Еремей 30:14 - Коми Библия 2023

¹⁴ Став тэнад ёртъясыд вунӧдісны тэнӧ, найӧ оз тӧждысьны тэ вӧсна. Вӧрӧг моз Ме пасьварті тэнӧ, чорыда мыжді тэнӧ уна лёк вӧчӧмсьыд, лыдтӧм-тшӧттӧм мыжъяссьыд.

Еремей 30:14 Iomraidhean Croise

Иов 16:9

Енлӧн скӧрлуныс косявлӧ менӧ, усьласьӧ ме вылӧ, пиньсӧ йирӧ ме вылӧ, менӧ мустӧмтысь синсӧ сувтӧдӧма ме вылӧ.

Иов 19:11

Сылӧн скӧрлуныс ыпнитіс ме вылӧ, Сійӧ лыддьӧ менӧ Аслас вӧрӧгӧн.

Иов 30:21

Тэ чорыд лоин ме дінӧ, дзескӧдан менӧ вына кинад.

Исай 57:13

Кор тэ кутан корны отсӧг вылӧ, тэнӧ оз мездыны идолъясыд. Найӧс ставнысӧ нӧбӧдас тӧвнырыс, разӧдас тӧв пӧльыштӧмыс. Но Ме вылӧ лача кутысьлы вичмас му, сылы вичмас Менам вежа керӧсӧй.

Еремей 14:17

– Висьтав налы тайӧ кывъяссӧ: лун и вой мед киссяс менам синваӧй, мед оз дугдыв менам бӧрдӧмӧй, ӧд менсьым войтырӧс пасьвартӧма, сійӧс сьӧкыда дойдалӧма.

Еремей 2:36

Мыйла тэ дугдывтӧг шӧйтан, ӧтарӧ-мӧдарӧ вежлалан ассьыд туйтӧ? Ассур моз Египет янӧдас тэнӧ.

Еремей 22:20

Ерусалим, кыпӧдчы Ливан керӧс вылӧ да бӧрд, сыркъялӧмӧн бӧрд Васан ыб вылын, гораа горзы Аварим керӧсъяссянь, ӧд тэнсьыд ёртъястӧ бырӧдӧма.

Еремей 22:22

Тэнсьыд войтыртӧ видзысьясӧс нӧбӧдас тӧвныр, тэнсьыд ёртъястӧ нуӧдасны пленӧ. Став тэнад лёк вӧчӧмысь тэнӧ лоӧ янӧдӧма да увтыртӧма.

Еремей 30:15

Мыйла тэ ойзан аслад дойыд вӧсна, бурдлытӧм висьӧмыд вӧсна? Тэ вывті уна лёксӧ вӧчин, тэнад мыжъясыд лыдтӧм-тшӧттӧмӧсь, та вӧсна Ме вӧчи тэныд тадзисӧ.

Еремей 32:29

Тайӧ карсӧ кытшалысь калдеяса тышкайӧз пырасны татчӧ. Найӧ сотасны карсӧ керкаяснас, кӧні вевт вылас тшынӧдчисны Ваал идоллы да вайисны вина вись мукӧд енъяслы, и тадзи дӧзмӧдісны Менӧ.

Еремей 32:30

Ӧд Израиль войтыр да Иуда войтыр том кадсяньыс вӧчисны сӧмын лёксӧ, вӧчисны Менам син водзын шогмытӧмсӧ. Израиль войтыр сӧмын дӧзмӧдіс Менӧ аслас уджъясӧн, – висьталӧ Господь. –

Еремей 32:34

Сійӧ керкаас, мый сиӧма Менам нимлы, найӧ сувтӧдісны ассьыныс зывӧк идолъяснысӧ да пежалісны тайӧ керкасӧ.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 38:22

став аньяссӧ, кодъяс колины иудаса ӧксылӧн керкаӧ, нуӧдасны вавилонса ӧксылӧн киподувса юралысьяс дінӧ. Тайӧ аньясыс шуасны иудаса ӧксы йылысь: – Тэнад ёртъясыд ылӧдлісны тэнӧ, найӧ вермисны тэнӧ. Кор тэнад кокыд вӧйис нюйт пытшкӧ, найӧ бергӧдісны тэлань мышнысӧ.

