Еремей 23:20 - Коми Библия 2023

²⁰ Господьлӧн скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті тырвыйӧ гӧгӧрвоанныд тайӧс.

Еремей 23:20 Iomraidhean Croise

Олӧм 49:1

Яков корис ассьыс пиянсӧ да шуис: – Чукӧртчӧй, ме висьтала, мый виччысьӧ тіянӧс быдӧнӧс.

Ӧксыяслӧн 3 небӧг 8:47

и сэні кӧ найӧ сьӧлӧмсяньныс бергӧдчасны да Тэ водзын кевмысьӧмӧн висьтасясны, ми пӧ мыжмим, лёксӧ да мыжсӧ вӧчим,

Ӧксыяслӧн 4 небӧг 23:26

Но Господь эз кусӧд Ассьыс ыджыд скӧрлунсӧ. Господьлӧн скӧрлуныс ыпъяліс Иуда вылӧ, ӧд Манассей ёна дӧзмӧдіс Сійӧс.

Ӧксыяслӧн 4 небӧг 23:27

Господь шуис: «Израильӧс моз Ме ӧтдорта Иуда войтырӧс. Ме эновта Ерусалим кар, мый Ме бӧрйи, и крам, мый йылысь Ме шулі, мый сэні лоас Менам нимӧй».

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

Исай 14:24

Господь Саваоф кыв сетӧмӧн шуис: – Ставыс лоӧ сідзи, кыдзи Ме мӧвпышті. Менам шуӧмӧй збыльмас.

Исай 55:11

Тадзи жӧ Менам кывйӧй, мый петӧ Менам вомысь, оз бергӧдчы Ме дінӧ кушӧн, а вӧчӧ Менам кӧсйӧм серти, вӧчӧ ставсӧ, мый могысь Ме мӧдӧді сійӧс.

Еремей 30:24

Господьлӧн яр скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті гӧгӧрвоанныд тайӧс.

Еремей 4:28

Муыс пондас бӧрдны, выліын енэжыс пемдас. Ме шуи тадзи, и ог веж Ассьым кывйӧс.

Еремей 51:12

Вавилонса стенъяслы паныд кыпӧдӧй дӧрапас, сувтӧдӧй видзӧдысьясӧс, мӧдӧдӧй кыйӧдчысьясӧс. Господь мый мӧвпыштіс, сійӧс и вӧчас. Мый шуис вӧчны вавилонса олысьяслы, сійӧс и збыльмӧдас.

Езекиль 21:10

Лэчтӧма, медым унаӧс начкыны-керавны, весалӧма, медым сійӧ чардби моз югъялас. Нимкодясьны-ӧ, мый Менам пилӧн юралан беддьыс мустӧмтӧ мукӧд юралан бедьяс?

Езекиль 21:5

Сэки быдӧн тӧдмалас, мый Ме, Господь, перйи Ассьым шыпуртӧс да пуртӧсас сійӧс бӧрсӧ ог сюй.

Закар 1:6

Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».

Индӧд 4:30

Шогыс да сьӧкыдалӧмыс суӧм бӧрын ті бӧр бергӧдчанныд Господь Енныд дінӧ да кутанныд кывзысьны Сылысь.