Еремей 21:13 - Коми Библия 2023

¹³ Ӧні Ме сувта тэныд паныд, ковтысын сулалысь кар, вывтасінын сулалысь изкырта, – висьталӧ Господь. – Ме сувта тіянлы паныд, кодъяс шуанныд, некод пӧ оз вермы петны тышӧ миянлы паныд, некод пӧ оз пыр миян сайӧдчанінӧ.

Еремей 21:13 Iomraidhean Croise

Псалтыр 125:2

Сэки ми нимкодясим да гажӧдчим. Войтыръяс шуисны, Господь пӧ петкӧдліс Израиль войтырлы ыджыд уджъяс.

Петӧм 13:20

Суккотысь муныштӧм бӧрын Израиль войтыр сувтіс Этамӧ, овтӧмин бокӧ.

Петӧм 13:8

Сійӧ лунӧ аслад пиыдлы шу, мый тадзи тэ казьтылан Господь Енлысь тэныд вӧчӧмторсӧ, кор тэ петін Египетысь.

Исай 22:1

Ковтыс йылысь водзвыв висьталӧм. Тайӧ ковтыссӧ Исай аддзыліс Енсянь восьтӧмын. Мый тэ вӧчан? Мыйла тэнад олысьясыд кайӧмаӧсь керка вевт вылӧ?

Еремей 17:3

да Менам керӧс вылын. Тіян мыжъяс вӧсна, мый ті вӧчинныд асланыд му пасьтала, Ме сета мырддялысьяслӧн киӧ эмбурнытӧ, озырлуннытӧ да вись ваян мылькъяснытӧ.

Еремей 21:5

Ме Ачым понда тышкасьны тіянлы паныд вына киӧс кыпӧдӧмӧн, скӧрлунӧн, ярлунӧн да ыджыд лӧглунӧн.

Еремей 49:16

Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Еремей 50:31

Ышнясьысь, Ме сувта тэныд паныд, – висьталӧ Ыджыдыс, Господь Саваоф, – воис тэнад луныд, тэнӧ мыждан кадыд.

Еремей 51:25

Ме сувта тэныд паныд, Вавилон, тэ – бырӧдысь керӧс, бырӧдан ставнас мусӧ, – висьталӧ Господь. – Ме лэпта киӧс тэ вылӧ, шыбита тэнӧ изкырта вывсянь, вӧча тэнӧ сотчӧм керӧсӧн.

Еремей 7:4

Ті шуанныд: ”Тані Господьлӧн крамыс, Господьлӧн крамыс, Господьлӧн крамыс”. Тайӧ шуӧмнас энӧ ылӧдлӧй асьнытӧ, мый ставыс бур.

Бӧрданкыв 4:12

Мувывса ӧксыяс эз эскыны, муюгыдын олысьяс эз чайтны, мый дзескӧдысь локтас, вӧрӧг пырас Ерусалим дзиръяӧд.

Езекиль 13:8

Та вӧсна Господь Ыджыдыс тадзи висьталӧ: абутӧмсӧ юӧртӧмысь да ылӧг аддзылӧмъяс висьталӧмысь Ме паныд сувта налы, – висьталӧ Господь Ыджыдыс. –

Езекиль 21:3

Израиль мулы шу, мый Господь тадзи висьталӧ: Ме сувта тэныд паныд, перъя Ассьым шыпуртӧс, виа веськыда олысьясӧс да мыжаясӧс.

Езекиль 34:10

Господь Ыджыдыс тадзи висьталӧ: Ме паныд сувта видзысьяслы, босьта ыжъясӧс налӧн киысь. Водзӧ Ме ог сет налы видзны Ассьым ыжъясӧс, и водзӧ найӧ оз нин тӧждысьны ас вӧснаныс. Ме перъя налӧн пинь-гыжйысь Ассьым ыжъясӧс, и Менам ыжъясӧй оз нин лоны налы сёянӧн.

Езекиль 5:8

Та вӧсна Господь Ыджыдыс тадзи висьталӧ: Ерусалим, Ме сувта тэныд паныд да мыжда тэнӧ мукӧд войтыръяслӧн син водзын.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Наум 2:13

– Ме сувта тэныд паныд, – висьталӧ Господь Саваоф. – Ме тшынйыв лэпта тэнсьыд тарантасъястӧ, шыпурт бырӧдас том левъястӧ. Ме бырӧда му вылысь ставсӧ, мый тэ мырддялін, дугдас кывны тэнад мӧдӧдӧмаяслӧн гӧлӧс шыныс.