Еремей 20:7 - Коми Библия 2023

⁷ – Господьӧй, Тэ ылӧдлін менӧ, и менӧ лои ылӧдлӧма. Тэ вермин менӧ, ӧд Тэ меысь вынаджык. Быд лун сералӧны ме вылын, ставныс лёкӧдӧны менӧ.

Еремей 20:7 Iomraidhean Croise

Ӧксыяслӧн 4 небӧг 2:23

Ериконсянь Елисей муніс Вефильӧ. Туй кузя мунігас карсьыс петісны зонпосни да пондісны серавны сы вылын: «Куш юра, мун татысь! Куш юра, мун татысь!»

Иов 12:4

Но серамтуйын аслам ёртъяслы ме лои – ме, коді шыасьлі Енмыс дінӧ, и кодлы Сійӧ вочавидзліс. Менӧ, мыжтӧмӧс да веськыда олысьӧс, серамтуйӧ пуктӧны.

Иов 30:9

Найӧ лӧсьӧдлӧны ме йылысь сералана сьылан, гартлӧны менӧ сёрнианыс.

Исай 8:11

Тадзи висьталіс меным Господь, коді Аслас вына киӧн кутіс менӧ да эз лэдз ветлӧдлыны тайӧ войтырыслӧн туйӧд. Сійӧ шуис:

Еремей 15:10

– Курыд шог меным! Мамӧй, мыйла тэ чужтін менӧ, татшӧм мортсӧ, коді вензьӧ-пинясьӧ став йӧзыскӧд? Ме некодлы эг удждывлы, некодлысь эг водзӧсавлы, но ставныс ёрӧны менӧ.

Еремей 15:18

Мыйла менам сьӧлӧмӧй пыр висьӧ, мыйла оз бурд менам дойӧй? Тэ лоин меным косьмӧм ва петанінӧн, мый ылӧдлӧ юны кӧсйысьӧс.

Еремей 17:16

Господьӧй, Тэ тӧдан, мый ме эг ӧтдортчы Тэнсьыд войтыртӧ видзӧмысь, ме эг кӧсйы, медым воис бырӧдан луныс. Тэ водзын восьса ставыс, мый петіс менам вомысь.

Еремей 20:9

Ме шуи аслым, мый ог кут казьтывлыны Господь йылысь, ог кут висьтавлыны Сылӧн нимсянь. Но менам сьӧлӧмӧй биӧн ыпъяліс, менсьым лыясӧс сотіс, ме мудзи кутнысӧ, водзӧ ог вермы.

Еремей 29:26

”Софоний, Господь пуктіс тэнӧ попӧ Иодай поп пыдди, медым Господьлӧн крамын тэ видзӧдін йӧйталысьяс бӧрся, кодъяс кӧсйӧны пророкавны, дорин найӧс чепъясӧн да топӧдін кокнысӧ тшемилӧ костӧ.

Еремей 38:19

Седекей ӧксы шуис Еремейлы: «Ме пола иудаса йӧзысь, кодъяс вуджисны калдеяса тышкайӧз дор. Калдеяса тышкайӧз кӧ сетасны менӧ налӧн киӧ, найӧ косявласны менӧ».

Бӧрданкыв 3:14

Аслам войтырлы ме лои серамтуйын, найӧ быд лун лӧсьӧдлӧны ме йылысь сьылан.

Езекиль 3:14

Лов кыпӧдіс менӧ да нуӧдіс сэтысь. Ме муні курыд сьӧлӧмӧн да ёна дӧзмӧмӧн, Господьлӧн киыс личкис менӧ.

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Микей 3:8

А ме тырӧма вынӧн да Господьлӧн Лолӧн, веськыдлунӧн да вынйӧрӧн, медым Яков рӧдлы юӧртны сылӧн лёк вӧчӧм йылысь, Израиль войтырлы – сылӧн мыж йылысь.

Лука 16:14

Тайӧс кывлісны фарисейяс. Найӧ сералісны Исусӧс, ӧд налы вӧлі муса озырлуныс.

Лука 23:11

Ирӧд аслас шыпуртаяскӧд сераліс-лёкӧдіс Исусӧс, пасьтӧдіс Сійӧс озыр паськӧмӧ да бӧр мӧдӧдіс Пилат дінӧ.

Ап. уджъяс 17:18

Кодсюрӧ философъяс, эпикура да стоика велӧдӧмӧ кутчысьысьяс, вензисны Павелкӧд. Ӧтияс шуалісны, сійӧ пӧ нинӧм абусӧ сӧрӧ! Мӧдъяс шуалісны, кутшӧмкӧ пӧ тӧдтӧм енъяс йылысь висьталӧ. Павел жӧ висьталіс налы Исус йылысь да кулӧмысь ловзьӧм йылысь.

Ап. уджъяс 17:32

Кулӧмысь ловзьӧм йылысь кылӧм бӧрын ӧтияс пондісны серавны, мӧдъяс шуисны, та йылысь пӧ коркӧ мӧдысь тэнӧ кывзам.

1 Коринфӧ 9:6

Гашкӧ, сӧмын меным да Варнавалы колӧ уджавнысӧ, медым аслыным кынӧмпӧт перйыны?

Еврейяслы 11:36

Ӧтиясӧс нӧйтісны орсӧн, лёкӧдісны да чептӧн дорӧмӧн видзисны дзескыдінын.