Еремей 18:8 - Коми Библия 2023

⁸ Но сійӧ войтырыс кӧ, код йылысь Ме висьталі, эновтчас аслас лёк уджъясысь, сэки Ме вежа Ассьым шуӧмӧс да ог вӧч сійӧ лёксӧ, мый шуи вӧчны налы.

Еремей 18:8 Iomraidhean Croise

2 Каднебӧг 12:6

Сэки иудаса юралысьяс да ӧксы раммӧдчисны да шуисны: «Господь веськыда вӧчӧ!»

Псалтыр 135:14

Сійӧ нуӧдіс Израиль войтырӧс саридз шӧрӧд, Сылӧн буралӧмыс оз помасьлы.

Псалтыр 90:13

Яда змей вылӧ тувччан, талялан левӧс да гундырӧс.

Петӧм 32:12

Ӧд египетсаяс кутасны шуны, Енмыс пӧ петкӧдіс найӧс, медым керӧсъяс вылын вины найӧс да бырӧдны му вылысь. Дугды скӧравнытӧ, Господьӧй, эн бырӧд Ассьыд войтыртӧ.

Петӧм 32:14

Господь вежис Ассьыс шуӧмсӧ – эз мӧдӧд лёксӧ Аслас войтыр вылӧ.

Еремей 12:16

Найӧ кӧ велӧдчасны овны, кыдзи Ме тшӧкті овны Аслам войтырлы, велӧдчасны кӧ кыв сетны ловъя Господь водзын, кыдзи найӧ велӧдісны Менсьым войтырӧс кыв сетны Ваал идол водзын, сэки найӧ вужъясясны Менам войтыр пӧвстӧ.

Еремей 15:6

Тэ эновтін Менӧ, – висьталӧ Господь, – тэ кежин Меысь. Та вӧсна Ме лэпта тэ вылӧ Ассьым киӧс да бырӧда тэнӧ, Ме мудзи тэ дінӧ буравны.

Еремей 26:13

Веськӧдӧй ассьыныд туйяснытӧ, вӧчӧй бурсӧ да кывзысьӧй Господьлысь, асланыд Енлысь, сэки Господь вежас Ассьыс шуӧмсӧ да оз вӧч сійӧ лёксӧ, мый шуис вӧчны тіянлы.

Еремей 26:19

Но Езекей ӧксы да Иуда войтыр ӧмӧй виисны пророкӧс? Езекей ӧксы поліс Господьысь да кевмис Господьӧс бурсьӧлӧмтчыны. Та вӧсна Господь вежис Ассьыс шуӧмсӧ да эз вӧч сійӧ лёксӧ, мый шуис вӧчны налы. А ми ыджыд лёктор вӧчам аслыным».

Еремей 26:3

Гашкӧ, найӧ кывзасны да бергӧдчасны асланыс лёк туй вылысь. Сэки Ме вежа Ассьым шуӧмӧс да ог вӧч сійӧ лёксӧ, мый шуи вӧчны налы лёк уджъяссьыныс.

Еремей 36:3

Гашкӧ, Иуда чужанкотыр кылас, кутшӧм шог Ме шуи мӧдӧдны налы, да бергӧдчас аслас лёк туй вылысь. Сэки Ме прӧстита налысь лёк вӧчӧмнысӧ да мыжнысӧ».

Еремей 42:10

”Ті кӧ кольччанныд тайӧ муас, Ме ёнмӧда тіянӧс, ог пазӧд, Ме вужйӧда тіянӧс, ог нетшышт. Ме вӧчи тіянлы лёксӧ, и шогся та вӧсна.

Езекиль 18:21

Лёк вӧчысь кӧ бергӧдчас мыжсьыс, пондас овны веськыда да Менам индӧд-тшӧктӧмъяс серти, сійӧ оз кув, а кутас овны.

Езекиль 33:11

Шу налы, мый Ме ог кӧсйы, медым мыжа морт куліс, – висьталӧ Господь Ыджыдыс. – Но кӧсъя, медым сійӧ бергӧдчис аслас лёк туй вылысь да видзис ассьыс олӧмсӧ. Тайӧс Ме Ачым кыв сетӧмӧн шуа. Бергӧдчӧй асланыд лёк туй вылысь! Мыйла тіянлы кувнысӧ, Израиль войтыр?

Езекиль 33:12

Морт пиӧй, висьтав аслад войтырлы: веськыда олысь кӧ вӧчас мыжсӧ, сылӧн веськыда олӧмыс оз мезды сійӧс. Лёк вӧчысь кӧ дугдас вӧчны мыжсӧ, сійӧ оз кув аслас лёк вӧчӧмысь. И веськыда олысь ловйӧн оз коль, пондас кӧ мыж вӧчны.

Езекиль 33:13

Кор Ме шуа веськыда олысьлы, мый сійӧ кутас овны, но сылӧн лачанас лоӧ аслас веськыдлуныс, и сійӧ пондас вӧчны лёксӧ, сэки сылысь веськыдлунсӧ лоӧ вунӧдӧма. Аслас лёк вӧчӧм вӧсна сійӧ кулас.

Езекиль 33:14

Кор Ме шуа лёк вӧчысьлы, мый сійӧ кулас, но сійӧ бергӧдчас мыжсьыс да пондас овны веськыда,

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Амос 5:15

Мустӧмтӧй лёксӧ да радейтӧй бурсӧ, веськыда мыждӧй ёрд вылын. Гашкӧ, Господь Ен Саваоф бурсьӧлӧмтчас Ӧсип рӧдысь ловйӧн кольӧмаяс дінӧ.

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.

Ёрдысьяс 2:18

Господь сувтӧдліс налы ёрдысьясӧс, и Ачыс вӧлі быд ёрдыськӧд. Господь мездывліс войтырсӧ вӧрӧг киысь ёрдысьлӧн олан кад чӧжыс. Ӧд Господьлӧн сьӧлӧмыс нормывліс войтырыслысь дзескӧдӧм вӧсна ойзӧмсӧ кылігӧн.