Еремей 25:9 - Коми Библия 2023

⁹ Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 25:9 Iomraidhean Croise

Ӧксыяслӧн 4 небӧг 24:2

Господь мӧдӧдіс Ехоякимлы паныд калдея, арамей, моав да аммон тышкайӧзӧс, медым бырӧдны Иуда му, кыдзи висьталіс Господь Сылы кесъялысь пророкъяс пыр.

2 Каднебӧг 29:8

Та вӧсна Господь скӧрмис Иуда да Ерусалим вылӧ, вӧчис найӧс мукӧдлы повзьӧданторйӧн, сетіс найӧс сералӧм да янӧдӧм вылӧ, мый ті асьныд аддзанныд.

2 Каднебӧг 36:21

Тадзи иніс Господьлӧн шуӧмыс, мый Еремей висьтавліс, муыс пӧ лоӧ овтӧминӧн сизимдас во чӧж, сійӧ кутас шойччыны сійӧ кад чӧжыс, мыйта кад сылы шойччӧгсӧ эз сетлыны.

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Исай 10:5

Курыд шог Ассурлы, Менам скӧралан бедьлы. Сы киын орсыс – Менам лӧглунӧй.

Исай 13:3

Ме тшӧкті Аслам вежаяслы чукӧртчыны, Ме чукӧсті Ассьым вына йӧзӧс, Менам вынӧн нимкодясьысьясӧс, медым найӧ збыльмӧдісны Менсьым скӧрлунӧс.

Исай 39:7

Тэсянь чужысьясӧс нуӧдасны вавилонса ӧксы керкаӧ, и налы ковмас кесъявны сэні евнукъясӧн».

Исай 44:28

Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Еремей 1:14

Господь шуис меным: «Тайӧ муас олысьяс вылӧ шогыс воас войвывсянь.

Еремей 1:15

Ме чукӧста войвылын олысь войтыръясӧс, – висьталӧ Господь. – Найӧ локтасны да ассьыныс юралан пуклӧснысӧ сувтӧдасны Ерусалим карлӧн дзиръя дорӧ да карса стенъяс гӧгӧр, тшӧтш Иуда му пасьтала быд карӧ.

Еремей 10:22

Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.

Еремей 18:16

Ассьыныс мусӧ найӧ вӧчисны овтӧминӧн, сійӧ пыр кежлӧ лои повзьӧдчанторйӧн. Сы дорті мунысьяс пондасны юрнас довкйӧдлыны, найӧс полӧм босьтас.

Еремей 2:15

Том левъяс эргӧны сы вылӧ, кылӧ налӧн равзӧм шыыс. Израиль мусӧ найӧ вӧчисны овтӧминӧн, сылысь каръяссӧ пазӧдісны, сэні эз коль олысьыс.

Еремей 20:4

Ӧд Господь тадзи висьталӧ: ”Ме вӧча тэнӧ повзьӧдчанторйӧн аслыд и став тэнад ёртъясыдлы. Тэнад син водзын найӧ усясны вӧрӧглӧн шыпуртысь. Иуда войтырӧс Ме сета вавилонса ӧксы киӧ. Ӧтиясӧс сійӧ нуӧдас Вавилонӧ, а мӧдъясӧс виас шыпуртӧн.

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 25:8

Та вӧсна Господь Саваоф тадзи висьталӧ: сыысь, мый ті энӧ кывзӧй Менсьым кывъясӧс,

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 35:11

Кор вавилонса Навукодоносор ӧксы уськӧдчис тайӧ муыс вылӧ, ми шуим пышйыны калдеяса да арамса тышкайӧзысь Ерусалимӧ, и ӧніӧдз ми олам тані».

Еремей 36:2

«Босьт гижӧд тубрас да гиж сэтчӧ ставсӧ, мый Ме висьтавлі тэныд Израиль войтыр йылысь, Иуда войтыр йылысь да став войтыръяс йылысь сійӧ лунсяньыс, кор Ме шыасьлі тэ дінӧ Иосейлӧн веськӧдлан кадӧ да ӧніӧдз.

