Еремей 23:24 - Коми Библия 2023

²⁴ Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Еремей 23:24 Iomraidhean Croise

Олӧм 16:13

Агар шуис сыкӧд сёрнитысь Господьлы: «Тэ – Эл-Рои, менӧ аддзысь Ен», ӧд мӧвпыштіс, аслам синмӧн пӧ збыльысь аддзылі Сійӧс, коді аддзӧ менӧ.

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

2 Каднебӧг 2:6

Но коді вермас лэптыны Сылы керка, весиг кӧ енэжыс да енэжвывса енэжъясыс оз вермыны тӧрӧдны Сійӧс? Коді ме сэтшӧмыс, медым лэптыны Сылы керка? Ме верма сӧмын вись сотӧм могысь лэптыны Сылы керка.

2 Каднебӧг 6:18

Збыльысь, му вылын-ӧ Енмыслы овны йӧзыскӧд? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті, оз вермы тӧрӧдны Тэнӧ.

Иов 34:21

Енмыс видзӧдӧ мортлӧн туй бӧрся, аддзӧ сылысь быд воськов.

Иов 34:22

Абу сэтшӧм пемыдыс, весиг сэтшӧм сап пемыдыс, кытчӧ эськӧ вермисны дзебсьыны мыж вӧчысьяс.

Псалтыр 139:7

Ме шуи Господьлы: «Тэ – менам Ен. Господьӧй, кыв менсьым кевмӧмӧс».

Псалтыр 139:8

Господьӧй Ыджыдӧй, Тэ – менам вына Мездысьӧй, Тэ вевттян менсьым юрӧс тыш дырйи.

Псалтыр 148:13

Ставныс мед ошкасны Господьлысь нимсӧ, ӧд Сылӧн нимыс ставсьыныс медвылын, Сылӧн дзирдлуныс петкӧдчӧ му вылын и енэжын.

Псалтыр 90:8

Тэ сӧмын кутан видзӧдны, аслад синнад аддзан лёк вӧчысьяслысь водзӧс перйӧмсӧ.

Шусьӧгъяс 15:3

Господьлӧн синмыс ставсӧ аддзӧ, лёк йӧзӧс и бур йӧзӧс.

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Еремей 16:17

Ӧд найӧ оз вермыны дзебсьыны Меысь, Менам синмӧй аддзӧ налысь туйяссӧ, и налӧн лёк вӧчӧмъясыс пыр Менам син водзынӧсь.

Еремей 32:19

Тэнад шуӧмъясыд мывкыдӧсь, Тэнад уджъясыд вынаӧсь, Тэ аддзан мортлысь туйяссӧ, быдӧнлы мынтысян сылӧн туйясыс серти, сылӧн уджъяслӧн вотӧсыс серти.

Еремей 49:10

Но Ме дзикӧдз кушта тіянӧс, Исавсянь чужысьяс, восьта гусяинъяснытӧ, и ті онӧ вермӧй дзебсьыны. Челядьнытӧ да рӧдвужнытӧ лоӧ бырӧдӧма, весиг орччӧн олысьыс оз ло.

Езекиль 8:12

Господь шуис меным: «Морт пиӧй, аддзан-ӧ, мый Израильлӧн юрнуӧдысьясыс вӧчӧны асланыс пемыд жыръясын, кӧні серпасалӧма идолъясӧс? Найӧ шуӧны, Господь пӧ оз аддзы миянӧс, Сійӧ пӧ эновтӧма тайӧ мусӧ».

Езекиль 9:9

Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.

Даниил 2:22

Сійӧ восьтӧ пыдӧ дзебӧмасӧ да гусяторсӧ, тӧдӧ, мый дзебӧма пемыдас, и югыдыс олӧ Сыкӧд.

Ефесӧ 1:23

Вичкоыс – Кристослӧн вир-яйыс да Сылӧн тырвыйӧлуныс, Сійӧ тыртӧ Аснас ставсӧ.

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.