Еремей 2:27 - Коми Библия 2023

²⁷ Пулы войтырыс шуӧ, тэ пӧ менам батьӧй, излы шуӧ, тэ пӧ чужтін менӧ. Найӧ бергӧдісны Меланьӧ мышнысӧ, а эз чужӧмнысӧ. Но кор шогыс суӧ найӧс, найӧ шуалӧны: «Лок да отсав миянлы!»

Еремей 2:27 Iomraidhean Croise

2 Каднебӧг 29:6

Миян батьяс мыж вӧчисны, вӧчисны Господь Енным водзын шогмытӧмсӧ. Найӧ эновтісны Господьӧс, бергӧдчисны Сылӧн оланінлы мышкӧн.

Исай 26:16

Господьӧй, сьӧкыдсӧ нуигӧн Тэнад войтырыд корсьысисны Тэнӧ. Кор Тэ мыждылін найӧс, найӧ ышлолалӧмӧн кевмысьлісны Тэныд.

Еремей 10:8

Став войтыръясыс вежӧртӧмӧсь да мывкыдтӧмӧсь, и пуысь вӧчӧмтор оз вермы велӧдны найӧс.

Еремей 18:17

Асыввывсянь пӧльтысь тӧв моз Ме нӧбӧда Ассьым войтырӧс вӧрӧг водзын. Войтырлӧн сьӧкыд кадӧ Ме бергӧда налань мышкӧс, а ог чужӧмӧс.

Еремей 2:24

Тэ вӧлін овтӧминын быдмӧм вӧлявывса энь осёл кодь, лёкколӧмыд дырйи вомтырнад апалін сынӧдсӧ. Коді вермас кутны тэнӧ? Тэнӧ корсьысьяслы абу колана мудзтӧдзныс котравны, нӧйччигад тэнӧ кокньыда позьӧ аддзыны.

Еремей 22:23

Тэ ошйысян ливанса сус пуысь вӧчӧм керкаӧн, поздысян сус пу вожъяс вылын. Но чужтысь аньӧс моз тэнӧ топӧдасны сьӧкыд дойяс, и тэ пондан ымзыны!

Еремей 3:9

Яндысьтӧм кырсалӧмнас Иуда пежаліс мусӧ. Изъяслы да пуяслы юрбитӧмнас сійӧ пежаліс йитӧдӧс, мый Ме кӧрталі сыкӧд.

Еремей 30:7

Сійӧ луныс лоӧ зэв повзьӧдана, сэтшӧм луныс эз на вӧвлы! Яковсянь чужысьяслы сійӧ луныс лоӧ сьӧкыд, но найӧ мездмасны.

Еремей 32:33

Найӧ бергӧдісны Меланьӧ мышнысӧ, а эз чужӧмнысӧ. Ме выльысь и выльысь велӧдлі найӧс, но найӧ эз кывзыны, эз сибӧдны Менсьым туйдӧдӧмӧс.

Еремей 37:3

Седекей ӧксы мӧдӧдіс Еремей пророк дінӧ Шелемейлысь Ехукал писӧ да Софоний попӧс, Маасейлысь писӧ, медым найӧ шуисны пророклы: «Кевмысь миян вӧсна Господьлы, миян Енлы!»

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.

Езекиль 23:35

Господь Ыджыдыс тадзи висьталӧ: тэ бергӧдчин Меысь да вунӧдін Менӧ, сідзкӧ, лэдзчысьӧм оласногыд да кырсалӧмыд вӧсна ну сьӧкыдтӧ».

Езекиль 8:16

Господь вайӧдіс менӧ крамлӧн пытшкӧс йӧрӧ. Крам пыранін дорын, посводз да висьпуктанін костын, сулалісны кызь вит кымын айлов. Найӧ сулалісны Господьлӧн крамлы мышкӧн, чужӧмнаныс асыввылӧ, да копрасисны шонділы.

Даниил 9:7

Господьӧй, Тэ веськыда вӧчан, а миянлы ставнымлы ӧні юръяндзим. Ми эновтім Тэнӧ, та вӧсна Тэ вӧтлін миянӧс Иуда муысь, Ерусалимысь да став Израиль муысь ылі да маті муясӧ.

Осий 4:12

Менам войтыр шыасьӧ путор дінӧ, и бедь сетӧ сылы вочавидзӧмсӧ. Кырсалан руыс кежӧдіс найӧс ылӧгас, кырсалысь ань моз найӧ эновтісны ассьыныс Енсӧ.

Осий 5:15

Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.

Осий 7:14

Ме дінӧ став сьӧлӧмнас шыасьӧм пыдди найӧ бӧрдісны асланыс вольпась вылын, нянь да вина понда найӧ вундалісны асьнысӧ, но Меысь ылыстчисны.