Еремей 4:30

А тэ, пазӧдӧм кар, мый вӧчан? Тэ пасьталан пемыдгӧрд паськӧм, мичмӧдан асьтӧ зарни мичмӧдчанторъясӧн, мавтан синдорыштӧ. Но весьшӧрӧ тэ мичмӧдан асьтӧ, ӧд тэнад мусукъясыд мустӧмтӧны тэнӧ, найӧ кӧсйӧны босьтны тэнсьыд олӧмтӧ.

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Еремей 5:5

Ме шуи, мый муна нималана йӧз дінӧ, понда сёрнитны накӧд, ӧд найӧ тӧдӧны Господьлысь туйсӧ, тӧдӧны асланыс Енлысь Индӧдсӧ. Но найӧ тшӧтш жугӧдісны сийӧснысӧ, орӧдісны кӧртӧднысӧ.

Еремей 5:6

Та вӧсна сук вӧрысь на вылӧ уськӧдчас лев, овтӧминса кӧин косявлас найӧс, леопард кыйӧдчӧ на бӧрся кар дорын, косявлас найӧс, кодъяс петасны карысь, ӧд налӧн мыжныс лыдтӧм-тшӧттӧм, найӧ унаысь эновтлісны Енсӧ.

Еремей 50:42

Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Вавилон ныв.

Еремей 6:23

Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Сион ныв.

Бӧрданкыв 1:19

Ме кори муса ёртъясӧс отсавны, но найӧ пӧрйӧдлісны менӧ. Попъяс да юрнуӧдысьяс корсьӧны кынӧмпӧт, медым ловйӧн кольны, но тшыгнысла найӧ кулӧны карас.

Бӧрданкыв 1:2

Войнас сійӧ ырзӧмӧн бӧрдӧ, синваыс чужӧмбанӧдыс тюрӧ. Сійӧс бурӧдысьыс абу, весиг на пӧвстын, кодъяслы сійӧ вӧлі муса. Ёртъясыс пӧрйӧдлісны сійӧс, кутісны мустӧмтны.

Бӧрданкыв 2:1

Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.

Езекиль 23:22

Та вӧсна Господь Ыджыдыс тадзи висьталӧ тэныд, Оголива: Ме кыпӧда тэныд паныд мусукъястӧ, кодъяс лоины тэныд зывӧкӧсь. Быдласянь Ме вайӧда найӧс, медым уськӧдчасны тэ вылӧ.

Езекиль 23:9

Та вӧсна Ме сеті сійӧс мусукъясыс киӧ, ассурсаяслы, кодъяс дінӧ сійӧ лёкколӧмнас ӧзъяліс.

Даниил 9:11

Ми, Израиль войтыр, торким Тэнсьыд Индӧдтӧ, бергӧдчим Тэысь да эгӧ кывзӧй Тэнӧ. Миянӧс суис ёрӧм да мыждӧм, мый йылысь гижӧма Ен кесйӧг Мӧисейлӧн Индӧдын, ӧд ми мыж вӧчим Тэныд паныд.

Даниил 9:13

Миянӧс суисны сійӧ сьӧкыдлунъясыс, мый йылысь висьталӧма Мӧисейлӧн Индӧдын, но ми эгӧ шыасьӧй Тэ дінӧ, Господьӧй, миян Енмӧй, эгӧ дугдӧй вӧчны мыжсӧ, эгӧ кутчысьӧй Тэнад збыляд.

Даниил 9:5

Ми мыж вӧчим да лёкнога олім. Ми лёксӧ вӧчим да кыпӧдчим Тэныд паныд, ми ӧтдортім Тэнсьыд индӧд-тшӧктӧмъястӧ.

Осий 2:5

Налӧн мамныс кырсаліс, найӧс чужтысьыс асьсӧ янӧдіс. Сійӧ шуліс: «Муна аслам мусукъяс бӧрся. Найӧ сетӧны меным сёян-юан, вурун да шабді, вый да вина».

Осий 5:14

Лев моз Ме уськӧдча Ефрем вылӧ, том лев моз чеччышта Иуда чужанкотыр вылӧ. Ме косявла найӧс, пышйӧда кыйдӧсӧс моз, и некод найӧс оз мезды.

Авдий 1:7

Тэкӧд йитӧд кӧрталысьяс вӧтласны тэнӧ аслад муысь, тэнад ёртъясыд пӧръяласны да вермасны тэнӧ, тэнсьыд няньтӧ найӧ пуктасны тэ водзӧ нальк пыдди. Но Исавсянь чужысьяс тайӧс оз гӧгӧрвоны.