Еремей 27:9 - Коми Библия 2023

⁹ Энӧ кывзӧй ассьыныд пророкъяснытӧ, туналысьяснытӧ, вӧтъяс висьталысьяснытӧ, кимӧститчысьяснытӧ да тшыкӧдчысьяснытӧ, кодъяс шуалӧны тіянлы, ті пӧ онӧ кутӧй кесъявны вавилонса ӧксылы.

Еремей 27:9 Iomraidhean Croise

Петӧм 22:18

Тунасьысь аньӧс ловйӧн эн коль.

Петӧм 7:11

Фараон корис египетса тӧдысьясӧс да тунъясӧс. Асланыс кимӧститчӧмӧн найӧ вӧчисны тадзи жӧ.

Шусьӧгъяс 19:27

Пиӧй, дугдан кӧ кывзыны велӧдӧмсӧ, тӧдӧмлунтӧгыд вошан.

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Еремей 14:14

Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

Еремей 23:16

Господь Саваоф тадзи висьталӧ: энӧ кывзӧй тайӧ пророкъяссӧ. Найӧ пӧрйӧдлӧны тіянӧс, висьталӧны тіянлы ассьыныс аддзылӧмъяс, а оз Господьсянь петкӧдчылӧмъяс.

Еремей 23:25

«Ме кывлі, мый висьталӧны пророкъяс, кодъяс Менам нимсянь юӧртӧны ылӧгсӧ. Найӧ шуалӧны, ме пӧ вӧтаси, ме пӧ вӧт аддзылі.

Еремей 23:32

Ме сувта сійӧ пророкъяслы паныд, кодъяс висьталӧны ылӧг вӧтъяс, – висьталӧ Господь. – Пӧръясьӧмӧн да ошйысян кывъясӧн найӧ кежӧдӧны Менсьым войтырӧс ылӧгас. Ме эг мӧдӧдлы найӧс, эг тшӧктывлы налы вӧчны тайӧс. Менам войтырлы найӧ бурсӧ оз вайны, – висьталӧ Господь.

Еремей 29:8

Господь Саваоф, Израильлӧн Ен, тадзи висьталӧ: энӧ лэдзӧй тіян пӧвстын олысь пророкъяслы да туналысьяслы ылӧдлыны тіянӧс, энӧ кывзӧй вӧт висьталысьясӧс.

Езекиль 21:29

Аммон войтырлы висьталӧны абутӧмсӧ да ылӧгсӧ. Вавилонса шыпурт суас найӧс, лёксӧ да пежсӧ вӧчысьясӧс, ӧд воис найӧс мыждан луныс, налӧн лёк уджъяслы воис пом.

Даниил 4:7

Вольпасьын куйлігӧн менам вӧлі татшӧм аддзылӧм: Му шӧрас сулаліс зэв джуджыд пу,

Микей 3:7

Яндзим лоӧ тӧдысь-аддзысьяслы, яналасны водзвыв висьталысьяс, найӧ ставныс тупкасны чужӧмнысӧ, ӧд Енсянь вочавидзӧмыс оз ло.

Закар 10:2

Гортса бӧлбанъяс висьталӧны нинӧм абусӧ, туналысьяс аддзӧны ылӧгторъяс, висьталӧны пӧръясяна вӧтъяс, ышӧдӧны нинӧм абунас. Та вӧсна войтырыс шӧйтӧ вошӧм ыж чукӧр моз, сьӧкыдалӧ видзысьтӧгыс.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Ап. уджъяс 8:11

Йӧзыс кывзісны сійӧс, ӧд дыр кад чӧж сійӧ шензьӧдіс найӧс тунасьӧмнас.

Ефесӧ 5:6

Некод мед оз ылӧдлы тіянӧс ковтӧм сёрниӧн, ӧд таысь кывзысьтӧмъясӧс суас Енлӧн скӧрлуныс.

Индӧд 13:2

мый сэсся збыльмас, и сійӧ ышӧдас тіянӧс мунны тӧдтӧм енъяс бӧрся да кесъявны налы,

Индӧд 18:14

Ті босьтанныд аслыныд мусӧ войтыръяслысь, кодъяс кывзӧны кимӧститчысьясӧс да тунасьысьясӧс. А тіянлы Господь, тіян Енныд, оз лэдз на моз вӧчны».

Нав Исус 13:22

Израиль пиян виисны тшӧтш Веорлысь Валаам писӧ, коді вӧлі тунасьысь.

Восьтӧм 18:23

Некор оз кут ӧзйыны тані би, некор оз кут кывны верӧспулӧн да гӧтырпулӧн гӧлӧс шыныс! Тэнад вузасьысьяс ыджыдалісны тайӧ му вылас, тшыкӧдчӧмӧн тэ кыскин войтыръясӧс ылӧгас.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 9:21

Найӧ эз бергӧдчыны морт виӧмысь, тшыкӧдчӧмысь, кырсалӧмысь да гусясьӧмысь.