Еремей 18:22 - Коми Библия 2023

²² Мӧдӧд на дінӧ мырддялысь-пазӧдысьясӧс, налӧн керкаясысь мед кылас бӧрдӧм шы. Ӧд найӧ кодйисны гу, медым кыйны менӧ, пуктісны нальк менам коклы.

Еремей 18:22 Iomraidhean Croise

Псалтыр 140:5

Веськыда олысь мед чирыштас менӧ – тайӧ лоӧ меным бур вылӧ. Сійӧ мед янӧдас менӧ, ӧд тайӧ мавтыштан вый менам юрлы. Ме ог паныд сувт, дугдывтӧг кевмыся, медым мыжаяс эз вӧчны лёксӧ.

Псалтыр 140:6

Кор налысь юралысьяссӧ лоӧ шыбитӧма изкырта вывсянь, найӧ гӧгӧрвоасны, мый менам кывъясӧй вӧліны небыдӧсь.

Псалтыр 142:4

Менам лолӧй дзикӧдз нюкыртчӧма, менам сьӧлӧмӧй полӧмӧйла топалӧма.

Псалтыр 38:12

Тэ кӧ мыж вӧчӧмысь янӧдан да мыждан мортӧс, сэки сылӧн мичлуныс бырас воз сёйӧм паськӧм моз. Быд мортлӧн олӧмыс тӧвру пӧльыштӧм кодь.

Исай 10:30

Галлим кар, горзы гораджыка! Лаис кар мед кылас тэнсьыд горзӧмтӧ, Анатот кар мед локтас тэныд отсӧг вылӧ!

Еремей 18:20

Бурсьыс ӧмӧй лёкӧн вештысьлӧны? Но найӧ кодйӧны меным гу. Эн вунӧд, кыдзи ме сулалі Тэ водзын да дорйи найӧс, медым вештыны на вылысь Тэнсьыд скӧралӧмтӧ.

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Еремей 20:16

Сійӧ мортыскӧд мед лоӧ сійӧ жӧ, мый лои каръяскӧд, кодъясӧс нем жалиттӧг пазӧдіс Господь. Асывнас мед сійӧ кылас ойзӧм, а луннас – тыш вылӧ чуксалӧм

Еремей 4:31

Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».

Еремей 5:26

Менам войтыр пӧвстын эмӧсь лёк вӧчысьяс, лэбач бӧрся моз найӧ кыйӧдчӧны, октӧны лэчьяс да кыйӧны йӧзсӧ.

Еремей 6:26

Менам войтырӧй, пасьтав шогалан паськӧмтӧ, туплясь пӧим пытшкын. Бӧрд, быттьӧ ӧтка пиыд кулӧма, курыда бӧрд, ӧд виччысьтӧг локтас миянӧс бырӧдысь.

Софоний 1:16

Сійӧ лунӧ чукӧстас буксан шы, и тышкайӧз горӧдӧмӧн уськӧдчасны изкаръяс вылӧ, джуджыд башняяс вылӧ.

Матвей 22:15

Фарисейяс мунісны да ас костаныс сёрнитчисны Исусӧс кыйны сёрниас.