Еремей 25:3 - Коми Библия 2023

³ «Иудаса Иосей ӧксылӧн, Амон пилӧн, дас коймӧд веськӧдлан восянь да ӧніӧдз, кызь куим во чӧж меным вӧлі Господьсянь кыв. Выльысь и выльысь ме висьтавлі тіянлы, но ті энӧ кывзӧй.

Еремей 25:3 Iomraidhean Croise

Олӧм 22:3

Ӧвраам чеччис водз, босьтіс осёлсӧ, кык кесйӧгӧс да Исаак писӧ. Сэсся поткӧдліс пес, медым вайны сотан вись, да мӧдӧдчис сэтчӧ, кытчӧ тшӧктіс сылы Ен.

Ӧксыяслӧн 3 небӧг 22:3

Израильса ӧксы шуис аслас кесйӧгъяслы: «Ті ӧд тӧданныд, мый галаадса Рамот кар – миян. Мый нӧ ми сы дыра чӧв олам да огӧ босьтӧй сійӧс арамейяслӧн ӧксылысь».

Ӧксыяслӧн 4 небӧг 17:13

Быд пророк да тӧдысь-аддзысь пыр Господь ӧлӧдліс Израильӧс да Иудаӧс: «Бергӧдчӧй асланыд лёк туйясысь. Олӧй Менам индӧд-тшӧктӧмъяс серти, мый Ме тшӧкті тіян батьяслы да висьтавлі тіянлы пророкъяс пыр, кодъяс кесъялісны Меным».

2 Каднебӧг 24:19

Господь мӧдӧдліс на дінӧ пророкъясӧс, медым бергӧдны найӧс Ас дінас. Пророкъяс ӧлӧдлісны найӧс, но найӧ эз кывзыны.

2 Каднебӧг 34:1

Ӧксыӧ пуксигас Иосейлы вӧлі кӧкъямыс арӧс. Комын ӧти во чӧж сійӧ юраліс Ерусалимын.

2 Каднебӧг 34:3

Аслас кӧкъямысӧд ӧксыалан воӧ, кор сійӧ вӧлі дзик на том, сійӧ кутіс корсьны аслас Давид пӧльлысь Енсӧ. А дас кыкӧд веськӧдлан воӧ сійӧ пондіс сӧстӧммӧдны Иуда му да Ерусалим кар. Сійӧ бырӧдіс вись ваян мылькъяс, юрбитан пуяс, идолъясӧс да бӧлбанъясӧс.

2 Каднебӧг 34:8

Аслас дас кӧкъямысӧд ӧксыалан воӧ, мусӧ да Енлысь крамсӧ сӧстӧммӧдӧм бӧрын, Иосей мӧдӧдіс Ацалийлысь Шафан писӧ, Маасей нима карса юралысьӧс да вӧвлӧмторъяс пасъялысь Йоахӧс, Иохазлысь писӧ, медым найӧ дзоньталісны Господь Енлысь крамсӧ.

2 Каднебӧг 36:15

Господь, налӧн батьяслӧн Ен, выльысь и выльысь мӧдӧдліс на дінӧ юӧртысьясӧс, ӧд Сійӧ жалитіс Ассьыс войтырсӧ да Ассьыс оланінсӧ.

Петӧм 8:20

Господь шуис Мӧисейлы: «Аски чеччы водз да мун ю дорӧ. Сэні фараонкӧд паныдасигӧн шу сылы, мый Господь тадзи висьталӧ: лэдз Менсьым войтырӧс, медым [овтӧминын] найӧ юрбитасны Меным.

Исай 55:2

Мыйла ті сьӧм мынтанныд сыысь, мый абу сёян? Мыйла ті удждоннытӧ сетанныд сыысь, мый оз пӧткӧд? Сюся кывзӧй Менӧ да пӧткӧдчӧй бурнас, сэки тіян ловныд пондас нимкодясьны.

Еремей 1:2

Иудаса Иосей ӧксылӧн, Амон пилӧн, дас коймӧд веськӧдлан воӧ Еремейлы вӧлі Господьсянь кыв.

Еремей 11:7

Сійӧ лунсяньыс, кор Ме петкӧді тіянлысь батьяснытӧ Египетысь, Ме тшӧкті налы кывзыны Менӧ. Ӧнія лунӧдз Ме выльысь и выльысь тадзи жӧ вӧча.

Еремей 19:15

«Господь Саваоф, Израильлӧн Ен, тадзи висьталӧ: тайӧ карыс вылӧ да став иудаса каръяс вылӧ Ме Аслам шуӧм серти мӧдӧда шог, ӧд тайӧ каръясас олысьясыс асныралӧны, оз кывзыны Менсьым кывъясӧс».

Еремей 22:21

Бур кадӧ Ме ӧлӧдлі тэнӧ, но тэ шулін, ог пӧ кывзы. Томдырсяньыд тэ тадзи вӧчин, эн кывзы Менӧ.

