Еремей 2:25 - Коми Библия 2023

²⁵ Видзчысь, медым котралігад эн коль кӧмтӧг, медым горшыд дзикӧдз эз косьмы. Но тэ шуин: «Ог кӧсйы кывзыны тайӧс! Меным мусаӧсь мукӧд енъяс, и налы ме юрбита».

Еремей 2:25 Iomraidhean Croise

2 Каднебӧг 28:22

Тайӧ сьӧкыд кадас Ахаз ӧксы ёнджыка на мыж вӧчис Господьлы паныд.

2 Каднебӧг 28:23

Сійӧ вись вайис Дамаскын олысьяслӧн идолъяслы, ӧд чайтіс, мый налӧн енъясыс пасьвартісны сійӧс. Сійӧ шуаліс: «Арамса ӧксыяслӧн енъясыс отсалӧны налы. Ме вись вая налы, и найӧ меным тшӧтш отсаласны». Но найӧ мыжӧ вӧйтісны Ахазӧс да став Израиль войтырӧс.

Исай 2:6

Господьӧй, Тэ эновтін Ассьыд войтыртӧ, колин Яковсянь чужысьясӧс. Ӧд найӧ унаторйӧ велӧдчисны асыввыв олысьяссянь, филистимсаяс моз найӧ кимӧститчӧны, волысьӧны локтысь йӧзкӧд.

Исай 57:10

Тэ мудзлін аслад кузь туйысь, но эн шулі, тайӧ пӧ весьшӧрӧ. Тэ пыр ёнмӧдчывлін, эн мудзлы.

Еремей 13:21

Мый тэ шуан, кор Господь пуктас тэ вылын ыджыдавны найӧс, кодъясӧс тэ лыддин аслад ёртъясӧн? Кага чужтысьӧс моз тэнӧ сэки топӧдасны дойясыд.

Еремей 13:22

Ас пытшкад тэ шуан: «Мыйысь менӧ суис тайӧ?» Тэнад лыдтӧм-тшӧттӧм мыжъясыд вӧсна лэптісны тэнсьыд бӧждортӧ, мырдӧналісны-янӧдісны тэнӧ.

Еремей 14:10

Тайӧ войтырыс йылысь Господь тадзи висьталӧ: «Найӧ ветлӧдлӧны, кытчӧ кӧсйӧны, ассьыныс кокнысӧ оз видзны. Но Ме, Господь, мустӧмта тайӧс. Ме ог вунӧд налысь лёк вӧчӧмнысӧ, а мыжда найӧс мыжъяссьыныс».

Еремей 18:12

Но найӧ шуасны тэныд: ”Эн виччысь! Ми кутам овны асланым кӧсйӧм серти, лёк да чорыд сьӧлӧмным серти”».

Еремей 2:31

Ӧнія олысьяс, гӧгӧрвоӧй Господьлысь кывсӧ: Вӧлі-ӧ Ме Израиль войтырлы овтӧминӧн? Вӧлі-ӧ Ме сылы пемыд муӧн? Мыйла Менам войтырӧй шуӧ, ми пӧ мунам, кытчӧ кӧсъям, огӧ пӧ бергӧдчӧй Тэ дінӧ?

Еремей 22:20

Ерусалим, кыпӧдчы Ливан керӧс вылӧ да бӧрд, сыркъялӧмӧн бӧрд Васан ыб вылын, гораа горзы Аварим керӧсъяссянь, ӧд тэнсьыд ёртъястӧ бырӧдӧма.

Еремей 22:21

Бур кадӧ Ме ӧлӧдлі тэнӧ, но тэ шулін, ог пӧ кывзы. Томдырсяньыд тэ тадзи вӧчин, эн кывзы Менӧ.

Еремей 3:13

Сӧмын гӧгӧрво ассьыд мыжтӧ, мый тэ Господьлы, аслад Енлы, паныд кыпӧдчин, котралін мукӧд енъяс дінӧ быд пашкыр пу улӧ, но Менсьым тэ эн кывзысь, – висьталӧ Господь».

Еремей 44:17

Ми водзӧ кутам вӧчны ставсӧ, мый кӧсйысим енэжвывса ӧксы-аньлы. Ми кутам тшынӧдчыны да вайны сылы вина вись, кыдзи ми, миян батьясным, ӧксыясным да юралысьясным вӧчлім иудаса каръясын да ерусалимса уличьяс вылын. Сэки ми пӧттӧдз сёйим-юим, бура олім да шогсӧ эгӧ тӧдлӧй.

Бӧрданкыв 1:2

Войнас сійӧ ырзӧмӧн бӧрдӧ, синваыс чужӧмбанӧдыс тюрӧ. Сійӧс бурӧдысьыс абу, весиг на пӧвстын, кодъяслы сійӧ вӧлі муса. Ёртъясыс пӧрйӧдлісны сійӧс, кутісны мустӧмтны.

Бӧрданкыв 4:4

Нёньпом кагаяслӧн горшыс косьмӧ, кывйыс ляскысьӧма горш бердас. Челядь корӧны нянь, но некод налы оз сет.

Езекиль 20:32

Ті шуанныд, мукӧд муясын олысь войтыръяс моз ми пӧ пондам юрбитны пуысь да изйысь вӧчӧмторъяслы. Но тадзи оз ло.

Осий 2:3

Оз кӧ, Ме сійӧс кушӧдз пӧрччӧда, пузчужӧм кагаӧс моз пасьтӧгыс коля. Ме вӧча сійӧс овтӧминӧн, вӧча сійӧс кос муӧн, горш косьмӧмысла сійӧ кулас.

Осий 2:5

Налӧн мамныс кырсаліс, найӧс чужтысьыс асьсӧ янӧдіс. Сійӧ шуліс: «Муна аслам мусукъяс бӧрся. Найӧ сетӧны меным сёян-юан, вурун да шабді, вый да вина».

Малакий 3:14

Ті шуанныд, Енлы кесъялӧмным пӧ миян весьшӧрӧ. Мый бурыс пӧ вӧлі сыысь, мый ми кутчысим Сылӧн тшӧктӧмъясӧ да ветлім шогалӧмӧн Господь Саваоф водзын.

Лука 15:22

Батьыс тшӧктас кесйӧгъясыслы: ”Вайӧй медбур паськӧмсӧ да пасьтӧдӧй менсьым пиӧс, чунькытшӧдӧй да кӧмӧдӧй сійӧс.

Лука 16:24

Озыр морт горӧдіс: ”Ӧвраам батьӧй, ло бур сьӧлӧма ме дінӧ! Мӧдӧд Лазарӧс, мед кӧтӧдас чунь помсӧ да кӧдзӧдас менсьым кывйӧс, ӧд ме мучитча тані би пытшкас”.

Римӧ 8:24

Дерт, ми мездмӧмаӧсь нин лача кутӧмным пыр. Но лачаыд кӧ збыльмӧма, сэки сійӧ абу нин лача. Кутӧны ӧмӧй лачасӧ аддзана-лоӧма вылас?

Индӧд 28:48

Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс.

Индӧд 32:16

Мукӧд енъяслы юрбитӧмнас Израиль войтыр скӧрмӧдіс Сійӧс, зывӧкторъяснас дӧзмӧдіс Сійӧс.