Еремей 22:17 - Коми Библия 2023

¹⁷ Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Еремей 22:17 Iomraidhean Croise

Ӧксыяслӧн 3 небӧг 21:19

Висьтав Ахавлы, мый Господь тадзи висьталӧ: тэ мортӧс виин, а ӧні сылысь овмӧссӧ аслыд босьтан. Нӧшта висьтав сылы, мый Господь тадзи висьталӧ: кӧні понъяс нюлісны Навотлысь вирсӧ, сэні найӧ пондасны нювны и тэнсьыд виртӧ».

Ӧксыяслӧн 4 небӧг 23:37

Батьясыс моз Ехояким вӧчис Господь водзын шогмытӧмсӧ.

Ӧксыяслӧн 4 небӧг 24:4

Манассей кисьтіс мыжтӧм йӧзлысь вирсӧ сы мында, мый Ерусалим тырис вирӧн. Та вӧсна Господь эз прӧстит сійӧс.

2 Каднебӧг 36:8

Ехояким ӧксыалӧм дырйи мукӧд лоӧмторъяс йылысь, зывӧк идолъяслы Ехоякимлӧн копрасьӧм йылысь да сылӧн олӧм пом йылысь гижӧма израильса да иудаса ӧксыяслӧн небӧгӧ. [Ехояким куліс да вуджис батьясыс дінӧ. Сійӧс дзебисны Ганозанӧ батьясыскӧд орччӧн.] Ехояким бӧрти ӧксыӧ пуксис сылӧн Еконей пиыс.

Иов 31:7

Менам воськовъясӧй кӧ кежисны веськыд туйысь, сьӧлӧмӧй кӧ син бӧрся вӧтчис, ки пыдӧсӧ кӧ пежыс ляксис,

Псалтыр 10:3

Кор жугӧдӧма подувсӧ, мый вермас вӧчны веськыда олысь?

Петӧм 18:21

Бӧрйы войтыр пӧвстысь тӧлка йӧзӧс, кодъяс полӧны Енмысь. Найӧ мед вӧліны веськыдӧсь, эз горшасьны. Пукты ӧтиясӧс веськӧдлыны сюрс мортӧн, мӧдъясӧс – сё мортӧн, коймӧдъясӧс – ветымын мортӧн, нёльӧдъясӧс – дас мортӧн. [Пукты тшӧтш гижӧдӧ велӧдысьясӧс.]

Шусьӧгъяс 24:2

Найӧ олӧны лёк мӧвпъясӧн, лёк вӧчӧм йылысь сёрнитӧны.

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

Еремей 17:11

Байдӧг пӧжӧ колькъяс, кодъясӧс сійӧ эз вайлы, татшӧм жӧ сійӧ мортыс, коді ылӧдлӧмӧн озырмӧдчӧ. Олӧм шӧрас сійӧ воштас ставсӧ, кулігас сійӧ лоӧ мывкыдтӧм морт кодь.

Еремей 19:4

Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.

Еремей 22:3

Господь тадзи висьталӧ: олӧй веськыда да мыждӧй збыльыс серти, увтыртӧмаӧс мездӧй дзескӧдысьлӧн киысь. Йӧз муысь локтысьӧс, батьтӧм-мамтӧмӧс да дӧваӧс энӧ увтыртӧй да энӧ дзескӧдӧй, мыжтӧм мортлысь вирсӧ тайӧ муас энӧ кисьтӧй.

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 6:6

Ӧд Господь Саваоф тадзи висьталӧ: – Кералӧй пуяссӧ, Ерусалимлы паныд кыпӧдӧй тымӧд. Тайӧ карас ыджыдалӧ нартитӧм, та вӧсна сійӧс виччысьӧ мыждӧм.

Еремей 7:6

онӧ кӧ дзескӧдӧй йӧз муысь локтысьӧс, батьтӧм-мамтӧмӧс да дӧваӧс, онӧ кӧ кисьтӧй мыжтӧм йӧзлысь вирсӧ тайӧ муас, онӧ кӧ юрбитӧй мукӧд енъяслы аслыныд лёк вылӧ,

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Езекиль 18:12

гӧльӧс да коньӧрӧс дзескӧдӧ, бӧр оз сет, мый босьтіс уджйӧзӧн сетӧмсьыс, мӧдлысь мырддялӧ, идолъяслы юрбитӧ, зывӧксӧ вӧчӧ,

Езекиль 19:6

Сійӧ лои том лев, ветлӧдліс ыджыд левъяскӧд, велаліс кыйсьыны, кутіс сёйны йӧзӧс.

Езекиль 19:7

Сійӧ жугліс овтӧм керкаяс, куштіс каръяс, сылӧн равзӧмысь тіраліс став мувывса олысьыс.

Езекиль 19:9

Сійӧс дорисны чептӧн да пуксьӧдісны клеткаӧ, вайӧдісны вавилонса ӧксы дінӧ, йӧртісны изкарса дзескыдінӧ, медым израильса керӧсъяс вылын эз нин кыв сылӧн равзӧм шыыс.

Езекиль 22:6

Израильса юралысьяс вир кисьтісны Ерусалимын – быдӧн кисьтіс, мыйта вермис.

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Микей 2:2

Ковмас кӧ налы му – мырддясны, ковмас кӧ керка – босьтасны. Найӧ дзескӧдӧны мортӧс да сылысь гортсаяссӧ, куштӧны керка-овмӧссӧ.

Микей 3:10

Вир отсӧгӧн кыпӧданныд Сион, ылӧдчӧмӧн – Ерусалим.

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Римӧ 1:29

Найӧ тырӧмаӧсь быдпӧлӧс ылӧгнас да лёкнас. Кырсалӧны, горшасьӧны, лӧгалӧны, вежалӧны, виӧны, вензьӧны, пӧръясьӧны да лёксьӧны.

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

Нав Исус 7:21

Тышын шедӧдӧмтор пӧвстысь ме аддзи сеннарсаяслысь мича паськӧм, кыксё сикель мында эзысь да зарни ёкмыль, мый сьӧктанас вӧлі ветымын сикель. Ме ышті та вылӧ, босьті да дзеби чом улӧ, муас. Эзысьсӧ пыдӧджык дзебӧма».

2 Петыр 2:14

Налӧн синныс пыр ӧзъялӧ нывбабаяс вылӧ, найӧ оз пӧтлыны мыжсӧ вӧчӧмсьыс, ылӧдлӧны жеб эскысьясӧс. Сьӧлӧмныс налӧн тырӧма горшлунӧн, найӧ ёрӧмыслӧн пиян.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

Ӧксыяслӧн 1 небӧг 8:3

Найӧ эз ветлыны батьыслӧн туйӧд да эз веськыда мыждыны йӧзсӧ, а сетчисны горшасьӧмӧ да босьтісны козинъяс.