Еремей 23:22 - Коми Библия 2023

²² Найӧ кӧ вӧліны Ме дінын, кор Ме туйдӧді пророкъясӧс, найӧ эськӧ Менам войтырлы висьталісны Менсьым кывъясӧс, бергӧдісны эськӧ найӧс лёк туйсьыныс да лёк уджъяссьыныс.

Еремей 23:22 Iomraidhean Croise

Еремей 23:14

Но ӧні Ме аддза, мый ерусалимса пророкъяс нӧшта на зывӧкджыка вӧчӧны: пежалӧны гозъякост олӧм, олӧны ылӧгас, ыззьӧдӧны йӧзсӧ лёк вылӧ, оз кежӧдны найӧс лёк вӧчӧмысь. Ме водзын тайӧ пророкъясыс Содом карын олысьяс кодьӧсь, а Ерусалимын олысьяс Гомора карын олысьяс кодьӧсь.

Еремей 23:18

– Кор Господь туйдӧдіс Ассьыс пророкъяссӧ, коді тайӧ пророкъясысь вӧлі сэні? Коді тайӧ пророкъясысь аддзыліс, коді кывліс Сылысь кывсӧ, коді сюся кывзіс Сійӧс?

Еремей 25:5

Найӧ шулісны тіянлы: ”Бергӧдчӧй асланыд лёк туй вылысь, эновтчӧй лёк уджъяссьыныд да олӧй тайӧ муас, мый Господь сетіс тіянлы да тіян батьяслы нэмъяс кежлӧ.

Еремей 35:15

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы: бергӧдчӧй асланыд лёк туй вылысь, вӧчӧй бурсӧ, энӧ юрбитӧй мукӧд енъяслы да энӧ кесъялӧй налы, сэки ті кутанныд овны сійӧ муас, мый Ме сеті тіянлы да тіян батьяслы. Но ті энӧ сибӧдӧй Менсьым кывъясӧс, энӧ кывзӧй Менӧ.

Еремей 36:3

Гашкӧ, Иуда чужанкотыр кылас, кутшӧм шог Ме шуи мӧдӧдны налы, да бергӧдчас аслас лёк туй вылысь. Сэки Ме прӧстита налысь лёк вӧчӧмнысӧ да мыжнысӧ».

Еремей 9:12

Мыйла тайӧ мусӧ сотӧма-бырӧдӧма? Мыйла сійӧ лои овтӧминӧн, кӧні некод оз ветлы? Эм-ӧ сэтшӧм мывкыд мортыс, коді эськӧ вермис гӧгӧрвоны тайӧс? Кодлы Господь висьталіс та йылысь, медым сійӧ вермис гӧгӧрвоӧдны мукӧдлы?

Езекиль 13:22

Ылӧдлӧмнаныд ті шогӧдінныд веськыда олысьясӧс, кодъясӧс Ме эг кӧсйы шогӧдны. Ті ышӧданныд-ёнмӧданныд лёк вӧчысьясӧс, и найӧ оз бергӧдчыны лёк туйсьыныс, медым ловйӧн кольны.

Езекиль 13:5

Найӧ эз кыпӧдчывны дзоньтавны стенлысь киссьӧминсӧ, медым Господьлӧн лунӧ тыш дырйи Израиль войтыр гӧгӧр стенмыс зумыда сулаліс.

Езекиль 18:30

Израиль войтыр, Ме кута мыждыны тіянӧс олан туйныд серти, – висьталӧ Господь Ыджыдыс. – Бергӧдчӧй мыжъяссьыныд, медым энӧ крукасьӧй мыжныд понда.

Езекиль 2:7

Кывзас-ӧ тэнӧ тайӧ асныра войтырыс либӧ оз, висьтав налы Менсьым кывъясӧс.

Езекиль 3:17

«Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Закар 1:4

Энӧ лоӧй батьясныд кодьӧсь, кодъяс дінӧ водзынджык шыасьлісны пророкъяс. Найӧ юӧртлісны: ”Господь Саваоф тадзи висьталӧ: бергӧдчӧй асланыд лёк туй вылысь да эновтчӧй пеж уджъяссьыныд”. Но тіян батьясныд эз кывзыны Менӧ да эз сибӧдны Менсьым кывъясӧс, – висьталӧ Господь. –

Малакий 2:6

Найӧ велӧдісны збыляс, налӧн вомысь эз петавлы ылӧгыс. Найӧ олісны Ме водзын веськыда да кывзысьӧмӧн, унаӧс найӧ бергӧдісны мыж вӧчӧмысь.

Ап. уджъяс 20:27

ме ӧд ланьтлытӧг висьтавлі тіянлы Енлысь став кӧсйӧмсӧ.

1 Фессалоникаӧ 5:6

Сідзкӧ, мукӧдыс моз огӧ кутӧй узьны. Садьмӧдчам да кутам овны садь вежӧрӧн.