Еремей 32:17 - Коми Библия 2023

¹⁷ – Господьӧй Ыджыдӧй! Аслад ыджыд вынӧн да нюжӧдӧм киӧн Тэ вӧчин енэжсӧ и мусӧ, Тэныд нинӧм абу вермытӧмыс!

Еремей 32:17 Iomraidhean Croise

Олӧм 18:14

Но эм-ӧ мыйкӧ Господьлы вермытӧмыс? Индӧм кадӧ во мысти Ме бара вола тэ ордӧ. Сэки Сарраыдлӧн лоас пи».

Ӧксыяслӧн 4 небӧг 19:15

Езекей пондіс кевмысьны: «Господьӧй, Израильлӧн Енмӧй! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.

Ӧксыяслӧн 4 небӧг 3:18

Господьлы абу сьӧкыд вӧчны тайӧс. Нӧшта Сійӧ сетас тіян киӧ моавсаясӧс.

Неемий 9:6

[Ездра шыасис]: – Тэ – ӧти Господь! Тэ вӧчин енэжсӧ, енэжвыв енэжъяссӧ да вынъяссӧ, мусӧ да ставсӧ, мый сы вылын, саридзсӧ да ставсӧ, мый сэні эм. Тэ ставыслы сетан олӧм, енэжвыв вынъяс копрасьӧны Тэныд!

Иов 42:2

– Ме тӧда, мый Тэ ставсӧ верман, Тэнӧ некод оз вермы кутны Аслад шуӧм серти вӧчӧмысь.

Петӧм 20:11

Ӧд квайт лун чӧж Господь вӧчис енэжсӧ, мусӧ, саридзсӧ да ставсӧ, мый сэні эм, а сизимӧд луннас Сійӧ шойччис. Та вӧсна Господь бурсиис шойччан лун да вежӧдіс сійӧс.

Исай 42:5

Господь Ен вӧчис енэжсӧ да шевкнитіс сійӧс, вӧчис му да ставсӧ, мый сэні быдмӧ. Мувывса войтырлы Сійӧ сетӧ олӧм, мувывса йӧзлы – ловшы. Сійӧ тадзи висьталӧ:

Исай 44:24

Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.

Исай 45:12

Ме вӧчи мусӧ, вӧчи му вылас йӧзӧс. Менам киӧй шевкнитіс енэжсӧ, Ме веськӧдла енэжвыв вынъясӧн.

Исай 59:1

Господьлӧн киыс эз дженьдаммы, медым мездыны, Сылӧн пельыс эз сьӧктаммы, медым кывны.

Еремей 1:6

Ме вочавидзи: – Господьӧй Ыджыдӧй, ме ог куж сёрнитны, ӧд ме том на.

Еремей 14:13

Ме шуи: «Господьӧй Ыджыдӧй! Пророкъяс висьталӧны тайӧ войтырыслы, мый найӧ оз аддзывны шыпурт, оз кутны тшыгъявны, и Тэ сетан налы тайӧ муас лӧнь олӧм».

Еремей 21:2

«Еремей, кевмысь Господьлы миян вӧсна, ӧд вавилонса Навукодоносор ӧксы тышӧ петіс миянлы паныд. Гашкӧ, Господь вӧчас шензьӧданатор, и Навукодоносор вешъяс миян дінысь».

Еремей 27:5

мый Аслам ыджыд вынӧн да нюжӧдӧм киӧн Ме вӧчи мусӧ, йӧзӧс да мувывса пемӧсъясӧс и сета найӧс кодлы кӧсъя.

Еремей 32:27

«Ме – Господь, став ловъя олысьыслӧн Ен. Эм-ӧ мыйкӧ Меным вермытӧмыс?

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Еремей 4:10

Сэки ме шуи: «Господьӧй Ыджыдӧй, Тэ пӧръялін тайӧ войтырсӧ да Ерусалимын олысьясӧс. Тэ шуин, мый налӧн лоӧ лӧнь олӧм, но миянӧс бырӧдӧны шыпуртӧн».

Еремей 51:15

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Еремей 51:19

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Езекиль 11:13

Менам пророкалігкості куліс Бенайлӧн Пелатий пиыс. Ме кымынь уськӧдчи да понді горзыны: «Господьӧй Ыджыдӧй! Тэ ӧмӧй дзикӧдз бырӧдан Израильлысь коляс войтырсӧ?»

Езекиль 9:8

Кор найӧ мунісны, ме коли ӧтнам да кымынь уськӧдчӧмӧн куті горзыны: «Господьӧй Ыджыдӧй! Ассьыд скӧрлунтӧ Ерусалим кар вылӧ кисьтігӧн Тэ ӧмӧй бырӧдан Израильлысь став коляссӧ?»

Даниил 2:22

Сійӧ восьтӧ пыдӧ дзебӧмасӧ да гусяторсӧ, тӧдӧ, мый дзебӧма пемыдас, и югыдыс олӧ Сыкӧд.

Даниил 6:20

Гу дорӧ матыстчигӧн сійӧ нориник гӧлӧсӧн шыасис Даниил дінӧ: «Даниил, ловъя Енлӧн кесйӧг! Вермис-ӧ Тэнад Енмыд, кодлы тэ дугдывтӧг кесъялан, мездыны тэнӧ левъясысь?»

Закар 12:1

Водзвыв висьталӧм. Израиль йылысь Господьлӧн кыв. Господь, коді шевкнитіс енэжсӧ, пуктіс мулы подувсӧ да артмӧдіс морт пытшкын ловсӧ, висьталӧ:

Закар 8:6

Господь Саваоф тадзи висьталӧ: коляс войтырлы талун сьӧкыд эскыны, мый тадзи вермас лоны, но Меным абу сьӧкыд тайӧс вӧчны, – висьталӧ Господь Саваоф.

Лыд 11:23

Господь шуис Мӧисейлы: «Менам киӧй ӧмӧй оз вермы отсавны? Талун тэ аддзан, инас-ӧ Менам кывйӧй».

Матвей 19:26

На вылӧ видзӧдлӧмӧн Исус шуис: «Мортлы тайӧ вермытӧмтор, но Енмыслы ставыс вермана».

Марк 10:27

На вылӧ видзӧдлӧмӧн Исус шуис: «Мортлы тайӧ вермытӧмтор, но абу Енлы. Енмыслы ставыс вермана».

Лука 1:37

Енлы нинӧм вермытӧмыс абу».

Лука 18:27

Исус шуис: «Мортлы вермытӧмыс – вермана Енлы».

Ап. уджъяс 14:15

«Мый ті вӧчанныд? Ми ӧд тіян кодь жӧ мортъяс. Ми вайим Бур Юӧр тіянлы, медым ті бергӧдчинныд ковтӧм енъяссьыныд ловъя Ен дінӧ, коді вӧчис енэжсӧ, мусӧ, саридзсӧ да ставсӧ, мый сэні эм.

Ап. уджъяс 15:18

Нэмъяс пуксьытӧдзыс на Сійӧ тӧдіс став Ассьыс уджъяссӧ.

Ап. уджъяс 17:24

Муюгыдсӧ да ставсӧ вӧчысь Ен, енэжыслӧн да муыслӧн Господь, оз киӧн вӧчӧм крамъясын ов.

Восьтӧм 4:11

– Господьӧй, Тэ шогман сибӧдны ошкӧм-нимӧдӧмсӧ да вынсӧ, ӧд Тэ вӧчин ставсӧ. Тэнад кӧсйӧм серти вӧчӧма ставсӧ, Тэнад кӧсйӧм серти ставыс олӧ.