Еремей 25:27 - Коми Библия 2023

²⁷ Господь висьталіс меным: «Юӧрт ставныслы, мый Господь Саваоф, Израильлӧн Ен, тадзи висьталӧ: юӧй коддзытӧдзныд, восмӧнныд, да усьӧй кок йывсьыныд. Сэки ті онӧ нин чеччӧй, ӧд Ме мӧдӧда тіян вылӧ шыпуртӧс.

Еремей 25:27 Iomraidhean Croise

Исай 51:21

Тэ, коді коддзӧмыд, но абу винаысь, коньӧр войтырӧй, кывзы тайӧс.

Исай 63:6

Ме талялі войтыръясӧс Аслам скӧралігӧн, пазӧді найӧс Аслам лӧгалігӧн, кисьті му вылӧ налысь вирсӧ.

Еремей 12:12

Овтӧминса керӧсъяс вывті локтісны бырӧдысьяс. Господьлӧн шыпуртыс бырӧдӧ мусӧ помсяньыс помӧдзыс, некод оз мездмы сыысь.

Еремей 13:13

Сэки тэ шу налы, мый Господь тадзи висьталӧ: тайӧ муас став олысьсӧ, Давидлӧн юралан пуклӧсын пукалысь ӧксыясӧс, тшӧтш попъясӧс, пророкъясӧс да Ерусалимын став олысьсӧ Ме юктӧда коддзытӧдзныс.

Еремей 22:10

– Энӧ бӧрдӧй кулӧма вӧсна, энӧ жалитӧй сійӧс, но курыда бӧрдӧй пленӧ нуӧдӧма вӧсна, сійӧ ӧд бӧрсӧ оз нин бергӧдчы, ассьыс чужан мусӧ оз нин аддзыв.

Еремей 25:16

Найӧ юасны да пондасны шатлавны, найӧ повзясны шыпуртысь, кодӧс Ме мӧдӧда на вылӧ, да повзьӧмнысла садьсӧ воштасны».

Еремей 46:10

Тайӧ луныс – Господьлӧн лун, Господь Саваофлӧн водзӧс перъян лун. Сійӧ мынтысяс Аслас вӧрӧглы, Сылӧн шыпуртыс пондас виавны – пӧттӧдзыс юас налысь вирсӧ. Ӧд войвыв муын, Ефрат ю дорын, тайӧ вир кисьтӧмыс лоӧ вись вайӧм Ыджыдыслы, Господь Саваофлы.

Еремей 46:14

– Висьталӧй Египетын, юӧртӧй Мигдолын, Мемфисын и Тафнисын, тшӧктӧй египетсаяслы чеччыны да дасьтысьны, ӧд шыпурт бырӧдӧ на гӧгӧрысь ставсӧ.

Еремей 50:35

Калдея войтыр весьтӧ кыпӧдӧма шыпурт, – висьталӧ Господь, – кыпӧдӧма шыпурт Вавилонын олысьяс весьтӧ, налӧн юралысьяс да тӧдысьяс весьтӧ.

Еремей 51:39

Кор найӧ пузясны, Ме дасьта налы гажӧдчӧм, юктӧда найӧс коддзытӧдзныс, медым найӧ нимкодясисны, сэсся пыр кежлӧ унмовсисны, и эз нин садьмыны, – висьталӧ Господь.

Еремей 51:57

– Ме коддзытӧдзныс юктӧда вавилонса юралысьясӧс, тӧдысьясӧс, ыджыдалысьясӧс да тышкайӧзӧс. Найӧ унмовсясны пыр кежлӧ да оз садьмыны, – висьталӧ Ӧксы, кодлӧн нимыс Господь Саваоф.

Бӧрданкыв 4:21

Нимкодясь да гажӧдчы, Уц муын олысь эдом войтыр! Тэ кутан юны Енлӧн скӧрлуна дозйысь, коддзымӧныд юан да пасьтӧгыд пӧрччысян.

Амос 8:14

кодъяс кыв сетӧны Самарияӧс мыжӧ вайӧдысь идол водзын, кыв сетӧны Данлӧн ен водзын, кӧсйысьӧны Бер-Шеваӧ мунан туйӧн – та вӧсна найӧ усясны да бӧрсӧ оз чеччыны.

Наум 3:11

Тэ тшӧтш коддзытӧдзыд юан тайӧ чашасӧ, тэ тшӧтш пондан корсьны вӧрӧгысь дорйӧм.

Аввакум 2:16

Тэ пӧтмӧныд яналан, ошкӧмыс тэныд оз ло. Ӧні ю – мед пасьтӧгыд тэнӧ аддзасны. Господь кисьтас Ассьыс скӧрлуна дозсӧ тэ вылӧ, нималӧм пыдди тэныд лоӧ яналӧм.

Индӧд 32:42

Ньӧвъясӧс вирӧн юктӧда, виӧмаяслӧн да пленӧ босьтӧмаяслӧн вирнас. Шыпуртӧй яй ньылыштас, сёяс вӧрӧг юралысьяслысь юрнысӧ.

Восьтӧм 14:10

сійӧ кутас юны Ен скӧрлуна вина, соравтӧм вина, кодӧс сулӧдӧма Ен скӧрлуна дозйын. Сійӧ кутас мучитчыны биын да сотчысь тэгйын вежа анделъяс водзын да Баля водзын.