Еремей 23:11 - Коми Библия 2023

¹¹ – Пророкъяс да попъяс пежасьӧмаӧсь, весиг Аслам керкаын Ме аддза налысь лёк вӧчӧмсӧ, – висьталӧ Господь. –

Еремей 23:11 Iomraidhean Croise

2 Каднебӧг 33:5

Господьлӧн крам кыкнан йӧрас Манассей сувтӧдіс енэжвыв вынъяслы висьпуктанінъяс.

2 Каднебӧг 33:7

Манассей вӧчӧдіс бӧлбанӧс да сувтӧдіс сійӧс Енлӧн крамӧ, мый йылысь Ен шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

2 Каднебӧг 36:14

Попъяслӧн да войтырлӧн юралысьясыс тшӧтш эновтісны Господьӧс. Мукӧд войтыр моз найӧ вӧчисны пежсӧ да пежалісны Господьлысь крамсӧ, мый Сійӧ вежӧдіс Ерусалимын.

Ездра 10:18

Мукӧд войтырысь гӧтыръясӧс вӧлі босьтӧмаӧсь тшӧтш тайӧ попъясыс: Иоседек Исуслӧн да сылӧн вокъяс рӧдысь Маасей, Элизер, Ярив да Гедалий.

Еремей 11:15

– Мый вӧчӧ Менам муса войтырӧй Менам керкаын? Найӧ уна лёктор вӧчӧны сэні. Вись пыдди вайӧм яй оз вешты налысь мыжсӧ, медым шогсьӧм пыдди найӧ вермисны нимкодясьны.

Еремей 23:15

Господь Саваоф ерусалимса пророкъяс йылысь тадзи висьталӧ: Ме верда найӧс курыд быдмӧгӧн, юктӧда найӧс яд сора ваӧн, ӧд ерусалимса пророкъяссянь пежыс паськаліс став тайӧ му пасьталаыс.

Еремей 32:34

Сійӧ керкаас, мый сиӧма Менам нимлы, найӧ сувтӧдісны ассьыныс зывӧк идолъяснысӧ да пежалісны тайӧ керкасӧ.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Еремей 50:6

Менам войтырӧй вӧлі вошӧм ыж чукӧр кодь, видзысьясныс кежӧдісны найӧс туйсьыс, разӧдісны керӧсвыв му пасьтала. Найӧ шӧйтісны-ветлӧдлісны керӧсъяс да ыбъяс вывті, вунӧдісны ассьыныс оланінсӧ.

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 7:30

Иуда войтыр вӧчис Менам син водзын шогмытӧмсӧ, – висьталӧ Господь. – Найӧ сувтӧдісны ассьыныс зывӧк идолъяснысӧ сійӧ керкаас, мый сиӧма Менам нимлы, да пежалісны тайӧ керкасӧ.

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Бӧрданкыв 2:20

Видзӧдлы, Господьӧй, видзӧдлы, кодлы Тэ тадзисӧ вӧчин! Мамъяс сёйӧны челядьнысӧ, морӧснас нёньӧдӧм каганысӧ. Господьлӧн вежаинын куйлӧны виӧм попъяс да пророкъяс.

Езекиль 23:39

Ассьыныс пиянсӧ идолъясныслы начкӧм бӧрын найӧ сійӧ жӧ лунӧ локтісны Менам вежаинӧ, тадзи пежалісны сійӧс. Со мый найӧ вӧчисны Менам керкаын.

Езекиль 44:10

Левитъясӧс, кодъяс ылыстчисны Меысь, кор Израиль войтыр кежис Меысь да юрбитіс аслас идолъяслы, лоӧ мыждӧма мыжъяссьыныс.

Езекиль 7:20

Эзысь да зарни мичмӧдчанторъясӧн найӧ ошйысисны, эзысь-зарниысь зывӧк бӧлбанъяс вӧчисны. Та вӧсна налысь донаторнысӧ Ме пежӧ бергӧда,

Езекиль 8:11

Израиль войтырлӧн сизимдас юрнуӧдысьыс сулалісны серпасъяс водзас. Шафанлӧн Язаний пиыс тшӧтш вӧлі юрнуӧдысьяс пӧвстас. Быдӧн киас кутіс ассьыс тшынӧдчан дозсӧ, и сэтысь чӧскыд дука тшын кымӧрӧн кыптіс вывлань.

Езекиль 8:16

Господь вайӧдіс менӧ крамлӧн пытшкӧс йӧрӧ. Крам пыранін дорын, посводз да висьпуктанін костын, сулалісны кызь вит кымын айлов. Найӧ сулалісны Господьлӧн крамлы мышкӧн, чужӧмнаныс асыввылӧ, да копрасисны шонділы.

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Софоний 3:4

Сэні олысь пророкъяс – ылӧдчысь да шогмытӧм йӧз. Попъясыс пежалӧны вежаинсӧ, нинӧмӧ пуктӧны Енлысь Индӧдсӧ.