланыс идолъясӧн, мукӧд войтыръяслӧн шогмытӧм идолъясӧн?

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Езекиль 20:8

Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 23:3

Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.