Еремей 36:29

А иудаса Ехояким ӧксылы висьтав, мый Господь тадзи висьталӧ: тэ сотін гижӧд тубрассӧ да юалін Еремейлысь, мыйла сійӧ гижӧма, мый локтас вавилонса ӧксы да пазӧдас тайӧ мусӧ, бырӧдас тайӧ муас олысь йӧзсӧ да ыж-мӧссӧ.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Еремей 40:2

Ӧксыӧс видзысьяслӧн юралысь корис Еремейӧс да шуис сылы: «Господь, тэнад Енмыд, шуис мӧдӧдны шог тайӧ муыс вылӧ.

Еремей 43:10

Шу налы, мый Господь Саваоф, Израильлӧн Ен, тадзи висьталӧ: Ме вайӧда татчӧ Ассьым кесйӧгӧс, вавилонса Навукодоносор ӧксыӧс. Сылысь юралан пуклӧссӧ Ме сувтӧда тайӧ дзебӧм изъясыс вылӧ. На весьтӧ сійӧ шевкнитас ассьыс ӧксыалан дӧрачомсӧ.

Еремей 46:20

Египет – мичасьыс-мича кукань, войвывсянь лэбзьӧ сыланьӧ лӧдз чукӧр.

Еремей 49:19

Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла эдомсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

Еремей 8:16

Дан чужанкотырлӧн мусянь кылӧ вӧвъяслӧн корскӧмыс, ужъяслӧн гӧрдлӧмысь муыс тіралӧ. Вӧрӧг локтіс бырӧдны тайӧ мусӧ да ставсӧ, мый тані быдмӧ, сійӧ бырӧдӧ Ерусалим кар да сэні олысьясӧс.

Езекиль 12:20

Олан каръясныс киссясны, муныс овтӧммас. Сэки ті тӧдмаланныд, мый Ме – Господь».

Езекиль 16:40

Найӧ кыпӧдасны тэныд паныд йӧзӧс, кодъяс изъяласны да кераласны тэнӧ шыпуртӧн.

Езекиль 21:11

Шыпуртсӧ сетӧма, медым весавны сійӧс да киӧ босьтны. Сійӧс лэчтӧма-весалӧма, медым морт виысьлы кабырас пуктыны.

Езекиль 26:7

Господь Ыджыдыс тадзи висьталӧ: Ме вайӧда Тир вылӧ вавилонса Навукодоносор ӧксыӧс, ӧксыяслысь ӧксыӧс. Сійӧ локтас войвывсянь вӧвъясӧн, тарантасъясӧн да верзьӧмаясӧн – ыджыдсьыс-ыджыд тышкайӧзӧн.

Езекиль 36:5

Господь Ыджыдыс тадзи висьталӧ: Аслам ыпъялан скӧрлунӧн Ме сёрнита Эдом войтырлы паныд да мукӧд войтыръяслы паныд. Менсьым муӧс найӧ босьтісны аслыныс, лӧгпырысь нимкодясьӧмӧн да мустӧмтӧмӧн куштісны сійӧс.

Даниил 5:18

Ӧксыӧй, Медвылысса Ен сетіс тэнад Навукодоносор батьлы юралӧм, ыджыдалан вын да ошкӧм-нимӧдӧм.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Аввакум 1:17

Дугдывтӧг ӧмӧй сійӧ кутас тывъявны, жалиттӧг бырӧдны войтыръясӧс?

Индӧд 28:37

Став войтыръяс, кодъяс пӧвстӧ Господь [Ен] вӧтлас тіянӧс, повзясны сыысь, мый лоӧ тіянкӧд. Найӧ лӧсьӧдласны тіян йылысь шусьӧгъяс, серамвыв лэптасны тіянӧс.