Еремей 28:14 - Коми Библия 2023

¹⁴ Ӧд Господь Саваоф, Израильлӧн Ен, тадзи висьталӧ: тайӧ войтыръяслӧн сьылі вылӧ Ме ӧшӧда кӧрт сийӧс, медым найӧ кесъяласны вавилонса Навукодоносор ӧксылы. Весиг зверъясӧс Ме сета сылӧн киӧ».

Еремей 28:14 Iomraidhean Croise

Еремей 15:12

Коді вермас жугӧдны кӧрт, войвывсянь локтысь кӧрт да ыргӧн?

Еремей 27:4

Юӧр вайысьяслы тшӧкты висьтавны асланыс ыджыдъяслы, мый Господь Саваоф, Израильлӧн Ен, тадзи висьталӧ: юӧртӧй ыджыдъясныдлы,

Еремей 27:8

Но сійӧ войтырсӧ, коді оз кут кесъявны вавилонса Навукодоносор ӧксылы да оз лэдз аслас сьылі вылӧ пуктыны вавилонса ӧксылысь сийӧссӧ, Ме мыжда шыпуртӧн, тшыглунӧн да пӧрӧс висьӧмӧн, – висьталӧ Господь. – Сійӧ войтырсӧ Ме дзикӧдз бырӧда вавилонса ӧксы киӧн.

Еремей 40:4

Но талун ме мезда тэнӧ чепъясысь, мыйӧн дорӧма тэнсьыд китӧ. Кӧсъян кӧ мунны мекӧд Вавилонӧ, мунам. Сэні ме тӧждыся тэ вӧсна. Он кӧ кӧсйы, кольччы татчӧ. Видзӧд, муыс ставнас тэ водзын: кытчӧ кӧсъян, сэтчӧ и мун. Вӧч, кыдзи тэныд колӧ».

Бӧрданкыв 1:14

Господь Аслас киӧн кыис менам мыжъясысь сийӧс, ӧшӧдіс сійӧс меным сьыліӧ, тадзи уськӧдіс менӧ эбӧсысь. Господь сетіс менӧ вӧрӧг киӧ, сы водзын ме ог вермы сулавны.

Даниил 2:38

Енмыс сетіс тэнад кипод улӧ быдлаын олысь йӧзӧс, мувывса пемӧсъясӧс, енэжвыв лэбачьясӧс да сувтӧдіс тэнӧ на вылын ыджыдӧн. Зарни юрыс – тайӧ тэ.

Осий 10:11

Ефрем – велӧдӧм кукань, окотапырысь вартӧ. Ме Ачым пукті сийӧссӧ сылӧн вына сьылі вылӧ. Ефремӧс Ме доддяла, Иуда пондас гӧрны, Яков – агсасьны.

Индӧд 28:48

Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс.

Индӧд 4:20

А тіянӧс Господь [Ен] петкӧдіс Египетысь, биа пачысь, медым ті вӧлінныд Сылӧн войтырӧн, и тайӧ ӧніӧдз тадзи.