Еремей 31:2 - Коми Библия 2023

² Господь тадзи висьталӧ: – Войтыр, коді ловйӧн колис шыпуртысь, овтӧминын аддзис Менсьым буралӧмӧс. Ме локта лӧньӧдны Израильӧс.

Еремей 31:2 Iomraidhean Croise

Псалтыр 95:11

Мед гажӧдчас енэжыс, мед нимкодясяс муыс, мед шызяс саридзыс да став сэні олысьыс,

Петӧм 1:16

«Кор кутанныд отсавны еврей аньяслы чужтыны, видзӧдӧй, коді чужас. Чужас кӧ пи, виӧй сійӧс, а ныв кӧ, ловйӧн кольӧй».

Петӧм 1:22

Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».

Петӧм 12:37

Израиль войтыр петіс Рамсесысь да мӧдӧдчис Суккотӧ. Аньясӧс да ныв-писӧ артавтӧг пода мортыс вӧлі квайтсё сюрс гӧгӧр.

Петӧм 2:23

Уна во коли. Египетса ӧксы куліс. Израиль пиян ойзӧмӧн ойзісны сьӧкыд уджысь. Налӧн горзӧмыс воис Енмӧдз.

Петӧм 33:14

Господь шуис сылы: «Ме Ачым муна [тэ водзын] да пырта тэнӧ лӧньлунӧ».

Петӧм 5:21

Найӧ шуисны Мӧисейлы да Ааронлы: «Господь мед аддзас, мый ті вӧчинныд, да мыждас тіянӧс. Тіян вӧсна фараон да сылӧн йӧзыс кутісны мустӧмтны миянӧс. Ті сетінныд налы шыпурт, медым миянӧс вины».

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Езекиль 20:35

Ме вайӧда тіянӧс овтӧминӧ мукӧд войтыръяс пӧвстӧ. Сэні Ме сувтӧда тіянӧс Ас водзам, медым мыждыны тіянӧс.

Осий 11:4

Муслуныслӧн кӧвъясӧн морт моз Ме кыски найӧс Ас дінӧ. Ме босьтлі на вылысь сийӧссӧ, копыртчӧмӧн пуктывлі на водзӧ сёян.

Лыд 10:33

Господьлӧн керӧс дорысь мӧдӧдчӧм бӧрын Израиль войтыр мунісны куим лун чӧж. Господьлысь Йитӧд кудсӧ найӧ нуисны водзвыланыс, медым сійӧ петкӧдлас шойччанін.

Лыд 14:20

Господь шуис Мӧисейлы: «Ме прӧстита найӧс тэнад корӧм серти.

Матвей 11:28

Локтӧй Ме дінӧ мудзӧмаяс да сьӧкыда мырсьысьяс, Ме тіянӧс шойччӧда.

Индӧд 1:30

Господь, тіян Енныд, мунӧ тіян водзвылын. Сійӧ вермасьӧ тіян пыдди. Асланыд синмӧн ті аддзылінныд, мый Сійӧ вӧчис тіянлы Египетын.

Индӧд 1:33

коді муніс тіян водзвылын, медым корсьны тіянлы сувтланінъяс. Войнас Сійӧ муніс би сюръя пытшкын, а луннас – кымӧр сюръя пытшкын. Татшӧм ногӧн Сійӧ индыліс тіянлы туйсӧ.

Индӧд 12:9

Ті энӧ на воӧй шойччанінӧ – сійӧ муас, мый Господь, тіян Енныд, сетас тіянлы.

Индӧд 2:7

Господь, тіян Енныд, бурсиис тіянлысь уджнытӧ, видзис тіянӧс тайӧ паськыд [да повзьӧдана] овтӧминтіыс ветліганыд. Нелямын во чӧж Господь, тіян Енныд, вӧлі тіянкӧд, и тіян ставыс вӧлі тырмана”.

Индӧд 8:16

Овтӧминын Сійӧ вердіс тіянӧс маннаӧн, мый [ті энӧ тӧдлӧй и] батьясныд эз тӧдлыны. Тадзи Сійӧ раммӧдіс да тӧдмаліс тіянӧс, но бӧрынджык бурсӧ вӧчис тіянлы.

Нав Исус 1:13

«Энӧ вунӧдӧй, мый тшӧктіс тіянлы Мӧисей, Господьлӧн кесйӧг. Сійӧ ӧд шуис, мый Господь, тіян Енныд, сетас тіянлы тайӧ мусӧ, кӧні ті кутанныд лӧня овны.