Еремей 28:11 - Коми Библия 2023

¹¹ Став войтырыс дырйи Хананей шуис: «Господь тадзи висьталӧ: кык во мысти тадзи жӧ Ме жугӧда став войтыръяслӧн сьылі вылысь вавилонса Навукодоносор ӧксылысь сийӧссӧ». Сэсся Еремей пророк муніс аслас туйӧд.

Еремей 28:11 Iomraidhean Croise

Ӧксыяслӧн 3 небӧг 13:18

Пророк шуис: «Ме тэ кодь жӧ пророк. Меным андел вайис Господьсянь кыв. Тшӧктіс вайӧдны тэнӧ ме ордӧ, медым тэ сёйин-юин». Но тайӧ вӧлі пӧръялӧм.

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

2 Каднебӧг 18:10

Кенаанлӧн Седекей пиыс вӧчис аслыс кӧрт сюръяс да шуис: «Господь тадзи висьталӧ: ”Тайӧ сюръяснас тэ люкалан арамейясӧс да бырӧдан найӧс”».

Шусьӧгъяс 14:7

Ылыстчы вежӧртӧм морт дінысь, сылӧн тӧдӧмлуныс абу.

Еремей 14:14

Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

Еремей 23:17

Менӧ мустӧмтысьяслы найӧ пыр дольӧны, Господь пӧ висьталӧ, мый тіян век лоӧ лӧнь олӧм. Налы, кодъяс чорзьӧдӧмаӧсь ассьыныс сьӧлӧмнысӧ, тайӧ пророкъясыс шуӧны, шогыс пӧ оз су тіянӧс.

Еремей 28:15

Еремей пророк шуис Хананей пророклы: «Кывзы, Хананей! Господь тэнӧ эз мӧдӧдлы. Тэ ышӧдан тайӧ войтырсӧ лача кутны ылӧг вылӧ.

Еремей 29:9

Найӧ юӧртӧны тіянлы ылӧгсӧ Менам нимсянь, но Ме эг мӧдӧдлы найӧс, – висьталӧ Господь.

Езекиль 13:7

Найӧ аддзӧны абутӧмсӧ да юӧртӧны ылӧгсӧ. Найӧ шуӧны, Господь пӧ висьталӧ, а Ме эг висьтав.