Еремей 19:11 - Коми Библия 2023

¹¹ да шу налы, мый Господь Саваоф тадзи висьталӧ: Ме жугӧда тайӧ войтырсӧ да тайӧ карсӧ, кыдзи вӧлі жугӧдӧма гырнич вӧчысьлысь сёй гырничсӧ, мый дзоньтавны он нин вермы. Тофетӧ пондасны дзебны виӧмаясӧс, ӧд мӧдлаын местаыс оз ло.

Еремей 19:11 Iomraidhean Croise

Псалтыр 2:9

Тэ бырӧдан войтыръясӧс кӧрт беддьӧн, сёй дозмукӧс моз жуглан найӧс торпыригӧдз».

Шусьӧгъяс 6:15

Таысь сійӧс виччысьтӧг суас шогыс, тӧдлытӧг сійӧс лоӧ жугӧдӧма, и сійӧ оз нин бурд.

Исай 30:14

Сійӧс лоӧ жугӧдӧма, кыдзи гырнич вӧчысь жалиттӧг жугӧдӧ сёй гырничсӧ, мый весиг торпыриг оз сюр жуглассьыс, медым пачысь босьтны биа ӧгыр, гӧптысь гумовтны ва.

Еремей 13:14

Ме зурӧда найӧс ӧта-мӧдас, зурӧда батьяссӧ пияныскӧд ӧтвыв, – висьталӧ Господь. – Ме некодӧс ог жалит, некод дінӧ ог бурсьӧлӧмтчы, жалиттӧг бырӧда найӧс».

Еремей 19:12

Тадзи Ме вӧча Ерусалим каркӧд да сэні олысьяскӧд, – висьталӧ Господь. – Тайӧ карыс лоӧ Тофет висьваянін кодь.

Еремей 19:6

Та вӧсна воасны лунъяс, – висьталӧ Господь, – кор тайӧ висьваянінсӧ оз нин кутны шуны Тофетӧн да тайӧ ковтыссӧ – Бен-Хинномӧн, но кутасны шуны виалан ковтысӧн.

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Еремей 48:38

Моавын став керка вевт вывсянь, изэрдъяс вывсянь кылӧ бӧрдӧм шы. – Ме пасьварті Моавӧс ковтӧм дозйӧс моз, – висьталӧ Господь. –

Еремей 51:63

Кор тэ помалан лыддьыны тайӧ гижӧд тубрассӧ, кӧртав сэтчӧ из да шыбит Ефрат юӧ.

Бӧрданкыв 4:2

Сионлӧн дона пияныс вӧліны весалӧм зарни кодьӧсь. Ӧні найӧ – сёй дозъяс, гырнич вӧчысьлӧн вӧчӧмторъяс.

Ап. уджъяс 21:11

Кор сійӧ пырис миян дінӧ, босьтіс Павеллысь тасмасӧ да кӧрталіс ассьыс ки-коксӧ, сэсся шуис: «Тадзи висьталӧ Вежа Лов: тайӧ тасма новлысьсӧ иудейяс тадзи жӧ кӧрталасны Ерусалимын да сетасны ентӧдтӧмъяс киӧ».

Восьтӧм 2:27

Сійӧ кутас видзны найӧс кӧрт беддьӧн да сёй дозъясӧс моз сійӧ жуглас найӧс торпыригӧдз сійӧ жӧ выннас, кутшӧм вын Меным сетіс Батьӧй.