Еремей 25:4

Господь выльысь и выльысь мӧдӧдліс тіян дінӧ Ассьыс кесйӧгъяссӧ, пророкъясӧс, но ті энӧ кывзӧй да энӧ сибӧдӧй налысь кывъяссӧ.

Еремей 26:5

да онӧ кутӧй кывзыны Меным кесъялысь пророкъяслысь кывъяссӧ, сэки тайӧ крамыскӧд Ме вӧча Силом каркӧд моз, а тайӧ карыслысь нимсӧ Ме вӧча ёран кывйӧн мувывса войтыръяслы. Ӧд Ме выльысь и выльысь ыстылі пророкъясӧс тіян дінӧ, но ті энӧ кывзӧй найӧс».

Еремей 29:19

Ӧд найӧ эз кывзыны Менсьым кывъясӧс, – висьталӧ Господь. – Ме выльысь и выльысь ыстылі на дінӧ Меным кесъялысь пророкъясӧс, медым найӧ висьталісны Менсьым кывйӧс. Ті тадзи жӧ энӧ кывзӧй, – висьталӧ Господь.

Еремей 32:33

Найӧ бергӧдісны Меланьӧ мышнысӧ, а эз чужӧмнысӧ. Ме выльысь и выльысь велӧдлі найӧс, но найӧ эз кывзыны, эз сибӧдны Менсьым туйдӧдӧмӧс.

Еремей 35:14

Рекавлӧн Ионадав пиыс аслас пиянлы эз лэдз юны вина, и найӧ ӧнӧдз оз юны вина. Найӧ кывзысьӧны асланыс батьныслысь, олӧны сылӧн кывъясыс серти. А Ме выльысь и выльысь ӧлӧдлі тіянӧс, но ті энӧ кывзысьӧй Менсьым.

Еремей 35:15

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы: бергӧдчӧй асланыд лёк туй вылысь, вӧчӧй бурсӧ, энӧ юрбитӧй мукӧд енъяслы да энӧ кесъялӧй налы, сэки ті кутанныд овны сійӧ муас, мый Ме сеті тіянлы да тіян батьяслы. Но ті энӧ сибӧдӧй Менсьым кывъясӧс, энӧ кывзӧй Менӧ.

Еремей 36:1

Иудаса Ехояким ӧксылӧн, Иосей пилӧн, нёльӧд веськӧдлан воӧ Еремейлы вӧлі Господьсянь кыв:

Еремей 36:2

«Босьт гижӧд тубрас да гиж сэтчӧ ставсӧ, мый Ме висьтавлі тэныд Израиль войтыр йылысь, Иуда войтыр йылысь да став войтыръяс йылысь сійӧ лунсяньыс, кор Ме шыасьлі тэ дінӧ Иосейлӧн веськӧдлан кадӧ да ӧніӧдз.

Еремей 44:4

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы, мед ті энӧ вӧчӧй татшӧм пежсӧ, ӧд Ме мустӧмта татшӧмторсӧ.

Еремей 7:13

Ті на моз жӧ вӧчанныд пежсӧ, – висьталӧ Господь. – Ме дугдывтӧг висьталі тіянлы, но ті энӧ кывзӧй, Ме чуксалі тіянӧс, но ті энӧ вочавидзӧй.

Еремей 7:25

Сійӧ лунсяньыс, кор тіян батьясныд петісны Египетысь, да ӧніӧдз Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс.

Езекиль 33:4

Но быдӧн, коді кылас буксан шы, а асьсӧ оз видз, ачыс лоӧ мыжа аслас кулӧмысь, кор вӧрӧг локтас виавны.

Закар 1:4

Энӧ лоӧй батьясныд кодьӧсь, кодъяс дінӧ водзынджык шыасьлісны пророкъяс. Найӧ юӧртлісны: ”Господь Саваоф тадзи висьталӧ: бергӧдчӧй асланыд лёк туй вылысь да эновтчӧй пеж уджъяссьыныд”. Но тіян батьясныд эз кывзыны Менӧ да эз сибӧдны Менсьым кывъясӧс, – висьталӧ Господь. –

Марк 1:35

Аскинас, югдытӧдзыс на, Исус чеччис да муніс кевмысьны овтӧминӧ.

Иоан 8:2

Асывводзнас Сійӧ бара локтіс крамӧ. Сы гӧгӧр чукӧртчис уна йӧз. Исус пуксис да кутіс велӧдны найӧс.

Иоан 8:47

Коді Енсянь, сійӧ кывзӧ Енлысь кывъяссӧ. А ті онӧ кывзӧй, ӧд ті абу Енсянь».

2 Тимофейлы 4:2

ло дась висьтавны Енлысь кывсӧ лӧсялан и лӧсявтӧм кадӧ. Бур велӧдысь моз терпитӧмӧн янӧд, ӧлӧд да туйдӧд.