Еремей 28:13 - Коми Библия 2023

¹³ «Мун да шу Хананейлы, мый Господь тадзи висьталӧ: тэ жугӧдін пу сийӧс, но та пыдди тэ вӧчан кӧрт сийӧс.

Еремей 28:13 Iomraidhean Croise

2 Каднебӧг 10:11

Менам батьӧй пуктіс тіян вылӧ сьӧкыд сийӧс, но ме вӧча сійӧс сьӧкыдджыкӧн на. Менам батьӧй нӧйтліс тіянӧс орсӧн, но ме кута нӧйтны тіянӧс кӧрт пома орсӧн”».

Псалтыр 149:8

Найӧ мед кӧрталасны войтыръяслысь ӧксыяссӧ, мед дорасны чепъясӧн налысь юралысьяссӧ.

Исай 45:2

Ме муна тэ водзвывті да шыльӧда керӧсъяс, жугӧда ыргӧн ӧдзӧсъяс да чегъяла кӧрт тасъяс.

Еремей 27:15

Ме найӧс эг мӧдӧдлы, – висьталӧ Господь. – Найӧ Менам нимсянь юӧртӧны ылӧгсӧ. Кывзанныд кӧ найӧс, Ме вӧтла тіянӧс, и ті куланныд, куласны тшӧтш тіянлы пророкалысьяс».

Еремей 27:2

Господь меным тадзи висьталіс: «Вӧч кӧртӧдъяс да сийӧсъяс. Пукты сийӧссӧ аслыд сьылі вылад.

Бӧрданкыв 1:14

Господь Аслас киӧн кыис менам мыжъясысь сийӧс, ӧшӧдіс сійӧс меным сьыліӧ, тадзи уськӧдіс менӧ эбӧсысь. Господь сетіс менӧ вӧрӧг киӧ, сы водзын ме ог вермы сулавны.

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Езекиль 30:18

Тафнис карын луныс пемдас, кор сэні Ме жугӧда Египетлысь сийӧссӧ. Сэки бырас Египетлӧн выныс, мыйӧн сійӧ ошйысьӧ. Кымӧр вевттяс карсӧ, и сэтысь нывъяссӧ нуӧдасны пленӧ.

Индӧд 28:48

Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс.